Loma 8:5 - Loina Nuahuana

^5-6 Weyahina 'eguma taiyewedi mumuga bale'u simulimuliye, beno siboi weyahidi sinuwanuwatuhu, nata mumugainaina 'oinega 'amasa siloba, eeta taiyewedi Yehoba Yaluyaluwana sihematamatane, taudi Yehoba 'ina nuwatuhuina sipaipaihowa, ma 'ane yawasi bwebwe'ana ta miya daumwala siloba.

Loma 8:5 ပူးပေါင်းရင်းမြစ်များ

Maki 8:33

Ma Yesu 'ihasakowasi ma 'ana tomuliyao 'i'e'ebubudiya, ma 'iheliya Pita 'oina, 'igwaeya, “Cowa Seitani, bewa sauga 'u'ebesinegau! Weyahina 'ino nuwatuhuwedi nuwatuhu 'asa gabulena 'ana nuwatuhu, ma hesi geya Yehoba 'ina nuwatuhu gide.”

Yoni 3:6

Tomota natudiyao sili'u tomota moisa. Ma Yehoba Yaluyaluwana 'oinega yaluyaluwamo 'ihenatune.

Loma 8:9

Ma 'omi Yehoba Yaluyaluwana 'iloiloinegomi, ta 'oimiya wete 'imiyamiya, eeta waboi 'imi nuwatuhu geya 'ida loinegomiya. Weyahina 'eguma taiya Keliso Yaluyaluwana geya 'oina, tauna geya Keliso 'ina boda.

1 Kolinita 15:48

Mabwaiyada Adama tubunao bale'uwa tamiyamiya, 'ada 'ita mebale'u gidemusa, ma wete wahida hauhaudi galewega 'abwa ta'ewadi, 'adi 'ita gidemusa Keliso wahina hauhauna.

1 Kolinita 2:14

Ta hesi 'eguma geya, geya'abwa wete sisanasanapu, weyahina 'oidiya 'abehega ginaula yauyauledi tuwa. Coinega geya sowasowahidi ma ginaulaedi sisanapudi, weyahina Yehoba Yaluyaluwana geya 'i'abihenuwa sabwalenidi.

2 Kolinita 10:3

Moisa, bale'uwa tamiyamiya, ma hesi 'ida paihowa geya mebale'u gide.

Galetiya 5:17

Weyahina nuwa'ubunao Yaluyaluwa Tabuna silo'aleheya, ma 'iyamo Yaluyaluwa Tabuna 'ida nuwa'ubunao 'ilo'alehediya. Coinega 'aloda silolo'aleha, eema to'aha bwebwe'ana nuwanuwada tapaihowa geya sawasawahina ma tapaihowa.

Epeso 5:9

ma mumugaedi bwebwe'adi ma dumwaludi ma moisadi silatulatu 'asilala 'oinega.

2 Pita 2:10

Moisa, 'eguma togalaedi Yehoba 'ina loina silogwahate, ma 'idi nuwa'ubunao bi'ibi'idi simulimuliyedi, beno 'adi maisa gala hedadena nata 'i'ebwaedi. Togalaedi wete gagasa huhudi, ma geya 'idi he'asisimo megalewa 'asi'asilalaidi 'oidiya, ma hesi si'ahwa'ahwa galaedi.