Loma 6:4 - Loina Nuahuana

⁴ weyahina 'ina babitaisoina 'oina gide tauda ma Yesu Keliso ba'idadai ta'amasa, ma sigalihegita, ma wete tatoholohila ba'idadai. Kelisoina Tamana 'ina waiwaiyega 'itoholo hilama, ma tauda wete gidemusa 'igihetoholo hilegita, 'oinega yawasida 'ehauna talobeya.

Loma 6:4 ပူးပေါင်းရင်းမြစ်များ

Yoni 11:40

Ma Yesu Malida 'ihegwaeya 'igwae, “Mwalona yahegwae pwaigowa, 'eguma moisa 'uhemisaegauwa, nata Yehoba 'ina waiwai 'u'ita.”

Yoni 2:11

Beno Yesu 'ina 'ila'ilala waiwaina 'ihegaine nugeteya 'asa Kena 'oina, beno Galili tupwaina, ma 'ihe'itaeya tomota 'oidiya, ma wetenuge 'ina waiwai si'iteya, 'oinega 'ana tomuliyao sihemisaeya.

Paihowa 2:24

Ma Yehoba 'amasa 'ina tupwa mwauna 'oinega 'i'abiheteya ta 'i'abihetoholo hileya, weyahina geya sowasowahina ma 'amasa 'ina tupwa 'imiyamiya hataya.

Paihowa 2:32

Bewa Yesu 'ina 'amasega Yehoba 'i'abihetoholo hila pwaiya, ma tauna mabwaiyama 'a'iteya.

Loma 6:19

Bewa, bale'u nuwatuhuidi 'oidiyega yahe'itegomiya, weyahina nuwami 'abwa potapotadi. Ta mwalo to'wehimi watagwalediya ma 'abehega simumuga galagala, ma weteyage 'abehega 'imi paihowa galadi sihemadou bwaibwaina. Coinega tuta bewa sowasowana to'wehimi watagwaledi ma sipaihowa dumwalu, ma 'imi paihowa wete 'ibwebwe'ana bwaibwaina.

Loma 6:3

Wanuwatuhuyahi mwalo tutaina tababitaisowa Yesu Keliso saninega, beno Yesu 'ina 'amasa 'oina tauna mahetedai tahemahemahetena pwaiya,

Loma 6:8

Ma 'eguma tasanapuya 'abehega ta'amasa pwaiya Keliso mahetedai, ee tahemisae ma 'ane mayawasida mahetedai tamiya hataya.

Loma 6:9

Weyahina tasanapuya Keliso 'amasega 'itoholo pwaiya, ma geya sowana wete 'i'ama'amasa hila, weyahina tauna 'amasa 'ihewaiwai sineya.

Loma 7:6

Ma bewa tuta loinaina 'oida 'igumwala, weyahina mwalo loinaina 'oinega gide 'ipaigita ma ta'amasa Keliso mahetedai, 'oinega Kelisoina 'ada paina 'oidega 'ilihasiya, ma bewa tutaina sowasowahida tapaihowa bwaibwaina. Weyahina Yehoba Yaluyaluwana 'ina waiwai 'oida 'imiyamiya, ma hesi Mosese 'ina loina leleleinaina geya 'ina waiwaimo, geya sowasowahina 'i'abi hedumwalugita.

Loma 8:11

Ma Yehoba Yaluyaluwanega Yesu 'amasega 'i'abi hetoholo hileya, ma 'eguma 'oimiya 'imiyamiya, nata 'omi Yehoba Yaluyaluwanaina 'oinega yawasi 'ehauna 'i'ebwaya wahimi 'ama'amasidi 'oidiya.

1 Kolinita 6:14

ta wete tauna 'ina waiwaiyega 'amasega 'i'abihe toholo hilegita, gidemusa 'ida Bada Yesu 'amasega 'i'abihe toholo hileya.

2 Kolinita 13:4

Moisa si'abi hekeloseya gide loheya we'awe'ana, ma hesi Yehoba 'ina waiwaiyega mayawasina 'imiyamiya. Tauma wete wahima we'adi tauna wahina gide, ma Keliso yawasina 'oinega sowasowahima 'aloinegomi, Yehoba 'ina waiwaiyega.

2 Kolinita 5:17

ma hesi wanuwatuhuyahi 'abehega taiya Keliso 'oina 'imiyamiya, tauna 'ihetomota hauhauna. Cina mumuga miyamiyaina 'igumwala pwaiya, ma hauhauna 'ilatuwa.

Epeso 4:17

Bewa wete Bada saninega yaloguguya 'oimiya 'abehega mumuga tomiya ganamuli gidemusa walolagu, weyahina 'idi nuwatuhu besobeso 'oidiyega,

Epeso 5:8

weyahina 'omi guguyou mwalo 'oinega wahabala pwaima Yehoba 'ina 'asilala 'oina, 'oinega ma'imi mumuga 'asi'asilalaina wapaipaihowa,

Kolose 3:10

Ta mumuga 'ehauna walobeya, weyahina 'ada topaihowaina sauga mabwaiyana 'i'abihe 'ehaugita, ma 'ane tauna wasanasanapu ma mumugana wahe'au'aunaowe.

Kolose 4:1

Ma 'omi babadao waloina dumwalu 'imi topaihowao 'aigeda 'aigeda 'oidiya, weyahina wanuwatuhuyahi 'abehega 'omi 'imi Bada 'imiyamiya galewa.

1 Pita 3:21

Bwasiina 'ihe'ita moisa 'oida 'abehega bewa tuwa bwasi 'ebe babitaiso 'i'abihetegita. Ma babitaisoina geya 'abehega wahida 'ana deulamo, ma hesi 'ida 'ahwanoiyega Yehoba 'ateda 'igihe 'ehaudi, Yesu Keliso 'ina toholo hila 'oinega,

1 Yoni 2:6

Eeta 'eguma taiya 'owa 'ugwae, “Taugu Yehoba 'iyagu ma mahetegu 'amiyamiya,” 'ilobwainegowa ma 'umumuga gidemusa Yesu 'ina mumuga.