Loma 2:14 - Loina Nuahuana

¹⁴ Ma taudi ganamuli Mosese 'ina loina geya 'oidiya, ma tuwa siboi 'idi nuwatuhuwega sipaipaihowa to'aha bwebwe'ana, beno tuwa siboimo 'idi loina.

Loma 2:14 ပူးပေါင်းရင်းမြစ်များ

Paihowa 10:35

ma hesi hali tupwa ma hali tupwa tomoteninao 'eguma sihe'asisiye ma simumuga dumwalu, 'iyaliyaya weyahidi.

Paihowa 14:16

Yehobaina mwalo tupwa mabwaiyana tomotainao 'itagwalediya ma taudimo 'idi nuwatuhu ta 'idi mumuga sida muliyedi,

Paihowa 17:30

“Tutaina mwalo tomota Yehoba sihemwage mwageyeya, 'oinega geya 'ida gamwasowalediya, ma hesi bewa tuwa tauda tomota tupwa mabwaiyana 'oidiya 'iloinaegita ma 'ida pui 'oidiyega tanuwabui.

Loma 1:32

Ma hesi tomotaedi Yehoba 'ina loina sisanasanapu, 'abehega 'eguma taiyawedi bewa gide simumuga 'esa, 'amasamo tuwa 'ilobwainediya. Ma tuwa mumuga galaedi sipaipaihowedi, ta 'eguma 'iyadiyao wete sihe'au'aunedi beno si'ahwa bwebwe'anedi.

Loma 2:12

Ma taiyawedi Mosese 'ina loina geya sisanapu ma sipaipaihowa galagala, 'iloinaedi 'idi puiyedi weyahidi. Wete gide taudi meYudiyaedi Mosese 'ina loinaina sisanapuya, 'eguma sipuiya, 'abwa loinaina 'oinega 'iloinaedi.

Loma 2:15

Coinega 'idi paihowega tasanapu 'abehega 'atediya loina bwebwe'ana 'imiyamiya. Ma 'oinega siboidimo mumugadi sisanapuya, 'eta tuta galana, nuwana 'eta tuta bwebwe'ana.

Loma 2:27

Coinega 'omi meYudiya 'abwa tomiya ganamuli sibwa'omategomi, weyahina Mosese 'ina loinaina ta Ebalahamo 'ina 'ila'ilalaina 'wapimiya simiyamiya, ma geya loinaedi wada muliyediya, ma hesi taudi geya meYudiya bwagana Ebalahamo 'ina 'ila'ilala 'wapidiya geya 'ida miya, ma tuwa hesi loinaedi simulimuliyedi.

1 Kolinita 11:14

Mabwaiyada bale'uwa tamiyamiya, 'eguma loheya ta'ita debana dudulena, 'ana 'ita wahine gidemusa, beno 'ebe debamwadina,

1 Kolinita 9:21

Ta wete taudi Mosese 'ina loinao geya 'oidiya 'eguma ba'idagwao 'amiyamiya yamumuga 'esa taudi gidemusa ma 'abehega yalemedi. Ta hesi geya'abwa 'agu loina Keliso 'oinega yaligeligehi.

Epeso 2:12

Wanuwatuhuyahi 'abehega tutaina mwalo Keliso 'oinega wamiya wasiya, ma Isileli 'ina 'ebeloina 'oinega wamiya ganamuliya, ma ginaula bwebwe'adi Yehoba 'igwae hemisaeya Buki He'asisi 'alona geya 'eta to'aha 'omi weyahimi 'i'inana, 'oinega geya'abwa 'eta to'aha bwebwe'ana 'abwa walobaloba ma 'abehega tauna weyahina wada hemisa, geya wete 'imi Yehobamo tutaina bale'uwa wamiyamiya.

Epeso 2:3

Mwalo wete tauda gidemusa, ta wahida 'ina nuwa'ubuna tamulimuliyedi, ma to'aha tauda 'ida nuwatuhuwega tapaipaihowadi. Coinega 'ana lobwaina ma Yehoba 'igamwasowalegita, weyahina mumugada tauda galagalaina, gidemusa mebale'u mabwaiyadi.

Pilipai 4:8

Ciyagwao, bewa 'aigeda wete loguguya 'abehega wada nuwatuhu ginaula moisadi ma'adi he'asisi weyahidi, ma ginaula dumwadumwaludi weyahidi, ma ginaula 'ehaudi weyahidi, ma ginaula 'adi 'ita 'ausaladi weyahidi, ma ginaula helahelauidi weyahidi, ta 'eguma to'aha bwebwe'ana 'oidiya bo nuwana 'ebe hepwatu 'oidiya.