Loma 3:4 - Loina Nuahuana

⁴ Nata geya! Weyahina bwagana tauda mabwaiyada to'e'abo'abo, ma Yehoba tuwa 'iboimo dumwadumwaluna. Yehoba tauna weyahina 'ina Buki gide 'ihepwaila 'esa, 'igwaeya Cabehega 'ina gwaeyega si'ahwamoisae, ma 'ina yatala 'oina 'ihewaiwai.

Loma 3:4 ပူးပေါင်းရင်းမြစ်များ

Madiu 11:19

Ma taugu Loheyaiguina yanaoma ma ya'ai'ai ma yanumanuma, ma wete weyahigu walolomugi, wagwaegwae, ‘Loheyaina to'ai ma tonuma hedahedade, ma topui takesi 'ana to'ewao ma topui baibaiwadi 'ihe'iya'iyaguwedi.’ “Ma taudi tosanapu moisa 'abwa 'idi paihowa bwebwe'adi 'oidiyega sanapu moisa 'ilatulatu.”

Luke 20:16

Moisa, badaina 'abwa 'ilatu ma topaihowaedi 'ilohe'amasidi, ma 'oinega tanohina hali to'itayahinao 'i'ebwaedi.” Babadaedi Yesu 'ina gwae bewa gide sihesagoheya ta sigwaeya, “Tauda sahena wete gide!”

Yoni 3:33

Ma hesi taiyawedi 'eguma 'ina gwaeyedi si'abi'abi yahidi, beno taudi sihepwaileya 'abehega Yehoba 'ina gwae moisa.

Loma 11:1

Ta bewa 'igu hesilala, togidega Yehoba 'ina boda meIsileli 'iguipailediya, bo geya? Geya! Weyahina taugu 'aigeda gwama Isileli, susu Beniyamina 'oinega, ma 'ima susu madouna 'ima babadega, sanina Ebalahamo.

Loma 11:11

Taudi Yudiyaedi situpa eeta togidega 'adi loina? Cabehega nage sibe'u hataya ma nata geya wete sitohotoholo hila, bo? Nata geya! Cabwa sitoholo hila! Ma hesiyage wanuwatuhuyahi 'abehega taudi sipuiya, eeta 'omi tomiya ganamuli 'etolema walobeya, ma meIsileliyedi nata sihe'ipi'ipiyegomi.

Loma 3:31

Coinega togidega bewama 'ana sanapu, loinaina 'abehega tabuiyahule ta hemisa tada 'abiyahi, 'awa? Sahena! Ma hesi sawasawahina loina tahe'asisiye ma 'oida 'ihemadou.

Loma 6:15

Coinega togidega tamumuga 'esa? Mwalo loinaina taligehiya ma muliyetega Yehoba 'ida puiyedi 'inuwasamudiya, togidega, sowasowahina pui tuwa tapaipaihowa? Caa nata geya!

Loma 6:2

Caa nata geya! Weyahina mumuga galana 'oidega 'igumwala pwaiya, ta geya nata wete 'oida 'imiyamiya.

Loma 7:13

Ma togidega hede ta loinaina 'ausalanaina 'ilohe'amasigauwa? Ma hesi geya! Geya sowasowahina ginaula bwebwe'ana 'ilohe'amasi daidaisigita, ma hesi to'aha galana 'ateguwa loina 'ausalana 'ihe'abeyeya, ma 'oinega 'ilohe'amasigauwa. Coinega tasanapuya 'abehega mumuga galadi 'ateda simiyamiya, ma loina 'oinega tasanasanapu 'abehega gala hedadena.

Loma 7:7

To'aha nata tagwaene Mosese 'ina loinaina weyahina? Cabehega 'ina loinaedi galadi bo geya? Geya galadi. Ma hesi 'eguma geya loinaedi sida latulatu, geya sowana wete pui 'ilatulatu. Ta nuwana 'eguma geya 'eta loina 'igwae gide, “Sahena matalolo”, beno geya sowasowahina wete tasanapu to'aha matalolo.

Loma 9:14

Cabwa to'aha hede nata tagwaene Yehoba 'ina paihowa bewa gidemusa, galana bo geya? Geya galana!

1 Kolinita 6:15

Wahida beno Keliso yahuna, 'oinega geya'abwa taiya 'owa toganawala maheteu wamumuga galagala.

2 Kolinita 1:18

Gide tuwa Yehoba 'ina gwae moisa, taugu wete 'igu gwae 'oimiya gwae moisa, ma sahena yatagwatagwala 'abo'abo.

Galetiya 2:17

Mabwaiyada meYudiya nuwanuwada ma Keliso 'ina paihowa 'oinega Yehoba 'i'ahwa bwebwe'anegita. Ma 'eguma 'eta tuta tawe'a bo tapui, togidega bewa, nuwana Keliso 'i'abihe puiyegita? Geya!

Galetiya 2:21

Coinega geya'abwa Yehoba 'ina helauina yalologwahate. Geya'abwa tanuwanuwatuhu 'abehega Mosese 'ina loinao 'adi hematamatana 'oinega Yehoba 'ida 'ahwa bwebwe'anegita. Beno gide Keliso 'ina 'amasaina 'iheginaula besobeso.

Galetiya 6:14

Ma taugu hesi geya'abwa yagwaegwae hane. Beno tuwa 'ida Bada Yesu Keliso 'ana kelose weyahina yagwaehane, weyahina Keliso 'ana kelose 'oinega mumuga bale'u 'ilohe'amasiya ta 'ina loina 'oiguwa 'igumwala, ma wete taudi mumuga bale'u 'ana tomuliyao silogwahategauwa, tuwa gide taugu to'amasa.

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

Taito 1:2

Wete Yehoba mwalo hene 'igwae hemisaediya ta sihemisaeya 'abehega yawasidi miyamiya hatayana 'i'ebwaedi. Ta geya sowana 'i'abo.

Ibeliu 6:18

Ginaula waiwaidi 'eluwaedi miyamiya hatayadi, beno Yehoba 'ina gwae hemisa ma 'ina 'eta'wata'walulu. Coinega tasanapuya 'abehega Yehoba geya 'eta tuta 'i'abo. Weyahina tauda bo'i Yehoba 'oina tadena ta 'i'abihetegita, 'oinega ta'atepatu ma tanuwatuhuyahi 'abehega 'ina gwae hemisa 'oida geya'abwa 'i'ebe'ebesinegita.

1 Yoni 5:10

Ceguma tauna tahemisae 'ateda talotoho 'abehega tauna Yehoba Natuna, ma hesi 'eguma geya tahemihemisae, bewa 'oinega ta'ahwa 'abo'abowe, weyahina 'ina hepwaila Natuna weyahina geya tahemise.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

Heꞌitaꞌita 3:7

Aneloseina totapwalolowedi Piladelipiya 'oina 'i'ita'itayahidi 'ina leta 'ulele mePiladelipiya weyahidi ma 'ugwae: Tetela bewa 'itauyama tauna bwebwe'ana ma dumwaluna 'oinega, ma wete tauna nimana kihiina mwalo Debida 'ina 'ebeso'eina 'i'abi'abiyahi, ma 'eguma 'ahwa'eda 'iso'e, geya 'eta taiya sawasawahina ma 'igudu, ma wete 'eguma 'igudu, geya 'eta taiya sawasawahina ma 'iso'e.