Loma 3:21 - Loina Nuahuana

²¹ Coinega bewa tuta Yehoba 'ada 'ahwabwebwe'ana 'i'abihelatuya, 'abehega geya loina 'oinega, ma hali 'eda'eda 'oinega hesiyage. Ma 'eda'edainaina Mosese 'ina loina ta palopitao sihepwaila pwaiya,

Loma 3:21 ပူးပေါင်းရင်းမြစ်များ

Luke 24:44

Ma 'ihegwaediya, 'igwaeya, “Gwaeyedi yatetela pwaidiya 'oimiya tutaina taugu ba'idamiu, mabwaiyana weyahigu sileleya Mosese 'ina Buki 'oina ta palopitao 'idi buki 'oidiya ma wete buki wali Same 'oidiya, ma 'oinega 'igu hepwailaina 'ana sanapu moisa 'ida latu.”

Yoni 1:45

Muliyetega Pilipi Nataniyela 'ilobeya, ma 'ihegwaeya 'igwae, “Nataniyela, loheyaina sigwaegwaeneya 'alobeya. Tauna mwalona Mosese 'ina buki 'oina weyahina 'ihehegwaegwae. Palopitao 'idi lele 'oidiya wete weyahina sihegwaegwaeneya. Tauna tuwa Yesu, tamana Yosepa, Nasaleta loheyaina.”

Paihowa 10:43

“Palopitao wete mwalona sihepwaila nugeteya 'abehega 'eguma taiyawedi Yesu 'oina sihemisa, nata 'idi puiyao Yehoba 'inuwasamudi Yesu tauna saninega.”

Paihowa 15:11

Ma hesi 'ida hemisa 'abehega 'ida Bada Yesu 'ina helauwega 'i'abihetegita, ma taudi wete Yesu 'ihelauwediya, ta 'oinega wete 'i'abihetediya.”

Paihowa 26:22

Ma tuta nage 'oina ma 'ana siga nige Yehoba 'ilemelemegau, ma 'ane yatoholo ma yahehepwaila, 'omi toloinao ma tomota mabwaiyami 'oimiya, geya hali nuwatuhu weyahina, ma tuwa tauna 'iboi palopitao ma Mosese sihepwaila nugeteya,

Paihowa 28:23

Ma sabwelo siupaeya, ma boda madouna si'eto'autama Paulo 'ina hada, ma gonegonega 'ana siga 'iboi 'oidiya 'iguguya, Yehoba 'ina hetoloina weyahina, ta Mosese 'ina loina 'oinega, ma palopitao 'idi gwaeyao 'oidiyega, 'ihe'itediya Yesu weyahina, ta 'itohoya ma 'abehega 'i'abihe 'asilaladi.

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Loma 1:2

Tetela bwebwe'ana Yehoba mwalo 'igwae hemisaeya 'ina palopitao 'oidiya, ma sileleya Yehoba 'ina Buki 'oina.

Loma 16:26

ta bewa tutaina 'i'abi latuheya 'oida, palopitao 'idi leleyao 'oidiyega, ma wete Yehoba miyamiya hatayana 'igwaeya 'abehega tetela bewa 'asa mabwaiyadi 'ana tomotaiyao sida sanapu, ma 'ane sihemisa ma simuliye.

Loma 3:28

Eeta nuwatuhu bewama 'ana lohegogona 'abehega tauda tomota 'ida hemisega Yehoba nata 'i'ahwa bwebwe'anegita, ma geya loina 'ana hematamatana 'oinega.

Loma 5:19

Ma wete 'aigeda loheya loinaligeha 'oinega galanaina 'ilatuma ta tomota mabwaiyadi sigala, ma wete 'aigeda loheya bwebwe'ana 'ina tagwalega tomota mabwaiyadi 'ideulidiya, ma Yehoba 'i'ahwa dumwaluwediya.

Loma 5:21

Coinega tasanapuya 'abehega pui huwaina beno 'amasa, 'ihewaiwaiya tomota 'oidiya, ma Yehoba 'ina helau huwaina 'ihewaiwai hedadeya, beno 'etolihasa ma yawasi miyamiya hatayana 'ida Bada Yesu Keliso 'ina paihowa bwebwe'ana 'oinega.

Loma 9:30

Bewa 'oinega tasanapu 'abehega taudi tomiya ganamuli geya sitohotoho ma Yehoba 'i'ahwa dumwaluwedi, ma hesi 'idi hemisa tuwa 'oinega 'i'ahwa dumwaluwediya.

1 Kolinita 1:30

Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

2 Kolinita 3:9

Loina miyamiyana 'oinega tomota yatala siloba ma hesi loina ma'ina wasawasa 'asi'asilalana. Loina hauhaunaina mumuga dumwaluna 'i'ebwaegita ta 'ina wasawasa 'asilala hedade.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Galetiya 3:8

Mwalo hene Yehoba Ebalahamo 'ihegwaeya, 'igwae, “Cowa 'oiguwega 'abwa taudi hali 'asa tomotaedi 'idi 'ebe yaliyaya siloba.” Ma Yehoba 'ina gwae bewa Buki He'asisi 'alona 'ihepwaila nugeteya, 'asa ganamuli baibaiwadi 'adi 'abihebwebwe'ana weyahina, 'eguma Yehoba 'oina sihemisa.

Galetiya 5:5

Weyahina tauda Yehoba tahemisaeya ma 'abehega 'i'ahwa bwebwe'anegita. Bewa 'ida nuwatuhuyahina Yaluyaluwa Tabuna 'oinega, eeta tauna weyahina tayamwayamwa.

Pilipai 3:9

ma wete nuwanuwagu Keliso mahetegu 'amiya, geya 'abehega taugu 'igu mumuga dumwadumwalunega, bo Mosese 'ina loinao 'oidiyega, ta hesi hemisa Keliso 'oina weyahina, beno 'ida mumuga dumwadumwaluna Yehoba 'i'ebwaegita 'ida hemisa Keliso 'oina weyahina.

1 Pita 1:10

Bewa 'abihetenaina mwalo palopitao sihesilaleya ma sibeseya, eeta 'imi 'abihetenaina sigwae hemiseya ma 'abehega Yehoba 'i'ebwaegomi.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.