Loma 2:17 - Loina Nuahuana

¹⁷ Ma 'omi togidega? Waboi wa'abi'abi lagasihilegomi ma wagwaeya, “Tauma meYudiya, Yehoba 'ina loina 'i'ebwaemaiya Mosese 'oinega.”

Loma 2:17 ပူးပေါင်းရင်းမြစ်များ

Madiu 3:9

Ma sahena wanuwanuwa hane 'abehega 'omi Ebalahamo tubunao ma 'oinega Yehoba 'i'atemuyemuyegomi. Hesi geya! Ma wa'ita Yehoba sawasawahina ma dimwa bewa 'oidiyega Ebalahamo tubunao 'ipaihowadi.

Luke 10:28

Coinega Yesu 'igwaeya, “Beno gwae moisa, 'oinega gide 'uda paihowa 'ese ma yawasiu hataya 'uda loba.”

Yoni 5:39

Yehoba 'ina buki wahasihasili. Ma wanuwatuhu 'abehega bukiina 'oinega yawasimi miyamiya hatayana wada loba. Ma hesi geya wasanapu 'abehega bukiina taugu tuwa weyahigu 'ihehegwaegwae.

Yoni 5:45

“Sahena wanuwanuwatuhu 'abehega taugu nata Tamagu 'oina yahe'ewegami, loheya 'aigeda hesi tauna nata 'ihe'ewegami, tauna wanuwatuhuya 'abehega 'abwa nata 'ilemegomi, sanina Mosese.

Yoni 7:19

Ma togidega? Mosese loinaina 'i'ebwaegomiya wanuwa naideya? Ma geya 'eta taiya 'oimiyega loinaedi 'imuliya bwaibwainidi. Ma bewa watohotohogau ma 'abehega walohe'amasigau.”

Yoni 8:33

Ma taudi Yesu sihegwaeya sigwae, “Ciya, tauma hene Ebalahamo 'ina bodao, geya 'eta taiya wete 'ina loina 'oinega 'ipaimai. Ma to'aha weyahina 'ugwaeya 'abehega lihasa 'oiuwega 'aloba?”

Yoni 8:41

Comi hene waboi tamamiu 'ina paihowa 'oinega watautauya.” Coinega Yesu 'enana sihemaiseya sigwae, “Tauma geya tama budabudaima, tauma hene tamamaina 'aigeda tuwa Yehoba.”

Loma 2:23

Comi moisa wagagasa hedadeya ta wagwaeya, “Mosese 'ina loina 'oima”, ma hesi loinaina geya wada muliyeya, 'oinega tupwadi tomota Yehoba si'ahwa 'abo'aboweya.

Loma 3:27

Ma togidega, sowasowahida bewa ginaulina weyahina tagwae hanehane? Geya! Weyahina 'ida hemisa tuwa 'oinega 'i'ahwa'ahwa dumwaluwegita, ma geya loina 'ana hematamatana 'oinega.

Loma 9:32

Taudi 'idi nuwatuhu 'abehega 'idi paihowa weyahina Yehoba 'i'ahwa dumwaluwedi, ma geya sihemisa 'oina, eeta beno 'idi pui gidemusa da'ule 'oina sihetupediya.

2 Kolinita 11:22

Ceguma taudi meIbeliu, taugu gide. Ceguma taudi Isileli 'ina susuwao, taugu gide. Ceguma taudi Ebalahamo tubunao, taugu gide.

Galetiya 2:15

Taudi geya meYudiya 'asa ganamuli 'oidiya togala tuwa, ma hesi tauda meYudiya,

Epeso 2:11

Comi geya meYudiya ta 'asa ganamuli tomotainao, ma meYudiyaedi taudi natudiyao loheloheyadi 'wapidi si'upwa'upwadi, 'adi 'ila'ilala sipaipaihowa, ma sisinaligomiya, weyahina geya wahimi 'adi 'ila'ilalamo.

Heꞌitaꞌita 2:9

“Yasanapuya 'atemuyamuyaimi beno 'omi towewelohe, ma hesi wanuwatuhuyahi 'abehega 'omi ma'imi wasawasa ma wete yasanapu pwaiya 'abehega tupwadi Seitani 'ina bodao si'ahwa'ahwa galagalaegomi, ma sigwae 'abehega taudi meYudiya; ma geya. Taudi hesi tuwa Seitani 'ina bodao.

Heꞌitaꞌita 3:1

Aneloseina totapwalolowedi Salidisa 'oina 'i'ita'itayahidi, 'ina leta 'ulele meSalidisa weyahidi, ma 'ugwae: Wasa bewa 'itauyama loheyaina 'oinega, tauna loheyaina Yehoba Yaluyaluwana sebeni ma wete 'ipwala sebeni 'oina simiyamiya. Tauna bewa 'ina hepwaila 'oimiya 'igwaeya, “Cimi paihowao yasanapu pwaidiya, ta tetelimi yahesagoheya 'abehega mayawasimi wamiyamiya, ma geya, weyahina yaluyaluwami bo'i si'amasa.

Heꞌitaꞌita 3:9

“Moisa taudi Tomudulele 'ina bodao si'abowa ta sigwae 'abehega taudi meYudiya, ma geya. Cabwa yaloinaedi ma sinaoma matamiya ma si'etuluha, ma 'ane mabwaiyadi sisanapu 'abehega 'omi ya'atemuya muyaegomiya.