Loma 2:13 - Loina Nuahuana

¹³ Geya 'abehega loinaina 'ana hesagohamo 'oinega Yehoba 'i'ahwa dumwaluwegita, ma hesiyage 'ina loina 'ana paihowa 'oinega.

Loma 2:13 ပူးပေါင်းရင်းမြစ်များ

Luke 18:14

Ta Yesu wete 'oidiya 'igwaeya, “Moisa, loheyaina bewa 'ina 'ahwanoiina weyahina 'ana 'ahwabwebwe'ana 'ilobeya Yehoba 'oinega, ma hesi Palisiina geya. Weyahina 'eguma taiya tauna 'i'abilagasi nata silagusuluhe, ma 'eguma taiya tauna 'ilagusuluhe si'abilagasi.”

Luke 8:21

Coinega Yesu 'ihegwaediya, 'igwae, “Geya siboimo, ma hesi 'eguma taiyewedi Yehoba 'ina gwae sihehesagohe ma simulimuliye, beno taudi sinagwao ma tasigwao.”

Yoni 13:17

He'itaedi mabwaiyadi wasanapudiya, ma 'eguma wapaihowadi, nata 'omi 'ebe yaliyaya bwebwe'ana waloba.

Loma 10:5

Bewa gide Mosese 'igwae 'esa 'ada 'ahwadumwalu weyahina ma 'ilelediya, 'igwaeya, “Ceguma taiya loina mabwaiyana 'imuliyedi, nata yawasi bwebwe'ana 'iloba, bewa tutaina ma wete tuta 'inaonaoma 'oidiya.”

Loma 2:25

Ta moisa tuwa 'omi meYudiya Ebalahamo 'ina 'ila'ilala 'wapi'upwa* wahimiya, ma 'eguma Mosese 'ina loinaedi wamulimuliyedi, 'ila'ilalaina ginaula 'ausalana 'oimiya, ta 'eguma loinaedi geya wada muliya bwaibwainidiya, 'ila'ilalaina 'wapimiya beno 'iheginaula besobeso.

Loma 3:20

Yehoba 'ina 'ahwamoisa geya Mosese 'ina loina 'ana guibiga 'oinega tada lobeya, weyahina loina 'ina paihowa beno 'ida pui 'ihehepwailedi.

Loma 3:23

Weyahina mabwaiyada togala, ma tamiya bwagabwaga Yehoba 'ina 'asilala 'oinega.

1 Kolinita 4:4

Ta wete taugu 'igu nuwatuhu 'abehega 'igu paihowaina bwebwe'ana, ma hesi geya yasanapu bwaibwaini, nuwana bwebwe'ana bo galana, Yehobamo 'isanasanapu.

Galetiya 2:16

eeta tasanapuya 'abehega Yehoba sowasowana mabwaiyada 'i'ahwa bwebwe'anegita geya Mosese 'ina loina 'ana hematamatana 'oinega, ma hesi Yesu Keliso 'ana hemisa 'oinega. Weyahina tauda 'ida hemisa Yesu Keliso 'oina talaguya ma 'oinega Yehoba 'i'ahwa bwebwe'anegita. Ma hesi 'ida hemisa geya Mosese 'ina loina 'ana hematamatana 'oina talagulagu, weyahina Yehoba geya 'eta tomota 'i'ahwa'ahwa bwebwe'ane Mosese 'ina loina 'ana hematamatana 'oinega.

Galetiya 5:4

ma 'eguma taiya 'owa nuwanuwau ma Mosese 'ina loinao 'adi hematamatana 'oinega 'ahwa bwebwe'ana 'uloba, beno Keliso 'ina helau 'oiuwa 'uhebe'u pwaiya, eeta tauna 'u'ebesineya.

Yemesa 1:27

Ma hesi tapwalolo 'asilalana ma dumwadumwaluna Yehoba Tamada matana bewa 'abehega taudi sinasinagehenidi ma hiwahiwapedi 'idi miyamwau 'oidiyega ta'abihetedi, ta wete geya'abwa mumuga bale'uwega ta'abi'abi hebi'igita.

1 Yoni 2:29

Tauna mumugana wasanapuya mabwaiyana bwebwe'ana, eeta wasanapuya 'abehega tomota tobwebwe'ana, taudi wete Yehoba 'oinega sili'uma.

1 Yoni 3:7

Natugwao, geya'abwa he'ita 'abo'abodi wamulimuliye, ma hesi nuwami 'ida sabwalena, 'abehega 'eguma taiyawedi taudi 'idi mumuga 'ausalana, taudi beno tobwebwe'ana, gidemusa Keliso.