Loma 4:18 - Loina Nuahuana

¹⁸ Ma Ebalahamo 'inuwatuhu yahiya madouna gwae hemisaina 'abehega tauna 'asa mabwaiyadi tamadiu, ma 'abehega tuta 'inaonaoma 'abwa 'ilatu gide, ma bwagana tuta gala hedadena 'ilobeya tuwa 'i'alama'i'itana, weyahina bewa gide Yehoba 'ihegwae 'eseya, “Cabwa muliyetega tubumwao baibaiwadi silatu.”

Loma 4:18 ပူးပေါင်းရင်းမြစ်များ

Luke 1:18

Coinega Sakaliyaina aneloseina 'ihegwaeya, 'igwae, “Gwaeina bewa 'ana hesagoha palipalina, weyahina taugu yahetaubada, ma mwanegu wete 'ihe'ai'aihale pwaiya.”

Paihowa 27:25

Ma tasigwao, sahena wa'ate'ateyoho, weyahina Yehoba yahemiseya, ma nata 'ipaihowa gide tuwa 'ihe'itegauwa.

Loma 4:17

Gidemusa Yehoba 'ina Buki 'oina 'igwaeya, “Cowa yahesani pwaigowa 'abehega 'asa mabwaiyadi tamadiu.” Ta Ebalahamo 'ina hemisa 'ilaguya Yehoba 'ina gwae hemisaina 'oina, tauna Yehobaina sowasowahina to'amasa 'i'abihe toholohiladi, ma weteyage to'aha geya sida 'elomasaleha sowasowahina 'igwae ma si'elomasaleha.

Loma 4:19

Ebalahamo 'i'iunamo ma 'ana bolime handeledi 'iloba, ta wahina mabwaiyana si'elowe'a, ta 'ihetautaubada seheya, ma mwanenaina Sela wetenuge wahine 'aga'agalina, ma Ebalahamo bewa geya weyahidi 'ida nuwatuhuwa, ma 'ina hemisa beno 'ina 'ebetuhila madouna.

Loma 5:5

Nuwatuhuyahina bewa geya 'ida 'abihenuwa galegita, weyahina Yehoba Yaluyaluwana 'itagwaleya 'oida. Yaluyaluwanaina 'ina helau madou hedadena 'oinega 'ateda 'ilohemahediya.

Loma 8:24

Ma 'abihetenaina hemisega talobaloba, weyahina bewa tuta wahida 'idi 'ehau geya tada lobeya, eeta ma'ida hemisa tayamwayamwa 'ana siga 'ida hemisaina huwaina taloba, ma 'ane 'ida hemisaina 'ilolagu.

Ibeliu 6:19

Cida nuwatuhu yahinaina gide 'ida loho waiwaina, ta 'oinega 'ale'o biliupa taluhubwale ma taluhu Yehoba 'ina 'ebemiya 'oina.