Loma 8:23 - Loina Nuahuana

²³ Ma tauda Yehoba Yaluyaluwana lotohona bwebwe'ana 'i'iuna 'i'ebwaegita ee 'abwa muliyetega miya bwebwe'anaina taloba moisa. Coinega bewa tuta ma'ada muya tawelawelaha, ma tayamwayamwa tolahisa 'abwa wahida 'i'abi'ehau hila, ma 'i'ahwa natunegita moisa.

Loma 8:23 ပူးပေါင်းရင်းမြစ်များ

Luke 20:36

Weyahina nata taudi gide aneloseyao, ta geya'abwa wete si'ama'amasa hila, ma hesi Yehoba 'i'ahwa natunedi weyahina 'amasega sitoholo hila.

Luke 21:28

Ma 'eguma wa'ita 'ila'ilalaedi bewa sihegaina hohau, beno wa'atepatu ma wa'itahane, 'ami 'abihetena 'ilatulatu.”

Loma 5:11

Ma ginaula 'aigeda bwebwe'ana wetenuge beno Yehoba mahetedai tayaliyaliyaya, weyahina 'ida Bada Yesu Keliso tauna 'itoegitama ta Yehoba mahetedai tahe'iya'iyagu hila.

Loma 5:3

Ma wete tayaliyaya tuta mwau 'oidiya, ma 'eguma ta'alama'i'itana bewa mwauwedi 'oidiyega,

Loma 5:5

Nuwatuhuyahina bewa geya 'ida 'abihenuwa galegita, weyahina Yehoba Yaluyaluwana 'itagwaleya 'oida. Yaluyaluwanaina 'ina helau madou hedadena 'oinega 'ateda 'ilohemahediya.

Loma 7:24

Ta moisa, nuwagalagalaigu! Weyahina geya 'eta taiya sowasowahina ma wahigu 'ina paihowa galana 'oinega 'i'abihetegau.

Loma 8:19

weyahina ginaula mabwaiyana Yehoba 'ipaihowediya siyamwayamwana, ma nuwanuwadi madouna 'abehega tauda natunaowedi 'i'abihe latuhegita ma si'itegita.

1 Kolinita 1:7

Ta wete Yehoba 'ina 'ebwaya bwebwe'adi mabwaiyadi 'oimiya simiyamiya, tuta bewa wayamwayamwana 'ida Bada Yesu Keliso 'ina latu hilama weyahina.

2 Kolinita 1:22

ma 'ina 'ila'ilala 'oida 'ilaguya, beno Yaluyaluwana 'ateda, ma 'oinega tasanapugita 'abehega tauda 'ina tomotaiyao.

2 Kolinita 7:5

Mwalo 'atauyama 'ebwa Masidoniya, geya 'aigeda wete 'ebe'aiyawasi 'aloba, ma wete tuwa miyamwau mabwaiyana, beno 'aleha, tupwa mabwaiyana 'oidiya, ma matauta 'atema.

Galetiya 5:5

Weyahina tauda Yehoba tahemisaeya ma 'abehega 'i'ahwa bwebwe'anegita. Bewa 'ida nuwatuhuyahina Yaluyaluwa Tabuna 'oinega, eeta tauna weyahina tayamwayamwa.

Epeso 1:14

gide 'ila'ilala, ma 'oinega tasanapuya 'abehega 'ada maisa galewa Yehoba 'oinega 'abwa ta'ewa, ma weyahina tahepwatuwe, ta wete ta'ahwa bwebwe'ana.

Epeso 4:30

Geya'abwa Yaluyaluwa Tabuna nuwana wagihegihegala, weyahina Yaluyaluwa Tabunaina gide 'ila'ilala 'oida, 'abehega 'abwa 'ada gihe'ehau taloba.

Epeso 5:9

ma mumugaedi bwebwe'adi ma dumwaludi ma moisadi silatulatu 'asilala 'oinega.

2 Timoti 4:8

Coinega 'abwa 'ida Bada 'agu maisa, mumuga dumwaluna weyahina, 'i'ebwaegau. Ta maisaina weyahigu 'igibubu pwaiya ta 'imiyamiya. Badaina 'ina loina dumwaluna, ma 'eguma to sauga 'ilatuma, tauda ma wete taiyawedi 'ina hilama weyahina siyamwayamwana, mabwaiyada nata 'ada maisa 'i'ebwaegita.

Taito 2:13

Bewa tuta ma'ida yaliyaya 'ada to'abihetena Yesu Keliso tahemisae, tauna 'ida Yehoba waiwaina ma ma'ina wasawasa, ta 'ina hapwesa weyahina tayamwayamwa.

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.

1 Pita 1:7

Bewa 'oidiyega 'imi hemisaedi Yesu weyahina Yehoba 'itohodi. Gidemusa tuwa goula 'aiwe ganiganinisega sitohotohodi. Ma hesi 'imi hemisaina goula 'imadou sineya, weyahina goula ginaula gumwagumwalina. Ma 'eguma 'imi hemisaina waiwaina, 'abwa Yesu Keliso 'ina hapwesama 'oina hepwatu ma wasawasa ma he'asisi walobadi.

1 Yoni 3:2

Ciyagwao, bewa tuwa Yehoba 'i'ahwa natunegita ma muliyega to'aha 'ihapwesa 'oida? Beno tuwa tasanapu 'abehega 'ina hilama 'oina 'abwa 'ana 'ita tauna ta'ita, ma tauda 'ada 'ita 'ilagu buidi ma tauna gidemusa.