Loma 16:18 - Loina Nuahuana

¹⁸ Ceguma taiyawedi 'idi paihowa bewa gidemusa taudi geya 'ida Bada Yesu Keliso weyahina sida paihowa, ma beno siboi tuwa 'idi nuwatuhu si'e'epaihowadi, weyahina 'idi gwaeyao hoto hedada, ma tomota we'awe'adi si'e'e'abo'abowedi ma silisilisi hiledi.

Loma 16:18 ပူးပေါင်းရင်းမြစ်များ

Madiu 24:11

Wete palopita 'abo'abowao silatuma ma tupwami sihanugete puigomi.

Madiu 24:24

Weyahina Keliso 'abo'abodi ma palopita 'abo'abodi 'abwa silatu ma 'ila'ilala waiwaidi tomota matadiya sipaihowaidi, ma 'oidiyega 'eguma sawasawahidi Yehoba 'ina bodao hehe'asaidi wete sida 'abihe'wanidi.

Madiu 6:24

Topaihowa geya sawasawahina ma 'ihetopaihowa badao 'eluwa 'oidiya, 'aigeda 'ilogwahate ma hesi 'aigeda tuwamo weyahina 'ipaihowa, ma 'oinega 'aigeda 'i'ahwa bwebwe'ane ma 'aigeda 'i'ahwa galagala. Coinega geya sawasawahina ma Yehoba 'ina paihowa ma wasawasa bale'u ta'abiluwedi.

Madiu 7:15

Tohepwaila 'abo'abodi 'oidiyega wa'itayahigomi, weyahina tupwadi 'abwa sinaoma 'oimiya, 'adi 'ita gide sipi manamanasamidi, ma 'alodiya hesi gide tuwa 'edewa lolosasa.

Yoni 12:26

Coinega taiyawedi 'omi 'eguma nuwanuwami ma 'oiguwa wahetopaihowa, 'omi wamuliyegau. Ma to 'asa 'oina yamiyamiya, 'omi wete 'asainaina 'oina wamiyamiya. Ma taiya 'eguma wete weyahigu wahetopaihowa, nata 'omi Tamagu 'i'ahwa bwebwe'anegomi.”

Loma 14:18

Ta 'eguma mumugaedi 'oidiyega Keliso 'ina paihowa tapaipaihowa nata Yehoba weyahida 'iyaliyaya, ma tomota weteyage si'ahwa bwebwe'anegita.

Loma 16:19

Ma 'omi hesiyage tomota mabwaiyadi sisanapugomi 'abehega tetela bwebwe'ana 'ana tohematamatanao, ta weyahimi yayaliyaya madouna. Eema nuwanuwagu mumuga bwebwe'ana mabwaiyana wasanapu bwaibwainidi ta mumuga galadi walogwahatedi.

2 Kolinita 11:3

Ma hesi ya'ateyohowa weyahimi, 'amuge ma 'imi nuwatuhu si'wani ma 'imi 'atetagwala Keliso 'oina wa'ebesine, gide mwalo mwata Ibe 'i'aboweya 'ina gwae hotohoto 'oinega, ta Ibeina 'iwe'a.

2 Kolinita 2:17

Ma tauma geya gide tolohatoto 'abo'abowao, taudi 'idi wasawasa tuwa weyahina silolohatoto, ma hesi tauma ma'ama hemisa, gide Yehoba 'iloinemaiya, 'oinega tauna matana Keliso tetelina 'agwaegwaene moisa.

2 Kolinita 4:2

Mumuga galadi ta 'abo'abowedi 'alogwahata pwaidiya, ma wete sahena Yehoba 'ina gwae 'abuibui 'abehega he'ita 'abo'abo 'oinega 'ahehe'ita, ma hesi he'ita moisa 'agwaegwae latuwe, ma 'omi mabwaiyami tauma 'ima mumuga 'ausalana Yehoba matana wa'ita.

Galetiya 1:10

Togidega, tomota 'adi hepwatu weyahina yanuwanuwatuhu, bo Yehoba 'ana hepwatu? Ta 'eguma tomota 'idi nuwatuhu yapaipaihowa, geya sawasawahigu ma Keliso weyahina yahetopaihowa.

Pilipai 2:21

ma 'iyamo 'agu tolemao baibaiwadi taudimo weyahidi sinuwanuwatuhu, ta geya Yesu Keliso 'ina paihowa weyahina sida nuwanuwa.

Pilipai 3:19

Taudi nata 'abwa 'ebelosaloha 'oina sihesilae, weyahina 'idi hemisa gamwa seseha weyahina, ma nuwatuhu 'ebe debamwadinao sihehepwatuwedi, weyahina nuwatuhu bale'umo nuwanuwadi.

Kolose 2:4

Bewa yagwaegwae ma 'oinega sahena hali tomota 'idi gwae hotohotodiyega si'abo'abowegomi.

Kolose 3:24

Ma muliyetega Badaina 'oinega 'ami maisa wa'ewa, weyahina 'ida Bada Keliso weyahina tapaipaihowa.

2 Tesalonaika 2:10

Ma taudi tetela moisa 'adi tologwahatao 'idi tupwa 'asa 'ala'alatana, Yehoba 'itagwaledi ma Seitani 'ina 'e'abo'abo mabwaiyana sihemisaedi, ma taudi yatala siloba, weyahina geya nuwadi he'ita moisa, ma hesi silogwahateya,

1 Timoti 6:5

Coinega 'iyadiyao ba'idadiyao sihe'ahwa panapanawa, ma 'idi nuwatuhu galadi weyahina nata he'ita moisa geya sisanapu, ma hesi 'idi nuwatuhu 'abehega Yehoba 'ana he'asisi 'oinega 'idi wasawasa madouna sida loba bale'uwa.

Yemesa 1:1

Yauwedo 'omi Yehoba 'ina tomotaiyao susu tuwelo 'oidiyega wamiya lelewana 'asa baibaiwadi 'oidiya. Bewa 'imi leta yaleleyawa, taugu Yehoba ma Bada Yesu Keliso 'idi topaihowa, sanigu Yemesa.

2 Pita 2:3

Ma togalaedi tobwatobwa nuwadi 'i'eweya, 'oinega 'idi gwae hotohotowega 'abwa si'abowegomi ma 'imi tobwatobwa si'ewadi. Mwalo hene 'adi maisa Yehoba 'ilaguya eema 'iyamwayamwa namo, ma geya 'ida buiya.

Yude 1:1

Taugu Yude, Yesu Keliso 'ina topaihowa, Yemesa tauna tasigu. Bewa 'imi leta yaleleyawa, 'omi Tamadai Yehoba 'ana hesihesinuwao, weyahina 'ihelauwegomiya ma Yesu Keliso 'i'ita'ita yahigomi.

Yude 1:12

Ceguma tapwalolo 'oina helau 'e'ahaina wapaipaihowa ma 'eguma togalaidi siluguwa, 'e'ahaiina si'abihegala, weyahina si'ai hedahedada ma geya sida deba mwadina. Nuwanuwadi taudimo siyaliyaya, 'adi 'ita gide yaloha dubana yaumai 'ipeineya ma geya dohi. Wete 'adi 'ita gide 'aiwe, 'ina sauga huwa ma geya huwainamo, 'oinega sigoha yahule ma 'i'amasa moisa.

Yude 1:16

Tomotaedi tolomugi ma tosinala, ma taudi 'adi lotohona 'oinega sitautauya. Wete togwaehanehane, ma 'eguma 'iyadiyao 'oidiya sigwae helau, beno tobwatobwa weyahina.

Heꞌitaꞌita 1:1

Buki bewa 'oina Yesu Keliso 'ina he'ita tetelina. Yehoba 'i'ebwaeya ma 'abehega Yesu 'ihe'itae 'ina topaihowao 'oidiya, ma sisanapu to'aha nata 'ilatu. He'itaina bewa Yesu Keliso 'ina anelose 'ihetuneya, ma 'abehega Yoni 'oina 'ihepwaila.