Loma 8:27 - Loina Nuahuana

²⁷ Yehoba tauna 'ida nuwatuhu 'isanapudiya, ma weteyage 'iboi Yaluyaluwana 'ina nuwatuhu 'isanasanapudi, weyahina Yaluyaluwanaina Yehoba 'ina tomotai weyahida 'i'ahwa'ahwanoi, weyahina Yehoba Yaluyaluwanaina mahetena 'idi nuwatuhu 'aigeda.

Loma 8:27 ပူးပေါင်းရင်းမြစ်များ

Madiu 6:8

Sahena 'omi taudi gide, weyahina 'omi Tamamiu 'imiyamiya, ma tauna 'ami mwauwao 'isanapu nugetediya ma muliyetega weyahina wa'ahwa'ahwanoi.

Luke 16:15

Coinega Yesu Palisiyaowedi 'oidiya 'igwaeya, “Comi wanuwatuhuya 'abehega mumugami bwebwe'ana tomota matadiya, ma hesi galana mabwaiyana 'atemiya Yehoba 'isanasanapudi, weyahina ginaulaedi tomota nuwadi si'eweya, Yehoba 'ilogwahatediya.

Yoni 14:13

Ma 'eguma to'aha nuwanuwami ma saniguwega wa'ahwanoi, nata ya'ebwaegomi, ma 'oinega Tamagu 'ana hepwatu 'iloba 'igu paihowega.

Yoni 21:17

Coinega Yesu Saimoni Pita 'ihesilaleya hetoina 'igwae, “Saimoni, Yoni natuna, 'uhelauwegauwa?” Ta Saimoni Pita nuwana 'igala weyahina Yesu 'ina hesilala 'oina matoi, 'oinega Yesu 'enana 'ihemaiseya 'igwae, “Cinapwana, 'owa ginaula mabwaiyana 'usanasanapudi, ma 'usanapu pwaigauwa 'abehega yahelauwegowa.” Coinega Yesu wete Saimoni Pita 'ihegwaeya 'igwae, “Cigu sipi 'u'ita yahidi.

Paihowa 1:24

Coinega si'ahwa'ahwanoi Yehoba 'oina, sigwaeya, “Bada yo, 'owa tomota mabwaiyama 'ima nuwatuhu 'usanasanapudi, 'oinega 'ino hesinuwa loheloheya 'eluwa bewa 'oidiyega 'uhe'itae 'oima,

Paihowa 15:8

Ta Yehoba to'aha 'ateda simiyamiya 'isanasanapudi, ma taudi tomiya ganamuli 'oidiya 'itagwala pwaiya, ma Yaluyaluwa Tabuna 'i'ebwaediya gidemusa tauda meYudiya 'i'ebwaya 'esegita,

Loma 8:34

Geya wete nata 'eta taiya 'ina gwae pa'alina 'oida 'ilagulagu, weyahina Yesu Keliso tauna weyahida 'i'amasa pwaiya ta wete 'itoholohila, 'oinega bewa tuta Yehoba 'ina 'ebeulega 'imiyamiya ma weyahida 'i'ahwa'ahwanoi.

Epeso 2:18

Eeta tauna 'oinega, 'omi ma tauma Yaluyaluwa 'aigeda 'oinega 'itoegita Tamada 'oina.

1 Tesalonaika 2:4

Weyahina 'ima paihowa bewa Yehoba 'itagwala 'oima ma tetela bwebwe'ana 'ahepwaila latuweya, 'oinega 'ima hepwailaedi beno geya to'aha tomota nuwanuwadi, ma hesi to'aha Yehoba nuwanuwana. Eeta nuwatuhuwedi 'atema simiyamiya, bwebwe'adi bo galadi, Yehoba 'iboimo 'isanasanapu.

Ibeliu 4:13

Weyahina Yehoba matana geya 'eta wete to'aha 'imiya dahwana, mabwaiyana silo'atamanediya, ta tauna 'oina 'abwa 'ida paihowa mabwaiyana tahepwailedi.

Yemesa 5:16

Coinega 'aigeda 'aigeda 'oimiya 'imi galaowedi wahepwailedi, ma weyahina wa'ahwanoi, ma 'oinega 'imi bwebwe'ana waloba. Moisa, tobwebwe'adi 'idi 'ahwanoi waiwai hedade.

Heꞌitaꞌita 2:23

Ma wete natunao yalohe'amasidi, ma 'oinega boda hekalesiyao mabwaiyadi sisanapu 'abehega taugu tomota mabwaiyadi 'idi nuwatuhu 'atediya mabwaiyana 'ana tosanapu, ma wete mabwaiyami 'oimiya yahemaisa to'aha gide 'imi paihowao, nuwana bwebwe'adi, bo galadi.