Loma 5:12 - Loina Nuahuana

¹² Mwalo heneyage pui bale'uwa 'ilatuma loheya 'aigeda 'oinega, ta mumuga galana 'amasa 'itoeyama ee 'oinega 'amasa 'iyada tomota mabwaiyada 'oida, weyahina tomota mabwaiyada togala.

Loma 5:12 ပူးပေါင်းရင်းမြစ်များ

Loma 3:23

Weyahina mabwaiyada togala, ma tamiya bwagabwaga Yehoba 'ina 'asilala 'oinega.

Loma 5:18

Ma tasanasanapu 'abehega loheya 'aigeda 'ina puiyega tomota mabwaiyada 'ahwagala talobeya. Ta gide weteyage, loheya 'aigeda tuwa 'ina paihowa dumwalunega sowasowana 'i'etolihasigita, ta Yehoba 'i'ahwa bwebwe'anegita ma yawasida 'i'ebwaegita.

Loma 5:19

Ma wete 'aigeda loheya loinaligeha 'oinega galanaina 'ilatuma ta tomota mabwaiyadi sigala, ma wete 'aigeda loheya bwebwe'ana 'ina tagwalega tomota mabwaiyadi 'ideulidiya, ma Yehoba 'i'ahwa dumwaluwediya.

Loma 5:21

Coinega tasanapuya 'abehega pui huwaina beno 'amasa, 'ihewaiwaiya tomota 'oidiya, ma Yehoba 'ina helau huwaina 'ihewaiwai hedadeya, beno 'etolihasa ma yawasi miyamiya hatayana 'ida Bada Yesu Keliso 'ina paihowa bwebwe'ana 'oinega.

Loma 6:21

ee 'oinega bewa tutaina 'imi puiyedi weyahidi wadeba mwadina. Weyahina geya 'eta to'aha bwebwe'ana 'oidiyega wada lobeya, ma hesiyage 'ana maisa 'amasamo.

Loma 6:23

Weyahina pui 'ana maisa 'amasa, ma hesi Yehoba 'ina helau beno yawasida miyamiya hatayana, 'ida Bada Yesu Keliso 'oinega.

1 Kolinita 15:56

Camasaina 'ina waiwai 'ilatuwa mumuga galana 'oinega, eeta mumuga galagala 'ina waiwai beno Mosese 'ina loinao 'adi ligeha 'oidiyega.

Epeso 2:3

Mwalo wete tauda gidemusa, ta wahida 'ina nuwa'ubuna tamulimuliyedi, ma to'aha tauda 'ida nuwatuhuwega tapaipaihowadi. Coinega 'ana lobwaina ma Yehoba 'igamwasowalegita, weyahina mumugada tauda galagalaina, gidemusa mebale'u mabwaiyadi.

Yemesa 1:15

ta 'ida pui dahwanaedi 'oinega paihowa galana 'ihapwesa, 'oinega wete muliyetega 'amasa 'ilatu.

Yemesa 3:2

Moisa tuwa mabwaiyada pui tapaipaihowa. Ta 'eguma taiya tauna geya gwae galana 'ahwanega 'ida hapwesa, tauna loheya 'ehauna ta dumwadumwaluna, weyahina sawasawahina ma wahinao mabwaiyana 'iloinaedi.