Loma 2:2 - Loina Nuahuana

² Ma tasanapuya 'abehega Yehoba tauna 'ana lobwaina ma topaihowa galagalaedi 'iloinaedi.

Loma 2:2 ပူးပေါင်းရင်းမြစ်များ

Paihowa 17:31

Weyahina 'ida sabwelo bwa'omatana 'abwama 'iupaeya ma mebale'u mabwaiyada 'ada loina dumwadumwaluna 'ida 'ebwaegita loheyaina 'ihesinuweya 'oinega, ma loheyaina 'amasega 'i'abihetoholo hileya ma 'oinega tomota mabwaiyada wasa bewa tada 'ahwa moisae.”

Loma 2:1

Tasigwao, sahena 'iyamiyao mumugadi weyahina wahehetalapili, weyahina 'eguma 'iyamiyao wahehetala piliyedi ma 'omi wete mumuga 'aigedaina wapaipaihowa, beno waboi tuwa wahehetala piliyegomi.

Loma 2:3

Ma 'iyagwao, 'omi hali tomota wahehetala piliyedi, 'imi nuwatuhu 'abehega nata geya Yehoba 'ina bwa'omatana walobaloba, ma hesiyage nata wete 'iloinaegomi, weyahina mumugaedi 'omi gide wete wapaipaihowadi.

Loma 2:5

Ma tuwa debami sipa'ala hedada, 'oinega 'eguma tutaina Yehoba 'ina loina dumwaluna 'i'abi hemasalaha, 'igamwasowalegomi tuwa,

Loma 9:14

Cabwa to'aha hede nata tagwaene Yehoba 'ina paihowa bewa gidemusa, galana bo geya? Geya galana!

Heꞌitaꞌita 16:5

Coinega aneloseina tauna we'aha 'ana toloina 'enana yahesagoheya, 'igwaeya, “Yehoba yo, 'owa tuta mwalo ta bewa 'oidiya 'umiyamiya, ma wete dumwaluu ma 'asi'asilalau. Cino loina bewa bwebwe'ana hedade, weyahina tomotaedi galadi,

Heꞌitaꞌita 19:2

Ma 'ina loina mabwaiyana dumwaluna ma bwebwe'ana, weyahina tohemata ganawalina 'ina ganawalega bale'u mabwaiyana 'i'abihegaleya, ta 'ana maisa 'ilobeya. Ma wete 'asaina 'oina Yehoba 'ina tomota silohe'amasidiya, 'oinega 'i'abi hegaleya.”