Loma 6:12 - Loina Nuahuana

¹² Coinega bewa tuta pui geya sowana yahumi 'iloiloinaedi, ma geya'abwa 'imi nuwatuhu dahwana wamulimuliyedi.

Loma 6:12 ပူးပေါင်းရင်းမြစ်များ

Loma 13:14

Sahena bale'u mumugana weyahina tanuwanuwatuhu, ma hesiyage 'ida Bada Yesu Keliso mumuganega tatauya.

Loma 2:8

ma tupwadi tomota sihe'ahwa pa'ipa'i'i hedada, ta mumuga bwebwe'ana silogwahateya, ta mumuga galana sipaipaihowadi, ee 'oinega Yehoba 'abwa 'igamwasowaledi ma 'iloinaedi.

Loma 5:21

Coinega tasanapuya 'abehega pui huwaina beno 'amasa, 'ihewaiwaiya tomota 'oidiya, ma Yehoba 'ina helau huwaina 'ihewaiwai hedadeya, beno 'etolihasa ma yawasi miyamiya hatayana 'ida Bada Yesu Keliso 'ina paihowa bwebwe'ana 'oinega.

Loma 6:14

Coinega bewa tutaina pui nata geya wete 'iloiloinaegomi, weyahina Yehoba 'ina 'atemuyamuya 'alona wamiyamiya, ma geya Mosese 'ina loina 'alona.

Loma 6:16

Ma hesiyage wanuwatuhuyahi 'eguma taiya 'eta 'ina loina 'oina watagwalegomi, tauna tuwa 'enana wahematamatane. Ceguma pui wahematamatane nata 'amasa waloba, ma 'eguma Yehoba 'ana hemisa wahematamatane, beno mumuga bwebwe'ana waloba.

Loma 8:11

Ma Yehoba Yaluyaluwanega Yesu 'amasega 'i'abi hetoholo hileya, ma 'eguma 'oimiya 'imiyamiya, nata 'omi Yehoba Yaluyaluwanaina 'oinega yawasi 'ehauna 'i'ebwaya wahimi 'ama'amasidi 'oidiya.

2 Kolinita 4:11

Moisa, mayawasima tuta bewa bale'uwa, ma Yesu weyahina tuta mabwaiyana 'oidiya 'ama 'alehao silolohe 'amasimai ma hesi Yesu yawasina 'wapima we'awe'adi 'alodi 'ihehetapewa.

2 Kolinita 5:4

Moisa, 'abwa hada bale'uwa 'oina tamiyamiya ma'ida muyamuyao, ta 'ida nuwatuhu baibaiwadi tuwa, ma geya 'abehega 'ada 'ale'owao tahalolodi, ma hesi 'abehega 'ada 'ale'o hauhauna ta'ote, ma 'oinega wahida talatala sawalidi sibui yawasida hauhauna 'oina.

Galetiya 5:16

Coinega sowasowana Yaluyaluwa Tabuna 'ihanugetegomi ma 'oinega geya'abwa nuwa'ubuna siloiloinegomi.

Galetiya 5:24

Ta wete 'eguma Yesu Keliso 'iloinegita, wahida 'ina mumuga galadi ma nuwa'ubunao 'ilohe'amasidiya 'ana kelose 'oina.

Epeso 2:3

Mwalo wete tauda gidemusa, ta wahida 'ina nuwa'ubuna tamulimuliyedi, ma to'aha tauda 'ida nuwatuhuwega tapaipaihowadi. Coinega 'ana lobwaina ma Yehoba 'igamwasowalegita, weyahina mumugada tauda galagalaina, gidemusa mebale'u mabwaiyadi.

Epeso 4:22

Coinega mumuga miyamiyana walogwahatedi, beno paihowaedi mwalo wapaipaihowadi tutaina nuwatuhu dahwana sigihe galegomiya,

1 Tesalonaika 4:5

ma sahena nuwadahwana, gide ganamuli taudi Yehoba 'ana tohenainaidao.

2 Timoti 2:22

Coinega hewahewali 'idi henuhenuwa 'ulogwahatedi ma mumuga dumwaluna ta hemisa ta helau ta miya daumwala 'umuliyedi, taudi Yesu si'ahwa badaeya ma'ate 'ehaudi ba'idamwao.

Taito 2:12

ta 'ihe'itaegita ma mumuga besobeso ma nuwatuhu galadi talogwahatedi, ma hesi tamiya mumuga bwebwe'adi ma dumwaludi 'oidiya.

Taito 3:3

Moisa tauda mwalo yauyauleida ta tologwahata hedada, 'oinega henuhenuwa ma yaliyaya besobeso nuwada si'ewa'ewa ma 'eda bwebwe'ana ta'ebesineya. Ma wete nuwanuwada lo'aleha ma he'ipi'ipi, 'oinega tomota tupwadi silo'alehegita, ma wete tauda talo'alehediya.

1 Pita 1:14

Yehoba 'oina wahematamatana, ma geya'abwa 'imi nuwa'ubunao siloiloinaegomi gidemusa mwalo 'imi tuta hemwagemwage 'oina.

1 Pita 2:11

Ciyagwao 'oimiya yahepwaila 'abehega tauda bale'u bewa 'oina tohetautaumana, 'oinega 'imi nuwa'ubunaowedi 'atemiya simiyamiya walogwahatedi, weyahina yaluyaluwami silo'alehedi.

Yude 1:16

Tomotaedi tolomugi ma tosinala, ma taudi 'adi lotohona 'oinega sitautauya. Wete togwaehanehane, ma 'eguma 'iyadiyao 'oidiya sigwae helau, beno tobwatobwa weyahina.