Loma 4:17 - Loina Nuahuana

¹⁷ Gidemusa Yehoba 'ina Buki 'oina 'igwaeya, “Cowa yahesani pwaigowa 'abehega 'asa mabwaiyadi tamadiu.” Ta Ebalahamo 'ina hemisa 'ilaguya Yehoba 'ina gwae hemisaina 'oina, tauna Yehobaina sowasowahina to'amasa 'i'abihe toholohiladi, ma weteyage to'aha geya sida 'elomasaleha sowasowahina 'igwae ma si'elomasaleha.

Loma 4:17 ပူးပေါင်းရင်းမြစ်များ

Madiu 3:9

Ma sahena wanuwanuwa hane 'abehega 'omi Ebalahamo tubunao ma 'oinega Yehoba 'i'atemuyemuyegomi. Hesi geya! Ma wa'ita Yehoba sawasawahina ma dimwa bewa 'oidiyega Ebalahamo tubunao 'ipaihowadi.

Yoni 5:21

Gide Tamagu to'amasa 'i'abi'abi hetoholo hiledi ma yawasidi 'i'ebwa'ebwaedi. Coinega taugu wete gide yawasi hauhauna tomota ya'ebwa'ebwaedi taiyawedi taudi yahesinuwedi.

Yoni 5:25

“Ma wete yahegwae bwaibwainigomi 'abehega tuta bewa tuwa 'ilatulatuma, bo tagwae tuta 'ilatu pwaima ma to'amasa Yehoba natuna 'enana sihesagohe, beno taugu tuwa 'enagu. Ma 'eguma taiyawedi 'omi 'enagu wahesagohe, nata yawasi hauhauna waloba.

Yoni 6:63

Yehoba Yaluyaluwana 'iboinamo yawasimi 'ana to'ebwaya, ma hesiyage wahimi geya 'eta wete 'ina lema 'oimiya. Cigu gwaeyedi ya'ebwaya pwaigomiya ma 'oidiyega yawasimi Yehoba Yaluyaluwana 'oinega wa'ewa'ewadi.

Paihowa 15:18

Bewa Bada 'ina gwae, tauna mwalo hene nuwatuhu bewa 'i'abilatuheya.’”

Loma 3:29

Bo hedeyage Yehoba tauda meYudiyamo 'ida Yehoba, ma hali 'asa geya? Geya taboi damo! Casa mabwaiyadi mahetedao 'ida Yehoba 'aigeda tuwa. Yehoba nata tauda meYudiya ma tomiya ganamuli wete 'i'ahwa dumwaluwegita 'ida hemisega.

Loma 4:18

Ma Ebalahamo 'inuwatuhu yahiya madouna gwae hemisaina 'abehega tauna 'asa mabwaiyadi tamadiu, ma 'abehega tuta 'inaonaoma 'abwa 'ilatu gide, ma bwagana tuta gala hedadena 'ilobeya tuwa 'i'alama'i'itana, weyahina bewa gide Yehoba 'ihegwae 'eseya, “Cabwa muliyetega tubumwao baibaiwadi silatu.”

Loma 4:2

Ebalahamo ginaula bwebwe'adi 'ipaihowediya ta debanega sowasowahina 'igwae hanehane, ma geya 'ida gwae haneya Yehoba matana, ma 'ina hemisamo weyahina Yehoba 'i'ahwa bwebwe'aneya ma geya 'ina paihowa bwebwe'adi weyahina.

Loma 8:11

Ma Yehoba Yaluyaluwanega Yesu 'amasega 'i'abi hetoholo hileya, ma 'eguma 'oimiya 'imiyamiya, nata 'omi Yehoba Yaluyaluwanaina 'oinega yawasi 'ehauna 'i'ebwaya wahimi 'ama'amasidi 'oidiya.

Loma 9:26

Mwalo Yehoba 'ihegwaediya, 'igwaeya, ‘Comi geya 'igu bodao’, nata bewa sibuihila ta sibwauwedi, sigwae, ‘Taudi Yehoba miyamiya hatayana natunao.’”

1 Kolinita 1:28

Ta wete gogo gabulena Yehoba 'ina paihowa si'ahwa ginaula bwagabwagaediya, ma hesi Yehoba 'ina paihowao 'oidiyega 'idi ginaula mabwaiyana 'i'ahu sepalediya.

1 Kolinita 15:45

Buki He'asisi 'ina hepwaila wete gidemusa 'igwaeya, “Loheya nugenugetaina, Adama wahina mayawasina; ma loheya heluwena yaluyaluwana 'oinega sowasowana yawasida 'i'ebwaegita.”

1 Timoti 6:13

Cowa Timoti yaloinaego Yehoba matana, tauna ginaula mabwaiyana yawasidi 'ana to'ebwaya, ma wete Yesu Keliso matana, tauna mwalo Ponitio Pailato 'oina gwae moisega 'igwaeya.

Ibeliu 11:12

Moisa, Ebalahamoina 'ihetautaubada hedadeya, ta 'i'iunamo ma 'i'amasa, ta hesi boda madouna 'idabalala 'oinega, ta 'adi baibaiwa tuwa gide galewa 'ipwalao, ma wete nenegwala holai 'adi baibaiwa gide.

Ibeliu 11:3

Tauda wete 'ida hemisa 'oinega tasanapuya 'abehega Yehoba tauna 'ina gwae 'oinega bale'u mabwaiyana 'ihemasalahediya, beno ginaulaedi geya tada 'itediya 'oidiyega ginaulaedi ta'ita'itadi 'ihemasalahediya.

Ibeliu 11:7

Nowa wete Yehoba 'ihe'iteya 'abehega to'aha 'abwa 'ilatu 'oidiya, 'oinega Nowaina 'imatauta ma 'ina hemisega 'ina waga sanina 'aki 'igoheya, 'itagiya, ta tauna ma'ina susuwao 'i'abihetediya. Nage 'oina 'ihe'itaeya 'abehega tomota mabwaiyadi togala, ma tauna loheya dumwaluna 'ina hemisa weyahina.

1 Pita 2:10

Tuta mwalo 'oidiya 'omi geya waheboda 'aigeda, ma sauga bewa Yehoba 'oina waheboda 'aigeda pwaiya, ma mwalo wete Yehoba 'ina 'atemuyamuya geya 'oimiya 'imiyamiya, ma sauga bewa waloba pwaiya.

2 Pita 3:8

Ciyagwao, 'aigeda wete ginaula wanuwatuhuyahi, 'abehega bolime tausani gide sabwelo 'aigeda 'ida Badaina 'oina, ma wete bolime tausani tauna 'oina gide sabwelo 'aigeda mahemahetena.