Loma 9:4 - Loina Nuahuana

^4-5 Ta moisa 'igu bodaedi beno mwalo Yehoba 'ihesinuwa pwaidiya ta 'i'ahwa natunediya. Cina wasawasa ma 'ina gwae hemisao eema 'ina loinao bwebwe'adi 'i'ebwaediya. Ma wete tapwalolo ta ginaula 'ausaladi 'igwae hemisaeya babada nugenugetadi 'oidiya. Taudi gide Ebalahamo ma Aisake ma Yakobo, eeta muliyetega Ebalahamo 'ina susuina 'oinega Keliso 'ilatuma. Tauna Yehobaina tahepwatuwe tuta mabwaiyana 'oidiya, 'iboi 'ihane hedadeya. Emeni.

Loma 9:4 ပူးပေါင်းရင်းမြစ်များ

Madiu 21:33

Ma Yesu wete 'ihegwaediya, 'igwae, “Caigeda gwae hegehegedi wete wahesagohe tobegula weyahina. Tobegulaina gileipa daisinamo 'ibeguliya 'ina tanoha ma 'abwalu 'ipaihoweya ma gileipa 'ana 'ebebibi wete 'ipaihoweya, ma hada tanohina 'alona 'i'abiya, 'oinega 'ina topaihowao 'ihegwaediya si'ita'itayahi, ma tauna 'itauya hali tupwa.

Yoni 1:17

Yehoba 'ina loina Mosese 'oinega silatuwa. Ma hesi helau moisa ma mumuga bwebwe'adi Yesu Keliso 'oinega silatuma.

Yoni 1:47

Sitautauya, ma Yesu Nataniyela 'i'iteya, ma Nataniyelaina weyahina 'ihegwaegwaeya 'igwae, “Loheya nage gwama Isileli moisa, ma mumugana 'ausalana mabwaiyana.”

Paihowa 2:39

Weyahina Yehoba 'ina gwae hemisaina 'abehega 'omi weyahimi, ma natumiyao wete weyahidi, ma taudi bwaga 'ana tomiyao weyahidi, taudi mabwaiyadi 'ida Badaina Yehoba 'ibwauwedi 'oina.”

Loma 3:2

Ta ginaula bwebwe'adi baibaiwadi 'oida simiyamiya. Ma ginaula nugenugetaina beno Yehoba 'ina gwae 'oida 'ilaguyama.

Loma 8:15

Eeta Yehoba sahena tamatamataute weyahina 'i'ahwa natunegita, ta tauda geya gide 'ina topaihowao, ma hesi gide natunao ma ma'ida 'atepatu tagwaegwae 'oina, “Tamagu!”

Loma 9:6

Yehoba 'ina gwaeyedi bewa geya 'ehetete, ma hesiyage huwaina 'i'abihelatuya susu Isileli moisa 'oidiya, ta geya wete susu Isileli mabwaiyadi 'oidiya, ma tuwa hesihesinuwadimo.

2 Kolinita 11:22

Ceguma taudi meIbeliu, taugu gide. Ceguma taudi Isileli 'ina susuwao, taugu gide. Ceguma taudi Ebalahamo tubunao, taugu gide.

Galetiya 3:16

Gidemusa wete Yehoba 'ina gwae Ebalahamo ma 'ina susu 'i'ebwaediya 'imiya hataya. Geya 'abehega Buki He'asisi 'igwaeya “Susuwao 'oidiya,” ma hesi 'ina susu 'aigeda tuwamo, beno Keliso.

Epeso 2:12

Wanuwatuhuyahi 'abehega tutaina mwalo Keliso 'oinega wamiya wasiya, ma Isileli 'ina 'ebeloina 'oinega wamiya ganamuliya, ma ginaula bwebwe'adi Yehoba 'igwae hemisaeya Buki He'asisi 'alona geya 'eta to'aha 'omi weyahimi 'i'inana, 'oinega geya'abwa 'eta to'aha bwebwe'ana 'abwa walobaloba ma 'abehega tauna weyahina wada hemisa, geya wete 'imi Yehobamo tutaina bale'uwa wamiyamiya.

Ibeliu 9:1

Loina nugenugetana 'alona loina baibaiwana simiyamiya tapwalolo weyahina, ma wete hada tapwalolo bale'uwa weyahina.

Ibeliu 9:10

'eguma loinaowedi tomota simulimuliyedi 'e'ahai ma 'adi we'aha ma hali buyo ma hali buyo weyahidi. Weyahina mwalo loinaina miyamiyaina Yehoba 'ilaguya ta 'imiyamiya 'ana siga Keliso 'ilatuma ta loina 'ibuiya.

Ibeliu 9:3

Ma Tupwa He'asisi Hedade 'alona 'ebegabu 'imiyamiya gado'a* weyahina, beno goula 'oinega sipaihoweya, ta wete loina 'ana dedewaga 'imiyamiya, beno goula wete 'oinega sipaihoweya, ta dedewagaina 'alona gaeba goula 'imiyamiya, ta gaebaina 'alona tubudao 'adi 'e'ahai sanina mana, tupwana 'imiyamiya. Ta wete dedewagaina 'alona Eloni 'ina digona, beno mwalo 'ibwala, ta wete da'uleyedi Yehoba 'ina loinao 'oidiya 'ilelediya simiyamiya.

Ibeliu 9:5

Ma dedewagaina pwatana 'eluwa anelose namanamalidi sipaihowediya ta dedewagaina siheloguloguya, beno Yehoba 'ina 'ebemiya tomota 'idi puiyao 'adi nuwasam weyahidi. Ta hesi sahena tanuwanuwatuhu hedade tobwatobwaedi weyahidi.

Ibeliu 9:6

Ceguma tobwatobwa mabwaiyadi si'atububudi, 'oinega topwaoliyao siluhuluhu Hada He'asisi 'alona ta 'idi paihowa sipaipaihowa;