Loma 3:5 - Loina Nuahuana

⁵ Ma 'eguma 'ida mumuga galana 'oinega Yehoba mumugana bwebwe'ana 'imasaleha bwaibwaina, to'aha nata tagwaene? Bo nata tagwae, “Yehoba yo, 'ima mumuga galana weyahina sahena 'uloiloinaemai.” Moisa bewa yahegwaegwae besobeso tuwa gide tupwadi tomota sigwaegwae 'esa.

Loma 3:5 ပူးပေါင်းရင်းမြစ်များ

Loma 12:19

Ma sahena wahehetoloina togala 'oidiya ma 'abehega 'idi pui wahemaisedi, weyahina bewa ginaulaedi Yehoba tauna 'ana toloinaina, ta Yehoba 'ina buki 'oina gide 'ihepwaila 'esa, 'igwaeya, “‘Tomotai 'idi pui weyahina yaboigumo 'abwa yaloinae.’ Yehoba 'ina gwae gide.”

Loma 2:5

Ma tuwa debami sipa'ala hedada, 'oinega 'eguma tutaina Yehoba 'ina loina dumwaluna 'i'abi hemasalaha, 'igamwasowalegomi tuwa,

Loma 3:19

Ma tasanapu pwaiya 'abehega Mosese 'ina loinao beno meYudiya 'ada loina 'oinega geya sowana 'eta taiya 'igwaegwae hila tutaina Yehoba 'ina bwa'omatana 'ana tuta 'oina, weyahina tomiya bale'u mabwaiyada togala.

Loma 3:7

Coinega tupwadi to'e'abo'abo sigwaegwaenegau, sigwaeya, “Cino loguguya 'oina 'ugwaeya 'abehega 'igu 'abo 'oinega Yehoba mumugana dumwadumwaluna 'i'abihelatuya tomota 'oidiya ta Yehoba sihepwatuweya, ta nata Yehoba geya sowana 'i'ahwa'ahwa galagalaegau. Coinega 'ilobwainemaiya tauma wete 'apaihowa galagala, ma 'ane ginaula bwebwe'adi silatu.” Taudi tomotaedi gwaenigu sigwaegwaene 'ilobwainediya Yehoba 'iloinaedi.

Loma 4:1

Coinega to'aha nata tagwaene Ebalahamo weyahina, 'iboi tuwa tubudaina mabwaiyada 'oinega tamasalehama?

Loma 5:8

Ma Yehoba 'ina helau 'ihe'itegita tutaina tauda togala, beno Keliso 'i'amasa weyahida,

Loma 6:1

Bo to'aha hede nata tagwaene? Cabehega 'ilobwainegita 'ida mumuga galadiyedi 'oidiya tuwa tamiya hataya, ma 'ane Yehoba 'ina lemaina 'oida 'ihemadou?

Loma 6:19

Bewa, bale'u nuwatuhuidi 'oidiyega yahe'itegomiya, weyahina nuwami 'abwa potapotadi. Ta mwalo to'wehimi watagwalediya ma 'abehega simumuga galagala, ma weteyage 'abehega 'imi paihowa galadi sihemadou bwaibwaina. Coinega tuta bewa sowasowana to'wehimi watagwaledi ma sipaihowa dumwalu, ma 'imi paihowa wete 'ibwebwe'ana bwaibwaina.

Loma 7:7

To'aha nata tagwaene Mosese 'ina loinaina weyahina? Cabehega 'ina loinaedi galadi bo geya? Geya galadi. Ma hesi 'eguma geya loinaedi sida latulatu, geya sowana wete pui 'ilatulatu. Ta nuwana 'eguma geya 'eta loina 'igwae gide, “Sahena matalolo”, beno geya sowasowahina wete tasanapu to'aha matalolo.

Loma 8:31

Ma moisa Yehoba 'ina helau 'imadou hedadeya. Ta 'eguma Yehoba mahetedai, nata 'i'abihetegita, eeta geya sowana 'eta taiya 'ilolo'alehegita.

Loma 9:30

Bewa 'oinega tasanapu 'abehega taudi tomiya ganamuli geya sitohotoho ma Yehoba 'i'ahwa dumwaluwedi, ma hesi 'idi hemisa tuwa 'oinega 'i'ahwa dumwaluwediya.

1 Kolinita 15:32

Ta wete mwalo Epeso 'oina loheloheya gamwagamwasowalidi totopwatula gide silolo'alehegau, ma hesi lo'alehaina geya 'ana bwebwe'anamo 'oiguwa 'eguma geya 'amasega yatoholo hila! Coinega tupwana tomota sigwae 'abehega 'ilobwainegita ma tuta bewa bale'uwa tayaliyaya 'ida 'ai ta 'ida numa 'oidiyega, weyahina nata 'amasa 'ana tuta, gesowana 'aigeda wete to'aha talobaloba.

1 Kolinita 9:8

Cebe'ita bewa 'ida gogowega,

2 Kolinita 6:4

ma hesi 'ima paihowao mabwaiyana bwebwe'ana 'ahe'itaeya 'abehega Yehoba 'ina topaihowao bwebwe'ama. Cima paihowa bewa: 'alama'i'ita madouna, muyamuya, miyamwau, hesilae,

2 Kolinita 7:11

Wa'ita, 'imi nuwagala bewa 'oinega Yehoba bo'i 'i'abihetegomiya, ma wahetapewa, ta wahewaiwaiya ta 'imi mumuga 'ibwebwe'ana mabwaiyana, 'oinega galanaina weyahina wagamwasowala pwaiya, ma wamatauta, ma nuwanuwami yatauyawa 'oimiya, ma wahewaiwaiya ma togalaina 'ana loina wa'ebwaeya. Ginaula mabwaiyana 'oidiyega 'imi paihowa 'ausalana wahe'itaeya.

Galetiya 2:18

Taugu 'eguma yalohihila ta 'igu hemisa Mosese 'ina loinao 'oidiya yalagu, beno yagala.

Galetiya 3:15

Ciyagwao, 'aigeda 'ebe'ita 'ida mumuga 'oinega ya'ebwaegomi, bewa gidemusa: Ceguma loheya 'i'iunamo 'i'amasa, ta 'ina tobwatobwa nuwana 'ina 'ebeloina 'i'ebwae wahana 'oina, 'ina gwaeyedi geya sowasowana 'eta taiya wete weyahina 'igwae.

Heꞌitaꞌita 15:3

ta mabwaiyadi Mosese walina siwaliwaliye, tauna Yehoba 'ina topaihowa. Ma wete lami walina siwaliwaliye, sigwae, “Bada Yehoba Tohewaiwai 'ino paihowao madoudi ma 'ebe henainaida, ta 'ino mumuga mabwaiyana 'ausaladi ma dumwaludi, ma 'ebeloina mabwaiyadi 'uloinaedi.

Heꞌitaꞌita 18:20

Wayaliyaya 'omi galewa Yehoba 'ina loheloheyao, ma wete palopitao, ma 'ana tohepwailao wayaliyaya, weyahina mwalo 'imi muyamuya 'asaina 'oinega walobeya, ma bewa tuwa Yehoba muya 'oinega 'ihemaisediya.