Loma 8:16 - Loina Nuahuana

¹⁶ Ma weteyage Yaluyaluwanaina 'oinega sanapu 'i'ebwaya yaluyaluwada 'oida, ma 'abehega tasanapu tauda Yehoba natunao.

Loma 8:16 ပူးပေါင်းရင်းမြစ်များ

Madiu 5:9

Comi to'abi henuwadaumwala wayaliyaya, weyahina Yehoba 'i'ahwa natunegomi.

Luke 20:36

Weyahina nata taudi gide aneloseyao, ta geya'abwa wete si'ama'amasa hila, ma hesi Yehoba 'i'ahwa natunedi weyahina 'amasega sitoholo hila.

Yoni 1:12

Ma hesi boda tupwadimo 'ina gwae sihesagoheya ta sihemisaeya 'abehega tauna tuwa To'abihetenaina. Coinega bodaedi 'oidiya 'itagwala 'abehega Yehoba natunao.

Paihowa 5:32

Coinega tauma ginaulaedi bewa weyahidi 'ahehepwaila, ma Yaluyaluwa Tabuna tohepwaila wete, tauna Yehoba 'i'ebwaeya 'ana tohematamatanao 'oidiya.”

Loma 8:14

Ma 'eguma Yehoba Yaluyaluwana tamuliye, beno nata 'i'ahwa natunegita.

Loma 8:19

weyahina ginaula mabwaiyana Yehoba 'ipaihowediya siyamwayamwana, ma nuwanuwadi madouna 'abehega tauda natunaowedi 'i'abihe latuhegita ma si'itegita.

Loma 8:23

Ma tauda Yehoba Yaluyaluwana lotohona bwebwe'ana 'i'iuna 'i'ebwaegita ee 'abwa muliyetega miya bwebwe'anaina taloba moisa. Coinega bewa tuta ma'ada muya tawelawelaha, ma tayamwayamwa tolahisa 'abwa wahida 'i'abi'ehau hila, ma 'i'ahwa natunegita moisa.

Loma 8:26

Ta Yehoba Yaluyaluwana 'ida we'a 'oidiyega, tauna 'i'abi 'abihetegita, weyahina 'ida 'ahwanoi 'oidiya geya tasanapu togidega ta'ahwanoi 'esa, ma Yehoba Yaluyaluwana hesiyage weyahida 'ihetahetapewa ta ma'enana ma'ina welaha 'i'ahwa'ahwanoi waiwai Yehoba 'oina.

Loma 9:26

Mwalo Yehoba 'ihegwaediya, 'igwaeya, ‘Comi geya 'igu bodao’, nata bewa sibuihila ta sibwauwedi, sigwae, ‘Taudi Yehoba miyamiya hatayana natunao.’”

Loma 9:8

Gwae bewa 'ana sanapu 'ihe'ita pwaigita moisa, beno Yehoba natunao geya Ebalahamo 'ina susu 'oinega, ma hesiyage taiyawedi taudi Yehoba 'igwae hemisaediya.

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

2 Kolinita 1:22

ma 'ina 'ila'ilala 'oida 'ilaguya, beno Yaluyaluwana 'ateda, ma 'oinega tasanapugita 'abehega tauda 'ina tomotaiyao.

2 Kolinita 5:5

Bewa mabwaiyana Yehoba 'i'atububuya ma 'i'ebwaegita, ta 'ila'ilala 'i'ebwaegita ma 'oinega 'ana moisa tasanasanapu beno Yaluyaluwa Tabuna.

2 Kolinita 6:18

ma 'oiguwa wa'ahwa tamana ma 'omi natugwao meloheyami ma mewahinemi.’ Bewa Yehoba Tohewaiwai tauna 'ina gwae.”

Galetiya 3:26

ma hesi 'ida hemisega Yehoba mabwaiyada 'i'ahwa natunegita, Yesu Keliso mahetedai.

Galetiya 4:6

Coinega wete Yehoba Natuna Yaluyaluwana 'ateda 'ilaguya ma Yehobaina 'i'ahwa tamaneya 'igwae, “Tamagu!”

Epeso 1:13

Ma wete 'omi Keliso 'oinega tetela moisa ma bwebwe'ana beno 'ami 'abihetena weyahina wahesagoheya eeta tauna wahemisaeya, ma wete Yaluyaluwa Tabuna tauna 'igwae hemisaeya ta 'i'ebwaegomiya,

Epeso 4:30

Geya'abwa Yaluyaluwa Tabuna nuwana wagihegihegala, weyahina Yaluyaluwa Tabunaina gide 'ila'ilala 'oida, 'abehega 'abwa 'ada gihe'ehau taloba.

1 Yoni 3:1

Tauda 'eguma Yehoba 'oinega tali'u, tauna 'ida 'ahwa natunegita. Bewa 'ina helau madou hedadena weyahida. Ma hesi mebale'u Yehoba geya sisanapu, 'oinega mebale'uwedi geya'abwa si'ina'inanegita, 'abehega tauda Yehoba natunao.

1 Yoni 3:10

Coinega taudi ta'inanadi 'abehega taiyawedi Yehoba natunao, ma taiyawedi Tomudulele natunao, weyahina taudi Tomudulele 'ina boda geya'abwa sipaipaihowa dumwalu, weyahina geya sili'u Yehoba 'oinega, ma wete geya'abwa sihelau matasidiyao.

1 Yoni 3:2

Ciyagwao, bewa tuwa Yehoba 'i'ahwa natunegita ma muliyega to'aha 'ihapwesa 'oida? Beno tuwa tasanapu 'abehega 'ina hilama 'oina 'abwa 'ana 'ita tauna ta'ita, ma tauda 'ada 'ita 'ilagu buidi ma tauna gidemusa.

1 Yoni 4:13

Ta wete tasanapuya 'abehega tauda 'oina ma tauna 'oida, weyahina yaluyaluwana 'i'ebwae pwaigita.

1 Yoni 5:10

Ceguma tauna tahemisae 'ateda talotoho 'abehega tauna Yehoba Natuna, ma hesi 'eguma geya tahemihemisae, bewa 'oinega ta'ahwa 'abo'abowe, weyahina 'ina hepwaila Natuna weyahina geya tahemise.

Heꞌitaꞌita 21:7

Ma 'eguma taiya 'ihewaiwai Seitani 'oinega, nata yaliyaya yatagwala 'oina ma 'i'ahwa tamanegau, ma tauna ya'ahwa natune.