Loma 7:18 - Loina Nuahuana

¹⁸ Yasanapuya 'abehega geya 'eta mumuga 'ausalana wahiguwa, weyahina mumuga bwebwe'ana nuwanuwagu, ma hesi geya sowasowahigu yapaihowa.

Loma 7:18 ပူးပေါင်းရင်းမြစ်များ

Madiu 15:19

beno nuwatuhu galadi gide lohe'amasa ta loyawe ta ganawala ta yagaha ta gwae 'abo'abo ta gwae sinala wete.

Luke 11:13

Moisa, 'omi togala ma 'imi 'ebwaya natumiyao 'oidiya wasanasanapu 'abehega ginaula bwebwe'ana wa'ebwa'ebwaedi. Gide wete Tamamiu galewa 'ina 'ebwaya 'oimiya bwebwe'ana hedada, ma 'eguma wa'ahwanoi 'oina, nata Yaluyaluwa Tabuna 'i'ebwaegomi.”

Yoni 3:6

Tomota natudiyao sili'u tomota moisa. Ma Yehoba Yaluyaluwana 'oinega yaluyaluwamo 'ihenatune.

Loma 13:14

Sahena bale'u mumugana weyahina tanuwanuwatuhu, ma hesiyage 'ida Bada Yesu Keliso mumuganega tatauya.

Loma 7:15

Ma hesi geya yada sanapuya to'aha weyahina ginaula galadi yapaipaihowadi, weyahina to'aha gide 'abehega yaguipailedi beno yapaipaihowadi, ma weteyage ginaulaedi nuwanuwagu yapaihowadi ma geya yada paihowediya.

Loma 7:19

Nuwanuwagu madouna ma mumugagu 'ibwebwe'ana, ma 'iyamo geya gide yada 'esa, weyahina galanaina yalolowahi'wate ma tuwa yapaipaihowa.

Loma 7:25

Ma hesiyage yaloyauwedo Yehoba 'oina, weyahina 'ida Bada Yesu Keliso 'ilemegauwa. Ta bwagana 'ateguwa yatagwala moisa Yehoba 'ina loina 'oina, ma 'iyamo wahigu nuwanuwana loina galana.

Loma 7:5

Weyahina mwalo tauda mumugada gide gogo gabulena mumugana, bwagana Mosese 'ina loina tasanapuya, ma nuwatuhu galadiyedi 'oida sihewaiwaiya ma yahuda mabwaiyadi simumuga galagala, ta 'ana maisa 'amasa 'abwa nata taloba.

Galetiya 5:17

Weyahina nuwa'ubunao Yaluyaluwa Tabuna silo'aleheya, ma 'iyamo Yaluyaluwa Tabuna 'ida nuwa'ubunao 'ilo'alehediya. Coinega 'aloda silolo'aleha, eema to'aha bwebwe'ana nuwanuwada tapaihowa geya sawasawahina ma tapaihowa.

Galetiya 5:24

Ta wete 'eguma Yesu Keliso 'iloinegita, wahida 'ina mumuga galadi ma nuwa'ubunao 'ilohe'amasidiya 'ana kelose 'oina.

Pilipai 2:13

weyahina Yehobaina 'atemiya 'ihetahetapewa, ta 'abehega tauna 'ina nuwatuhuwega 'omi wanuwanuwatuhu ma wapaipaihowa.

Pilipai 3:12

Geya 'abehega toholo hila yalobeya, geya wete 'igu mumuga mabwaiyana sibwebwe'ana, ta hesi bewa 'igu 'ebe masiina, ma 'abehega ya'abiyahi, weyahina nuwatuhu bewa weyahina Yesu Keliso 'i'abiyahi pwaigauwa.

Taito 3:3

Moisa tauda mwalo yauyauleida ta tologwahata hedada, 'oinega henuhenuwa ma yaliyaya besobeso nuwada si'ewa'ewa ma 'eda bwebwe'ana ta'ebesineya. Ma wete nuwanuwada lo'aleha ma he'ipi'ipi, 'oinega tomota tupwadi silo'alehegita, ma wete tauda talo'alehediya.

1 Pita 4:2

Coinega 'ida tuta mabwaiyana bale'uwa tamiyamiya tatagwalegita Yehoba 'oina ma tauna 'iloinaegita ma hesi 'ida nuwa'ubuna geya'abwa 'iloloinaegita.