Loma 7:15 - Loina Nuahuana

¹⁵ Ma hesi geya yada sanapuya to'aha weyahina ginaula galadi yapaipaihowadi, weyahina to'aha gide 'abehega yaguipailedi beno yapaipaihowadi, ma weteyage ginaulaedi nuwanuwagu yapaihowadi ma geya yada paihowediya.

Loma 7:15 ပူးပေါင်းရင်းမြစ်များ

Luke 11:48

Ginaula bewa 'oinega tubumiyao 'idi loina wa'ahwa bwebwe'aneya, beno taudi palopitao silohe'amasidiya, ma 'omi galihidi 'oidiya 'adi 'ebenuwatuhu yahina wa'abidi.

Yoni 15:15

Sauga bewa 'oinega ma 'ilagalaga geya'abwa wete ya'ahwa'ahwa topaihowaegomi. Weyahina topaihowa geya 'ilobwainedi ma 'idi 'inapwanao 'idi nuwatuhu sisanapudi. Ma hesi 'ilobwainegomiya bewa tuwa ya'ahwa 'iyaguwegomi, Weyahina to'aha gidemusa Tamagu 'oinega yahesagohediya, bo'iyage yahepwaila pwaidiwa 'oimiya.

Loma 12:9

Wahelau moisa. Pui waguipaile, ma mumuga bwebwe'ana hesiyage wa'abiyahi.

Loma 14:22

Ta moisa 'imi paihowaedi wahemisediya 'abehega 'ausaladi Yehoba matana, ma 'aigeda tuwa, 'eguma sahena 'iyamiyao wagihegihe galadi beno 'ebe yaliyaya 'oimiya.

Loma 7:16

Ta moisa, Mosese 'ina loinaedi ya'ahwa moisaediya, weyahina galanaina yapaihoweya geya bwebwe'ana 'oiguwa,

Galetiya 5:17

Weyahina nuwa'ubunao Yaluyaluwa Tabuna silo'aleheya, ma 'iyamo Yaluyaluwa Tabuna 'ida nuwa'ubunao 'ilo'alehediya. Coinega 'aloda silolo'aleha, eema to'aha bwebwe'ana nuwanuwada tapaihowa geya sawasawahina ma tapaihowa.

2 Timoti 2:19

Ma hesi Yehoba 'ina gwae 'ana wahuwahu waiwaina 'oina, mwalo silelediya 'igwae: “Cinapwana 'ina tomotaiyao 'isanapudiya.” Ma wete 'igwaeya: “Taudi Cinapwana 'oina sitagwala pwaidiya 'ilobwainediya ma mumugadi galadi silogwahatedi.”

Ibeliu 1:9

Mumuga bwebwe'ana nuwau 'i'eweya ma galana 'a didiga. Coinega 'ino Yehoba bo'i 'iheholoigowa yaliyaya moisa 'oinega, ta 'ino yaliyaya 'iyamwao 'idi yaliyaya 'imadou sinediya.”

Yemesa 3:2

Moisa tuwa mabwaiyada pui tapaipaihowa. Ta 'eguma taiya tauna geya gwae galana 'ahwanega 'ida hapwesa, tauna loheya 'ehauna ta dumwadumwaluna, weyahina sawasawahina ma wahinao mabwaiyana 'iloinaedi.

Yude 1:23

Tupwadi wete 'asa 'ala'alata deina simiyamiya, watoho ma wa'abihetedi. Tupwadi wete togalagala wa'atemuyamuyaedi ma walemedi, ma 'idi mumuga wamataute, eema mumuga bale'u 'ana tobwatobwao walogwahatedi.