Loma 2:20 - Loina Nuahuana

²⁰ ma toheyauyaule ta gwagwama 'oidiya wahetohe'ita, 'abehega 'omi Mosese 'ina loina 'oinega sanapu moisa wa'eweya.

Loma 2:20 ပူးပေါင်းရင်းမြစ်များ

Madiu 11:25

Tuta nage 'oina Yesu 'igwaeya, “Yauwedo Tamagu, 'owa galewa ma bale'u 'adi toloina, sanapu bewa 'udahweya tosonogao ma tonuwasabwalenao 'oidiyega, ma hesi gwagwama 'i'iudi 'oidiya 'uhe'itaeya.

Loma 2:19

Ma waboi wa'ahwa tosanapuwegomiya 'abehega tomata gibugibu 'adi tohanugetao, ma taudi tomiya guguyou wa'atuhe 'asilalediya,

Loma 3:31

Coinega togidega bewama 'ana sanapu, loinaina 'abehega tabuiyahule ta hemisa tada 'abiyahi, 'awa? Sahena! Ma hesi sawasawahina loina tahe'asisiye ma 'oida 'ihemadou.

Loma 6:17

Ma 'amo'isamo tuwa, 'omi mwalo mumuga galana 'ana topaihowao, ma tetela bwebwe'ana wahesagoheya, ta 'atemi watagwalediya 'oina, ta 'imi puiyedi 'i'ewa yahulediya. Ma Yesu 'ilihasigomiya ma 'abehega mumuga bwebwe'ana weyahina wahetopaihowa. Coinega 'ilobwainegita taloyauwedo madouna Yehoba 'oina, yaliyaya bewa weyahina.

1 Kolinita 3:1

Ma tasigwao, geya sowasowahina ma sanapu moisa yahehepwaile 'oimiya, weyahina yaluyaluwami geya simatuha, ta 'imi nuwatuhu 'abwa tuwa gogo gabulena 'idi nuwatuhu gidemusa. Weyahina 'omi wahegaina tuwa Keliso 'ana hemisa 'oina, gide sedaseda 'i'iudi.

2 Timoti 1:13

Mwalo guguyaedi bwebwe'adi ya'ebwaegowa, Yesu Keliso 'ana hemisa ma 'ana helau weyahidi, ee 'umuliya bwaibwainidi.

2 Timoti 3:5

Tomotaedi sitapwatapwalolo tuwa ma Yehoba 'ina waiwai geya sihemisae, 'oinega 'idi tapwaloloina tuwa ginaula besobeso, 'oinega bodaedi taudi sahena 'oidiya 'uluhuluhu.

Taito 1:16

Taudi sigwae 'abehega Yehoba sisanapuya, ta 'idi paihowa 'oinega Yehoba siuhaleya, weyahina taudi togala ma wete loina 'ana tosinala, 'oinega paihowa bwebwe'ana geya 'eta 'adi lobwaina.

Ibeliu 5:13

Coinega 'omi gide gwagwama, 'eda dumwadumwaluna geya nuwami 'isabwalena moisa, eeta 'ilobwainegomiya ma he'ita nuhana 'oinega 'ahe'aigomi nugeta.

Yemesa 3:1

Tasigwao, sahena watohotoho ma baibaiwami wahetohe'ita, ma wasanapu 'abehega 'eguma tahe'ita ma geya tapaihowa, 'abwa Yehoba 'ihetalaegita.

1 Pita 2:2

ma hesi yaluyaluwami 'ana susu bwebwe'ana wa'ebese, gidemusa taudi gwagwama hauhaudi susu nuwanuwadi, eeta susuina yaluyaluwami 'adi 'abihetena weyahina.