Loma 5:1 - Loina Nuahuana

¹ Coinega bewa tuta 'ida hemisega Yehoba 'i'ahwa bwebwe'anegita ta Yehobaina mahetedai ta'ahwa 'iya'iyagu, beno 'ida Bada Yesu Keliso 'oinega.

Loma 5:1 ပူးပေါင်းရင်းမြစ်များ

Luke 19:38

sigwaegwae, “Yauwedo Bada, Yehoba Saninega 'utauyama, 'oinega yaliyaya ma hepwatu galewa 'oina simadou hedada.”

Luke 19:42

“Yelusalema yo, nata tomotaimwao 'atemuyamuyaidi, weyahina tuta bewa 'oina 'adi 'abihetenaina 'ihapwesama, ma hesi geya sisanapu.

Luke 2:14

sigwaegwae, “Yehoba galewa tahepwatuwe, ma bale'uwa taudi 'ihelauwediya simiya yaliyaya.”

Yoni 14:27

“Ma hesi taugu sauga 'i'iunamo ma ya'ebesinegomi, 'oinega taugu tuwa 'igu nuwadaumwala 'oinega nuwadaumwala ya'ebwaegomi. Nuwadaumwala bewa geya gidemusa mebale'u 'oidiyega, 'oinega sahena nuwami sihehelahalaha bo 'atemi siyohoyoho.

Yoni 16:33

Gwae bewa ya'inanediwa 'oimiya ma 'oiguwega wanuwa daumwala. Ma hesiyage 'imi miya gogo gabulena 'oina nata 'igala. Ma hesiyage wa'atepatu, weyahina taugu gogo gabulena 'ana loina mabwaiyana yahewaiwai sinediya.”

Yoni 20:31

Ma hesiyage hisadimo tuwa bewa yalelediya ma 'oinega wahasilidi ma Yesu wasanapu ma wahemisae 'abehega tauna moisa To'abihetena Yehoba natuna. Ma 'oinega Yesu saninega yawasimi miyamiya hatayana waloba.

Yoni 5:24

“Coinega yahegwae bwaibwainigomi 'eguma taiyawedi 'omi 'igu gwae wahesagohedi ma wete 'agu Tohesumaneina wahemisae, nata yawasi miyamiya hatayaina waloba. Ma 'oinega heyatala 'ana tuta 'oina 'omi geya'abwa loina walobaloba. Weyahina 'omi 'amasa 'ina tupwa wa'ebesineya ma wahabala yawasi hauhauna 'ina tupwa.

Paihowa 10:36

Ma To'abihetena Yesu tauna mabwaiyada 'ida Bada, ta Yehoba 'ina wasa bwebwe'ana 'i'ebwaeya Yesuina 'oina, tauma meIsileli 'ima 'ebe yaliyaya weyahina. Ma 'omi wasaina wasanasanapu,

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Loma 1:7

Tamadai Yehoba ma 'ida Bada Yesu Keliso 'idi helauwega tuwa wamiya daumwala.

Loma 10:10

Weyahina 'atedega tahemiseya eeta Yehoba 'i'ahwa dumwaluwegita. Ta wete tahetohepwaila weyahina, ma 'i'etolemegita.

Loma 10:15

Ta 'eguma Bada tologuguya 'ihewasaedi sitauya 'oidiya, nata Yesu wasana sihesagohe ma sihemisae, eema 'eguma saninega si'ahwanoi nata 'i'abihetedi, weyahina Yehoba 'ina Buki 'oina gide wete 'ihepwaila pwaiya, 'igwaeya, “Tologuguyaowedi taudi tetela bwebwe'ana si'eweyama weyahidi tayaliyaya.”

Loma 14:17

Ma hesi wanuwatuhuyahi beno Yehoba 'ina 'ebeloina geya 'e'ahai nuwana we'aha weyahidi, ma hesi mumuga bwebwe'ana, ma nuwadaumwala ma yaliyaya, beno Yaluyaluwa Tabuna 'oinega.

Loma 15:13

Ta Yehoba 'iboinamo ma'ana hemisa, weyahina 'iboi tuwa 'oinega lema bwebwe'adi talobaloba, 'oinega nuwanuwagu ma ma'imi yaliyaya wahemisa eema 'ane 'imi miyamiya sibwebwe'ana, ma wete Yehoba Yaluyaluwanega 'i'abihe waiwaiyegomi, ma 'imi hemisaina 'ihemadou bwaibwaina.

Loma 15:33

Yehoba mahetemiu, tauna nuwadaumwala moisa lamuna. Emeni.

Loma 3:22

'abehega Yehoba mabwaiyada 'i'ahwa dumwaluwegita Yesu Keliso 'ana hemisa 'oinega, ma geya sowana 'eta taiya wete wataha 'i'abi'abihelatu tauda meYudiya ma tomiya ganamuli gamwagamwanida.

Loma 4:5

Ma 'eguma taiya 'ina pui 'adi nuwasam weyahina geya 'ida paihowa, ma 'ihemisamo tuwa Yehoba 'oina, tauna tohemisaina 'ana hemisega nata 'ahwa bwebwe'ana Yehoba 'oinega 'iloba.

Loma 5:11

Ma ginaula 'aigeda bwebwe'ana wetenuge beno Yehoba mahetedai tayaliyaliyaya, weyahina 'ida Bada Yesu Keliso tauna 'itoegitama ta Yehoba mahetedai tahe'iya'iyagu hila.

Loma 5:18

Ma tasanasanapu 'abehega loheya 'aigeda 'ina puiyega tomota mabwaiyada 'ahwagala talobeya. Ta gide weteyage, loheya 'aigeda tuwa 'ina paihowa dumwalunega sowasowana 'i'etolihasigita, ta Yehoba 'i'ahwa bwebwe'anegita ma yawasida 'i'ebwaegita.

Loma 6:23

Weyahina pui 'ana maisa 'amasa, ma hesi Yehoba 'ina helau beno yawasida miyamiya hatayana, 'ida Bada Yesu Keliso 'oinega.

Loma 9:30

Bewa 'oinega tasanapu 'abehega taudi tomiya ganamuli geya sitohotoho ma Yehoba 'i'ahwa dumwaluwedi, ma hesi 'idi hemisa tuwa 'oinega 'i'ahwa dumwaluwediya.

Galetiya 2:16

eeta tasanapuya 'abehega Yehoba sowasowana mabwaiyada 'i'ahwa bwebwe'anegita geya Mosese 'ina loina 'ana hematamatana 'oinega, ma hesi Yesu Keliso 'ana hemisa 'oinega. Weyahina tauda 'ida hemisa Yesu Keliso 'oina talaguya ma 'oinega Yehoba 'i'ahwa bwebwe'anegita. Ma hesi 'ida hemisa geya Mosese 'ina loina 'ana hematamatana 'oina talagulagu, weyahina Yehoba geya 'eta tomota 'i'ahwa'ahwa bwebwe'ane Mosese 'ina loina 'ana hematamatana 'oinega.

Galetiya 3:25

Bewa tuwa Keliso 'inao pwaima, 'oinega loinaina 'ana 'itayahi 'oida 'igumwala,

Galetiya 5:22

Ma 'iyamo Yaluyaluwa Tabuna huwaina bwebwe'ana 'ateda bewa: helau, yaliyaya, miya daumwala, toholo pa'ala, lema, mumuga dumwaluna, hemisa,

Epeso 2:7

Bewa 'ipaihoweya ma 'abehega tuta sinaonaoma 'oidiya 'ina 'ehele madou hedadena 'ihe'itae, beno 'ina 'atemuyamuya ma 'ina 'abihetena Yesu Keliso 'oinega.

Pilipai 3:9

ma wete nuwanuwagu Keliso mahetegu 'amiya, geya 'abehega taugu 'igu mumuga dumwadumwalunega, bo Mosese 'ina loinao 'oidiyega, ta hesi hemisa Keliso 'oina weyahina, beno 'ida mumuga dumwadumwaluna Yehoba 'i'ebwaegita 'ida hemisa Keliso 'oina weyahina.

Kolose 1:20

Ta Yesu kelose 'oina bweyahina 'ina dauwega ginaula mabwaiyadi bale'uwa ma galewa simiyawasiya 'i'ewedima Yehoba 'oina sabi he'iya'iyagu hila.

Kolose 3:15

Ta wete Keliso 'ina nuwadaumwala nuwami 'iloinaedi. Bewa weyahina Yehoba mabwaiyada 'ibwauwegita ma taheboda 'aigeda, ma weyahina taloyauwedo 'oina.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

2 Tesalonaika 3:16

Cida Bada tauna nuwadaumwala huhuna ma 'i'abihenuwa bwebwe'anigomi, ma 'i'abihe yaliyayegomi tuta mabwaiyana, ma ba'idamiu wamiya hataya.

Ibeliu 13:20

Yehoba miya daumwala 'ana to'ehele, ma tauna wete 'ida Bada Yesu 'amasega 'i'abihetoholo hileya, ta Yesuina 'ina tohekalesiyao tauda 'ada To'itayahina moisa, ta tauna bweyahinega 'ada loina 'ausalana ta miyamiya hatayana 'i'ebwaegita.