Loma 8:34 - Loina Nuahuana

³⁴ Geya wete nata 'eta taiya 'ina gwae pa'alina 'oida 'ilagulagu, weyahina Yesu Keliso tauna weyahida 'i'amasa pwaiya ta wete 'itoholohila, 'oinega bewa tuta Yehoba 'ina 'ebeulega 'imiyamiya ma weyahida 'i'ahwa'ahwanoi.

Loma 8:34 ပူးပေါင်းရင်းမြစ်များ

Madiu 20:28

Wete gide taugu Loheyaiguina yasuluma bale'uwa, geya 'abehega tomota weyahigu sipaihowa, ma hesi sabi paihowa tomota weyahidi, ma wete yatagwalegauwa ma ya'amasa tomota mabwaiyami 'ami lihasa weyahina.”

Maki 16:19

Cida Bada Yesu 'ina hemataluwa 'ana tomuliyao 'oidiya 'ilosaloha pwaiya ma 'ihaneya galewa, ma Yehoba 'ina 'ebeulega 'imiyatoiya.

Yoni 14:19

“Ci'iunamo ma ya'ebesinegomi. Ma hesi mebale'u taudi geya sihemisaegau nata geya'abwa si'ita'ita hilegau. Ma hesiyage 'omi nata moisa wa'ita hilegau mayawasigu yamiyamiya. Beno 'oinega 'omi nata wete yawasi miyamiya hatayana 'oiguwega waloba.

Yoni 16:23

Ma tuta nage 'oina geya'abwa 'eta to'aha weyahidi wahehesilalegau, ma moisa hesi saniguwega Tamagu 'oina ginaulinaina weyahina wa'ahwanoi, nata tuwa 'i'ebwaegomi.

Paihowa 2:24

Ma Yehoba 'amasa 'ina tupwa mwauna 'oinega 'i'abiheteya ta 'i'abihetoholo hileya, weyahina geya sowasowahina ma 'amasa 'ina tupwa 'imiyamiya hataya.

Loma 14:13

Coinega sahena 'iyadao ta'ahwa'ahwa galagalaedi, ma hesiyage taboi mumugada ma 'ida paihowa ta'itayahi, ma 'ane gesowana 'iyadai 'aigeda ta'abi'abi hewe'a 'ina 'etala he'asisi weyahina.

Loma 14:9

Bewa weyahina Keliso 'i'amasa ma 'itoholohila, ta 'abehega to'amasaedi ma tauda mayawasida mabwaiyada 'oida 'ihetoloina.

Loma 4:25

Tauda tuwa 'ida pui weyahina Yesu 'i'amasa, ma Yehoba 'i'abihetoholo hileya, ta beno 'oinega 'ideuligita ma 'i'ahwa dumwaluwegita.

Loma 8:1

Coinega 'eguma Yesu Keliso mahetedai, nata geya 'eta taiya 'ina gwae mwauna 'oida 'ilagulagu.

Loma 8:27

Yehoba tauna 'ida nuwatuhu 'isanapudiya, ma weteyage 'iboi Yaluyaluwana 'ina nuwatuhu 'isanasanapudi, weyahina Yaluyaluwanaina Yehoba 'ina tomotai weyahida 'i'ahwa'ahwanoi, weyahina Yehoba Yaluyaluwanaina mahetena 'idi nuwatuhu 'aigeda.

Kolose 3:1

Yehoba Keliso ba'idamiu 'ihetoholo hilegomiya, 'oinega galewa ginaulaedi wa'ebesedi, nobwa Kelisoina Yehoba 'ina 'ebeulega galewa 'imiyamiya.

Ibeliu 1:3

Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

Ibeliu 7:25

Yesuina tuta mabwaiyana sawasawahina 'i'abihetegita 'eguma 'ana hemisega taluhu Yehoba matana, weyahina Yesu miyamiya hatayana, ta tuta baibaiwana weyahida 'i'ahwa'ahwanoi Yehoba 'oina.

Ibeliu 9:24

Ta Keliso geya 'iluhu Hada He'asisi 'abi'abina 'oina, beno Hada moisa 'ana ma'ama'ayau tuwa, ta hesi galewa 'iluhuwa ta Yehoba matana 'imiyamiya ma 'ilemalema weyahida.

1 Pita 3:18

Gidemusa tuwa, Keliso ma'aigeda 'i'amasa 'ida galao weyahidi, ma tauna loheya bwebwe'ana, ma tauda galagalaida ma weyahida 'i'amasa, ta 'oinega 'itoegita Yehoba 'oina. Ma Keliso wahinamo silohe'amasiya, ma yaluyaluwana geya.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.

Heꞌitaꞌita 1:18

Mayawasigu yamiyamiya. Mwalo ya'amasa, ma 'u'ita taugu yamiyamiya ta geya'abwa yagumwagumwala. Eeta nimaguwa 'amasa ma Bwebweso 'adi kihi ma sowasowahigu yaso'edi.