Loma 9:20 - Loina Nuahuana

²⁰ Ciyagwao, tauda geya 'ilobwainegita ma Yehoba 'oina tagwae hila, eema 'ebe'ita gide towalata'abi, 'aigeda tuta loheyainaina walata 'i'abidiya, ma 'aigeda walataina 'ihegwaeya to'abiina, 'igwaeya, “To'aha weyahina geya 'u'abigau gide 'iyaguina?”

Loma 9:20 ပူးပေါင်းရင်းမြစ်များ

Madiu 20:15

Maisa bewa taugu 'igu 'ebeloina. Sahena 'omi waloiloina. Sahena 'igu helau tomota 'oidiya weyahina wahe'ipi'ipi.’

Luke 12:14

Ma Yesu loheyaina 'enana 'ihemaiseya, 'igwae, “Loheya, taugu geya sowasowahigu ma yahetoloina 'ami heguheguyaiina weyahina.”

Loma 14:4

ma wete tauna 'ina topaihowao, eeta tauna tuwa 'adi to'itayahina, ma 'owa geya. Coinega 'eguma 'i'ahwa bwebwe'anedi bo 'i'ahwa galagalaedi 'iboi 'ina 'ebeloina, weyahina tauna sawasawahina 'i'abihe waiwaiyedi ma geya sowana siwe'awe'a.

Loma 2:1

Tasigwao, sahena 'iyamiyao mumugadi weyahina wahehetalapili, weyahina 'eguma 'iyamiyao wahehetala piliyedi ma 'omi wete mumuga 'aigedaina wapaipaihowa, beno waboi tuwa wahehetala piliyegomi.

Loma 2:3

Ma 'iyagwao, 'omi hali tomota wahehetala piliyedi, 'imi nuwatuhu 'abehega nata geya Yehoba 'ina bwa'omatana walobaloba, ma hesiyage nata wete 'iloinaegomi, weyahina mumugaedi 'omi gide wete wapaipaihowadi.

Loma 9:21

Ta 'ana dumwalu hesi beno to'abiina 'iboi 'ina 'abi 'iloinae, 'eguma nuwanuwana bale'u 'aigedaina 'oinega walata 'eluwa 'i'abidi, ma 'aigeda 'ana 'ita 'ausalana, ta 'aigedaina geya. Bewa bwebwe'ana!

Loma 9:22

Ta Yehoba wete gidemusa 'ina paihowa 'iboi 'iloinae, weyahina tuta mabwaiyana togala 'oidiya 'ihe'alama'i'ita madouna 'abehega 'idi pui weyahina sahena 'ida hemahemaisedi, ma tuwa geya sida hematamataneya, ma 'inuwatuhuwa 'abehega sowasowana tuwa 'iloinaedi, 'ina gamwasowala ta 'ina waiwai matadiyega si'ita.

1 Kolinita 1:20

Coinega togidega taudi tosanapuwao bo nuwana tohe'itao? bo nuwana taudi tologuguyao bewa tuwa bale'uwa simiyamiya? Moisa, Yehoba 'idi sanapuina 'i'ahwa ginaula bwagabwagaediya.

1 Kolinita 7:16

Cowa loheya bo wahine 'abwa togidega mwaneu 'u'abihe nuwabui 'ese, 'eguma 'u'abiyahi? Geya tasanapu, 'awa?

1 Timoti 6:5

Coinega 'iyadiyao ba'idadiyao sihe'ahwa panapanawa, ma 'idi nuwatuhu galadi weyahina nata he'ita moisa geya sisanapu, ma hesi 'idi nuwatuhu 'abehega Yehoba 'ana he'asisi 'oinega 'idi wasawasa madouna sida loba bale'uwa.

2 Timoti 2:20

Moisa tuwa, hada wasawasaedi 'alodiya tupwadi gaeba goula ma siliba, ma tupwadi gaeba 'aiwe ma bale'u 'oidiyega sipaihowedi, ta gaebaedi bwebwe'adi taumanao weyahidi silagudi, ma gaeba galadi silagu wasiyedi mohomoho weyahidi.

Taito 2:9

Topaihowao wete 'uhegwaedi ma 'idi babadao 'idi loina sihe'asisiyedi, ta 'idi paihowega si'abihe yaliyayadi, ma sahena silologwahata,

Yemesa 2:20

Cowa yauyauleiu. Bewa 'ebe'ita ya'ebwaego 'abehega 'eguma hemisamo, ta geya paihowa, beno ginaula bwagabwaga.