Loma 8:37 - Loina Nuahuana

³⁷ Ma hesi ginaula mabwaiyadi bewa 'oidiyega tahewaiwaiya, weyahina Yesu 'ina helau ma 'ina 'abihetena 'oida 'imadou hedada.

Loma 8:37 ပူးပေါင်းရင်းမြစ်များ

Yoni 16:33

Gwae bewa ya'inanediwa 'oimiya ma 'oiguwega wanuwa daumwala. Ma hesiyage 'imi miya gogo gabulena 'oina nata 'igala. Ma hesiyage wa'atepatu, weyahina taugu gogo gabulena 'ana loina mabwaiyana yahewaiwai sinediya.”

Loma 8:35

Coinega geya 'eta ginaula sowasowahina ma Keliso 'ina helauina 'oidega 'i'ewa yahule, mwauwedi gidemusa muya bo woya bo gomale bo hewewelohe bo hesilae ma wete 'amasa.

1 Kolinita 15:54

Ma 'abwa tuta nage 'oina Buki He'asisi 'ana 'ahwa moisa 'ilatu, beno 'igwaeya, “Tauna 'abwa 'ihewaiwai moisa ma 'amasa 'igumwala.

1 Kolinita 15:57

Ma hesi 'ida Bada Yesu Keliso 'i'abihetegita ma galanaina 'oinega tahewaiwaisine, eeta Yehoba 'oina taloyauwedo madouna.

2 Kolinita 12:19

Ciyagwao, sahena wanuwanuwatuhu 'abehega 'igu gwae bewa 'oidiyega ya'ahwa bwebwe'anegau matamiya. Geya, ma hesi mabwaiyana Yehoba matana Keliso 'ina gwae yagwaegwaeneyawa sabi 'abihe waiwaiyegomi.

2 Kolinita 12:9

Ma 'igu 'ahwanoiina 'ihemaiseya 'igwaeya, “Sahena. Ma hesi 'igu helaumo sowasowahiu, ta 'ino we'a 'oina 'igu waiwai 'ulotohoya 'abehega sowasowahina.” Coinega 'igu we'ao weyahidi yayaliyaliyaya ma yada gwae gagasa, weyahina 'igu tuta we'a 'oidiya Keliso 'ina waiwai 'oiguwa 'imiyamiya.

2 Kolinita 2:14

Coinega Yehoba 'oina yaloyauwedo, weyahina Keliso 'ina waiwaiyega tuta baibaiwana 'i'abi'abi hewaiwaiyemai ma 'ima paihowega Keliso 'ana sanapu tupwa mabwaiyana 'oidiya 'idabalala gide hoya mahaina 'ausala hedade 'idabalala ma tomota sinisoniso,

Galetiya 2:20

Moisa, Keliso mahetegu si'abihe kelose pwaimaiya, 'oinega 'ama'amasigu, ma geya taugu yawasiguwega ma hesi Keliso yawasina 'oiguwa 'imiyamiya. Beno tuwa yamiyamiya, yawasiguina lamuna beno 'igu hemisa Yehoba Natuna 'oina. Weyahina Yesuina 'ina helauwega tauna 'itagwaleya ta weyahigu 'i'amasa.

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

2 Tesalonaika 2:16

Yehoba Tamada 'ihelau moisa 'oida, 'oinega tuta mabwaiyana 'i'abihe yaliyayegita, weyahina tanuwatuhuya ginaulaedi 'abwa tauda weyahida 'ipaihowadi.

1 Yoni 4:10

Bewa helau moisa, geya 'abehega tauda Yehoba 'ana tohelauwao, Yehoba hesi 'ada tohelau, ta Natuna 'itagwaleya ma 'iboi 'ipwaoliyeya tauna, 'ida puiyao weyahidi.

1 Yoni 4:19

Ta 'ida helauina huhuna bewa, weyahina Yehoba 'ihelau nugetegita.

1 Yoni 4:4

Natugwao, 'omi Yehoba 'oinega wali'uma, 'oinega hali yaluyaluwaedi wahewaiwai sinediya, weyahina Yaluyaluwaina 'oida 'imiyamiya Tohewaiwai moisa, ma hesi yaluyaluwaina mebale'u 'oidiya 'imiyamiya, 'ina waiwai geya madouna.

Yude 1:24

Yehobaina sawasawahina 'ilomata yahigomi ma geya'abwa wabe'ube'u ee 'ana siga tutaina tauna matana 'inaolegomi 'ina 'asa 'asi'asilalaina 'oina, ma'imi mumuga bwebwe'ana, ma wete ma'imi yaliyaya madouna.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Heꞌitaꞌita 12:11

“Ma tasidaowedi hesi tuwa yawasidi sitagwaleya ma Keliso weyahina si'amasa, 'oinega Tomuduleleina ma'iyadiu silo'aleha ta taudi sihewaiwaiya. Ma 'idi hewaiwai Lami bweyahinega, ma wete 'idi hepwailega Lami weyahina.

Heꞌitaꞌita 17:14

Ma 'abwa Lami 'oina silo'aleha, ma Lamiina 'ihewaiwai sinedi, weyahina tauna babadaowedi 'idi Bada, ma kiniyao 'idi Kini, ma wete taudi 'ina hesinuwega 'ibwauwedima, taudi 'ana tomuliyao moisa ba'idanao.”

Heꞌitaꞌita 21:7

Ma 'eguma taiya 'ihewaiwai Seitani 'oinega, nata yaliyaya yatagwala 'oina ma 'i'ahwa tamanegau, ma tauna ya'ahwa natune.

Heꞌitaꞌita 3:9

“Moisa taudi Tomudulele 'ina bodao si'abowa ta sigwae 'abehega taudi meYudiya, ma geya. Cabwa yaloinaedi ma sinaoma matamiya ma si'etuluha, ma 'ane mabwaiyadi sisanapu 'abehega 'omi ya'atemuya muyaegomiya.