Loma 4:1 - Loina Nuahuana

¹ Coinega to'aha nata tagwaene Ebalahamo weyahina, 'iboi tuwa tubudaina mabwaiyada 'oinega tamasalehama?

Loma 4:1 ပူးပေါင်းရင်းမြစ်များ

Madiu 3:9

Ma sahena wanuwanuwa hane 'abehega 'omi Ebalahamo tubunao ma 'oinega Yehoba 'i'atemuyemuyegomi. Hesi geya! Ma wa'ita Yehoba sawasawahina ma dimwa bewa 'oidiyega Ebalahamo tubunao 'ipaihowadi.

Luke 3:8

Coinega 'ilobwainegomiya ma 'imi nuwabui moisa wahe'itae 'imi paihowa bwebwe'adi 'oidiyega. Ma sahena wagwaegwae 'abehega 'omi Ebalahamo tubunao 'oinega Yehoba 'i'atemuya muyaegomiya. Geya hene! Ma wa'ita Yehoba sowasowahina ma da'ule bewa 'oidiyega Ebalahamo tubunao 'ihemasalahadi.

Yoni 8:33

Ma taudi Yesu sihegwaeya sigwae, “Ciya, tauma hene Ebalahamo 'ina bodao, geya 'eta taiya wete 'ina loina 'oinega 'ipaimai. Ma to'aha weyahina 'ugwaeya 'abehega lihasa 'oiuwega 'aloba?”

Yoni 8:53

Tamamaina Ebalahamo 'i'amasa pwaiya, 'oinega sahena 'utohotoho ma 'abehega tamamaina 'ulagu suluhe ma 'uboi 'ulagu hanehego. Palopitao wete si'amasa pwaiya, 'oinega sahena wete 'utohotoho ma 'abehega 'ulagu suluhedi, 'awa?”

Yoni 8:56

Tamamiuina Ebalahamo ma'ina yaliyaya ma 'abehega 'igu sabwelo 'i'ita, 'oinega 'igu sabweloina 'i'iteya ma 'iyaliyaya madouna.”

Paihowa 13:26

“Tasigwao, 'omi Ebalahamo 'ina susuwao, ma wete 'omi hali tupwega Yehoba 'ana tohe'asisiyao wahesagohe 'abehega 'abihetena tetelina bewa 'oida 'ilatu pwaima.

Loma 1:3

Tetelaina beno Yehoba natuna Yesu Keliso he'ote'otetelina. Tauna 'iheloheya masiha Debida 'ina susu 'alonega,

Loma 3:5

Ma 'eguma 'ida mumuga galana 'oinega Yehoba mumugana bwebwe'ana 'imasaleha bwaibwaina, to'aha nata tagwaene? Bo nata tagwae, “Yehoba yo, 'ima mumuga galana weyahina sahena 'uloiloinaemai.” Moisa bewa yahegwaegwae besobeso tuwa gide tupwadi tomota sigwaegwae 'esa.

Loma 4:16

Bewa 'oinega tasanapu 'abehega hemisa tuwa 'oinega gwae hemisaina 'ana bwebwe'ana 'abwa taloba. Ma bewa Yehobaina 'ina helau tuwa ma geya 'abehega 'ida paihowa 'ana maisa. Ta gwaehemisaina Ebalahamo tubunao mabwaiyada talobeya, geya 'abehega loina 'ana toguibigao siboidimo, ma weteyage taiyewedi 'idi hemisa gide Ebalahamo 'ina hemisa ee taloba. Ebalahamoina tauna gide mabwaiyada tamadai.

Loma 6:1

Bo to'aha hede nata tagwaene? Cabehega 'ilobwainegita 'ida mumuga galadiyedi 'oidiya tuwa tamiya hataya, ma 'ane Yehoba 'ina lemaina 'oida 'ihemadou?

Loma 7:7

To'aha nata tagwaene Mosese 'ina loinaina weyahina? Cabehega 'ina loinaedi galadi bo geya? Geya galadi. Ma hesi 'eguma geya loinaedi sida latulatu, geya sowana wete pui 'ilatulatu. Ta nuwana 'eguma geya 'eta loina 'igwae gide, “Sahena matalolo”, beno geya sowasowahina wete tasanapu to'aha matalolo.

Loma 8:31

Ma moisa Yehoba 'ina helau 'imadou hedadeya. Ta 'eguma Yehoba mahetedai, nata 'i'abihetegita, eeta geya sowana 'eta taiya 'ilolo'alehegita.

2 Kolinita 11:22

Ceguma taudi meIbeliu, taugu gide. Ceguma taudi Isileli 'ina susuwao, taugu gide. Ceguma taudi Ebalahamo tubunao, taugu gide.

Ibeliu 12:9

Wanuwatuhuyahi 'eguma tamadao bale'uwa sisapigita ma 'oinega tahe'asisiyanedi, wete 'ilobwainegita ma yaluyaluwada Tamadiu galewa tahe'asisiyane, ma 'oinega yawasida 'ausalana 'i'ebwaegita.