Loma 3:22 - Loina Nuahuana

²² 'abehega Yehoba mabwaiyada 'i'ahwa dumwaluwegita Yesu Keliso 'ana hemisa 'oinega, ma geya sowana 'eta taiya wete wataha 'i'abi'abihelatu tauda meYudiya ma tomiya ganamuli gamwagamwanida.

Loma 3:22 ပူးပေါင်းရင်းမြစ်များ

Luke 15:22

Ma hesi tamana 'ina hewaliyao 'ibwauwediya ma 'oidiya 'igwaeya, ‘Walomwayamwayau ma 'wama bwebwe'ana wa'eweyama ma natugu wahe'ote, ma wete 'ana nipuna wa'eweyama ma nimana walagu, ma 'ana butu 'ahena walagu,

Paihowa 11:12

“Ma Yaluyaluwa Tabuna 'ihegwaegauwa 'igwae, 'Cutoholo ma sahena 'uhehenuwanaluwa, ma tuwa hesi taudi ba'idamwao watauya.’ Ma 'iyadao site sikisi bewa si'wayabugauwa, ma 'atauya Konilio 'ina hada 'aluhuwa.

Paihowa 15:9

ma geya 'aigeda wete wataha 'i'abi'abi latuhe, ta 'abehega taudi hagahagadi ma tauda hagahagada, ma hesi taudi sihemiseya gide tauda tahemiseya, ma 'oinega mabwaiyada 'ateda 'i'abihe 'ehaudi.

Paihowa 3:16

Coinega Yesu saninega loheya bewa 'ibwebwe'ana pwaiya. Loheya bewa wa'iteya ma wasanapuya, ma Yesu sanina 'ihemiseya, 'oinega matamiya 'ibwebwe'ana moisa ma 'ihewaiwaiya.

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Loma 10:12

Ta geya 'eta wataha 'omi tomiya ganamuli ma tauma meYudiya gamwagamwanida, weyahina mabwaiyada tauna 'ida Bada, 'oinega 'eguma ta'ahwanoi 'oina, nata 'ihelau bwaibwainigita.

Loma 10:4

Ma Keliso 'ina paihowega Mosese 'ina loina 'oidega 'igumwala, eeta bewa tutaina tauna 'ina loina 'ihegaineya ma 'eguma taiya Kelisoina 'ihemisae, nata Yehoba 'i'ahwa dumwaluwe.

Loma 2:1

Tasigwao, sahena 'iyamiyao mumugadi weyahina wahehetalapili, weyahina 'eguma 'iyamiyao wahehetala piliyedi ma 'omi wete mumuga 'aigedaina wapaipaihowa, beno waboi tuwa wahehetala piliyegomi.

Loma 4:16

Bewa 'oinega tasanapu 'abehega hemisa tuwa 'oinega gwae hemisaina 'ana bwebwe'ana 'abwa taloba. Ma bewa Yehobaina 'ina helau tuwa ma geya 'abehega 'ida paihowa 'ana maisa. Ta gwaehemisaina Ebalahamo tubunao mabwaiyada talobeya, geya 'abehega loina 'ana toguibigao siboidimo, ma weteyage taiyewedi 'idi hemisa gide Ebalahamo 'ina hemisa ee taloba. Ebalahamoina tauna gide mabwaiyada tamadai.

Loma 8:1

Coinega 'eguma Yesu Keliso mahetedai, nata geya 'eta taiya 'ina gwae mwauna 'oida 'ilagulagu.

Loma 9:30

Bewa 'oinega tasanapu 'abehega taudi tomiya ganamuli geya sitohotoho ma Yehoba 'i'ahwa dumwaluwedi, ma hesi 'idi hemisa tuwa 'oinega 'i'ahwa dumwaluwediya.

1 Kolinita 12:13

Weyahina mabwaiyada tababitaiso, Yaluyaluwa 'aigeda 'oinega eeta taheboda 'aigeda. Tauma meYudiya ta 'omi hali tupwao 'oidiyega, ta tomiya mwau ma tomiya bwebwe'ana, ta mabwaiyada taheboda 'aigeda pwaiya Yaluyaluwa Tabuina 'oinega, tauna 'oida 'imiyamiya.

1 Kolinita 4:7

Sahena wanuwanuwa hanehane ma 'abehega 'iyamiyao wabwebwe'ana sinediya, weyahina to'aha bwebwe'ana 'oimiya simiyamiya mabwaiyana Yehoba 'oinega walobeya, 'oinega sahena wagwaegwae hanehane.

Galetiya 2:16

eeta tasanapuya 'abehega Yehoba sowasowana mabwaiyada 'i'ahwa bwebwe'anegita geya Mosese 'ina loina 'ana hematamatana 'oinega, ma hesi Yesu Keliso 'ana hemisa 'oinega. Weyahina tauda 'ida hemisa Yesu Keliso 'oina talaguya ma 'oinega Yehoba 'i'ahwa bwebwe'anegita. Ma hesi 'ida hemisa geya Mosese 'ina loina 'ana hematamatana 'oina talagulagu, weyahina Yehoba geya 'eta tomota 'i'ahwa'ahwa bwebwe'ane Mosese 'ina loina 'ana hematamatana 'oinega.

Galetiya 2:20

Moisa, Keliso mahetegu si'abihe kelose pwaimaiya, 'oinega 'ama'amasigu, ma geya taugu yawasiguwega ma hesi Keliso yawasina 'oiguwa 'imiyamiya. Beno tuwa yamiyamiya, yawasiguina lamuna beno 'igu hemisa Yehoba Natuna 'oina. Weyahina Yesuina 'ina helauwega tauna 'itagwaleya ta weyahigu 'i'amasa.

Galetiya 3:22

Ma hesi Buki He'asisi mabwaiyada 'i'ahwa galaegita, 'oinega Yesu Keliso 'ana tohemisaomo Yehoba 'ina gwae hemisa siloba.

Galetiya 3:28

Weyahina mabwaiyada Keliso mahetedai, ma geya 'eta wete wataha solada 'imiyamiya. Coinega meYudiya ma hali bodao mahemahetena, ma babadao ma 'idi topaihowao mahemahetena, ma wete meloheyadi ma mewahinedi mahemahetena, weyahina mabwaiyada Yesu Keliso 'oina taheboda 'aigeda,

Epeso 3:12

ma 'eguma Kelisoina tahemisae ta'atepatu, 'ane sawasawahina taluhu Yehoba tauna matana, ma ta'ahwanoi 'oina.

Pilipai 3:9

ma wete nuwanuwagu Keliso mahetegu 'amiya, geya 'abehega taugu 'igu mumuga dumwadumwalunega, bo Mosese 'ina loinao 'oidiyega, ta hesi hemisa Keliso 'oina weyahina, beno 'ida mumuga dumwadumwaluna Yehoba 'i'ebwaegita 'ida hemisa Keliso 'oina weyahina.

Kolose 3:11

Coinega geya 'eta wataha 'imiyamiya ma 'abehega wagwae “Yudiya boda hagadi ma tauma boda hagama,” bo wagwae, “Taudi meYudiya 'adi 'ila'ilala si'upweya 'wapidiya boda hagana, ma taudi geya si'upwa boda hagadi,” nuwana taumanao bo tomiya pwatula boda hagadi, nuwana wete topaihowao ma babadao hali bodao. Ma tuwa Keliso 'ina boda mabwaiyada. Ma 'ateda Keliso 'iboi 'ilohegogonegita.

Yemesa 2:23

Coinega Buki He'asisi 'ina hepwailaina 'ilatu moisa 'igwaeya, “Ebalahamo Yehoba 'ihemiseya, ta 'ina hemisaina weyahina Yehoba Ebalahamo 'i'ahwa bwebwe'aneya,” ma wete 'i'ahwa 'iyaguweya.