Loma 5:10 - Loina Nuahuana

¹⁰ Ta moisa mwalo Yehoba talo'aleheya, ma bewa tuta Natuna 'ina 'amasa 'oinega mahetedai ta'ahwa 'iya'iyagu, ma 'abwa Natunaina yawasinega 'i'etolemegita moisa.

Loma 5:10 ပူးပေါင်းရင်းမြစ်များ

Yoni 14:19

“Ci'iunamo ma ya'ebesinegomi. Ma hesi mebale'u taudi geya sihemisaegau nata geya'abwa si'ita'ita hilegau. Ma hesiyage 'omi nata moisa wa'ita hilegau mayawasigu yamiyamiya. Beno 'oinega 'omi nata wete yawasi miyamiya hatayana 'oiguwega waloba.

Yoni 5:26

“Tamagu tauna yawasi moisa huhuna, 'oinega 'oiguwa 'itagwala ma taugu wete yawasi huhuna,

Yoni 6:40

Tamagu bewa gide wete 'ina nuwatuhu ma 'abehega taiyawedi 'eguma taugu natunaina si'itegauwa ma sihemisaegauwa, nata yawasidi miyamiya hatayana siloba. Ma wete tuta 'ana 'ebe losaloha 'oina 'amasa 'oinega ya'abi hetoholo hiladi.”

Yoni 6:57

Tamagu tauna moisa miyamiya hatayaina 'ihesumanegauma, tauna 'oinega yawasigu ya'ewa'ewa. Coinega taugu wete gide, 'eguma taiyawedi 'omi hesiyogu wa'ai, 'omi nata wete yawasimi 'oiguwega wa'ewa'ewadi.

Loma 11:28

Ma bewa tutaina moisa meYudiyaedi Yehoba silolo'alehe, weyahina tetela bwebwe'ana siguipaileya, 'oinega 'omi tomiya ganamuli 'abihetena wa'eweya, ma hesiyage wanuwatuyahi 'abehega meYudiyaedi Yehoba 'ihelauwediya, weyahina mwalona tubudiyaowedi Yehoba 'ihesinuwediya 'ina bodao.

Loma 5:11

Ma ginaula 'aigeda bwebwe'ana wetenuge beno Yehoba mahetedai tayaliyaliyaya, weyahina 'ida Bada Yesu Keliso tauna 'itoegitama ta Yehoba mahetedai tahe'iya'iyagu hila.

Loma 5:6

Weyahina Keliso 'ina tuta 'ilobeya ma 'i'amasa, ma tauda 'abwaulena tawe'awe'a dadana, ee 'oinega Kelisoina 'i'amasa 'ida pui weyahidi.

Loma 8:32

Weyahina Yehoba natuna moisa geya 'ida nuwahiya, ma hesiyage 'itagwaleya weyahida, 'abwa ginaula mabwaiyadi wete 'i'ebwaegita.

Loma 8:34

Geya wete nata 'eta taiya 'ina gwae pa'alina 'oida 'ilagulagu, weyahina Yesu Keliso tauna weyahida 'i'amasa pwaiya ta wete 'itoholohila, 'oinega bewa tuta Yehoba 'ina 'ebeulega 'imiyamiya ma weyahida 'i'ahwa'ahwanoi.

Loma 8:7

Ta 'eguma bale'u mumugana tahematamatane beno Yehoba talolo'aleha, eema geya wete sowasowahida ma Yehoba 'ina loina tamuliye,

2 Kolinita 5:20

Tauma Keliso 'ana tohepwailao ta Yehoba 'oimega 'ilolohatoto 'oimiya, ma Keliso weyahina 'a'ahwanoiyegomi ma Yehoba 'oina wahe'iya'iyagu hila.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Epeso 2:16

ma wete 'ida wataha 'oidiyega 'ilihasigita ta 'itoegitama Yehoba 'oina, ma tauna mahetedai tahe'iya'iyagu hila; ee 'ina paihowaina, tauna wahina 'aigeda tuwamo kelose 'oina situtu hepa'ineya, eeta 'oinega lo'alehaedi sigumwala.

Epeso 2:3

Mwalo wete tauda gidemusa, ta wahida 'ina nuwa'ubuna tamulimuliyedi, ma to'aha tauda 'ida nuwatuhuwega tapaipaihowadi. Coinega 'ana lobwaina ma Yehoba 'igamwasowalegita, weyahina mumugada tauda galagalaina, gidemusa mebale'u mabwaiyadi.

Ibeliu 2:17

Coinega Yesu 'iheloheya tauda tasinao gide, ta 'ihetopwaoli madouna ma'ina 'atemuyamuya weyahida, ma Yehoba 'ina paihowa 'oina 'ihetapewa, ta 'ipwaoliyeya 'ida mumuga galadi weyahidi ta 'abehega Yehoba 'inuwasamudi.

Ibeliu 7:25

Yesuina tuta mabwaiyana sawasawahina 'i'abihetegita 'eguma 'ana hemisega taluhu Yehoba matana, weyahina Yesu miyamiya hatayana, ta tuta baibaiwana weyahida 'i'ahwa'ahwanoi Yehoba 'oina.

1 Yoni 2:1

Cae natugwao, 'imi leta bewa yaleleyawa ma 'oinega geya sowana pui wapaipaihowa. Ma 'eguma tapui, Yesu Keliso tauna todumwadumwalu 'i'ahwanoi weyahida, Tamada 'oina,

1 Yoni 4:10

Bewa helau moisa, geya 'abehega tauda Yehoba 'ana tohelauwao, Yehoba hesi 'ada tohelau, ta Natuna 'itagwaleya ma 'iboi 'ipwaoliyeya tauna, 'ida puiyao weyahidi.

Heꞌitaꞌita 1:18

Mayawasigu yamiyamiya. Mwalo ya'amasa, ma 'u'ita taugu yamiyamiya ta geya'abwa yagumwagumwala. Eeta nimaguwa 'amasa ma Bwebweso 'adi kihi ma sowasowahigu yaso'edi.