Loma 15:8 - Loina Nuahuana

⁸ Ma wanuwatuhuyahi 'abehega Keliso wete meYudiya 'oidiya 'ihetopaihowa, 'abehega Yehoba 'ina gwae hemisaedi babada nugenugetadi 'oidiya 'igwaeneya, 'adi moisa 'ida latu,

Loma 15:8 ပူးပေါင်းရင်းမြစ်များ

Madiu 15:24

Ma Yesu 'igwaeya, “Taugu yanaoma sipi 'wani'wanidi Isilelimo 'ina 'ebeloina 'alona weyahidi.”

Madiu 20:28

Wete gide taugu Loheyaiguina yasuluma bale'uwa, geya 'abehega tomota weyahigu sipaihowa, ma hesi sabi paihowa tomota weyahidi, ma wete yatagwalegauwa ma ya'amasa tomota mabwaiyami 'ami lihasa weyahina.”

Yoni 1:11

Ma saugaina wete 'iboi 'inaoma 'ina bodao 'oidiya, ma wete taudi silogwahateya.

Yoni 10:16

Cigu sipi tupwadi wete simiyamiya taudi tuta bewa 'oina geya 'igu 'ali 'alona simiyamiya. Ma hesi yatohotoho ma sipidiyedi yatoedima, ma 'oinega 'enagu sihesagohe ma 'oiguwa sinaoma ma'iyadiyao siheboda 'aigeda, ma wete 'aneyage 'adi to'itayahina 'aigeda tuwa.

Paihowa 13:46

Ta Paulo ma Banaba ma'idi 'atepatu sigwae latuwa meYudiyaedi 'oidiya sigwaeya, “Cilobwaineya ma Yehoba 'ina gwae 'ahepwaila nugete 'oimiya, ma bewa tuwa walogwahateya, nuwana 'omi waboi waloinaegomi 'abehega geya sowasowahimi ma yawasimi hataya waloba, 'oinega 'alogwahategomiya, ma tomiya ganamuli 'oidiya 'aloguguya, taudi geya meYudiya 'oidiya.

Loma 11:22

He'ita bewama ta'iteya Yehoba 'ina helau ta 'ina loina pa'ala, weyahina tobe'u 'oidiya 'ina loina pa'alina 'ilagulagu, ma hesi 'omi 'ihelauwegomiya, ma 'eguma 'ina helauina walogwahate, 'omi wete 'ilasa yahulegomi.

Loma 11:30

Ma 'omi geya meYudiya hesiyage mwalo geya Yehoba wada muliyeya, ma bewa tutaina Yehoba 'ina 'atemuyamuya walobeya, weyahina meYudiyaedi Yehoba siguipaileya.

Loma 15:16

ta 'abehega Yesu Keliso weyahina yahetohalewasa 'omi tomiya ganamuli 'oimiya. Cigu paihowa Yehoba 'oina gide pwaoli, ma 'oinega Yesu wasana wahesagohe, 'abwa muliyetega ya'ebwayaegomi Yehoba 'oina, weyahina Yaluyaluwa Tabuna 'ideuligomiya, ta weyahimi Yehoba 'iyaliyaya madouna.

Loma 3:26

Eeta tuta bewa 'ina mumuga bwebwe'ana 'ihe'itegita 'abehega tauna todumwalu, weyahina Yesu 'ana tohemisao tauda 'i'ahwa bwebwe'anegita.

Loma 3:3

Ma togidega, 'eguma tupwadi Yehoba siguipaileya, wanuwatuhuya 'abehega Yehoba wete nata 'iguipailegita, bo geya?

Loma 4:16

Bewa 'oinega tasanapu 'abehega hemisa tuwa 'oinega gwae hemisaina 'ana bwebwe'ana 'abwa taloba. Ma bewa Yehobaina 'ina helau tuwa ma geya 'abehega 'ida paihowa 'ana maisa. Ta gwaehemisaina Ebalahamo tubunao mabwaiyada talobeya, geya 'abehega loina 'ana toguibigao siboidimo, ma weteyage taiyewedi 'idi hemisa gide Ebalahamo 'ina hemisa ee taloba. Ebalahamoina tauna gide mabwaiyada tamadai.

1 Kolinita 1:12

Eeta tupwami wagwae, “Tauma Paulo 'ina boda.” Ma tupwami wagwae, “Tauma Apolosa 'ina boda.” Ma tupwami wagwae, “Tauma Pita 'ina boda.” Ma tupwami wagwae, “Tauma Keliso 'ina boda.”

1 Kolinita 10:19

Moisa, 'e'ahaiyedi taudi tomiya ganamuli si'ebwa'ebwaya hali 'ebe hemisao 'oidiya, ma wete 'idi 'ebe hemisaowedi, nuwana 'aiwe bo dimwa, tuwa ginaula besobeso, ma geya 'idi waiwaimo.

1 Kolinita 10:29

geya 'uboi 'ino matautega, weyahina 'owa geya Tomudulele 'uda matauteya, ma hesi tohepwailaina 'ina matautega. Ta tomota tupwana sigwaeya, “Sahena 'agu loina walagulagu taudi towe'a 'idi nuwatuhu weyahina,

1 Kolinita 15:50

Ciyagwao wanuwatuhuyahi 'abehega wahida bale'uwa 'imwahumwahulu gesowana 'iluhu galewa, weyahina wahi bale'uwa mwahuluna, ta wahi galewa geya 'ida mwahuluwa.

2 Kolinita 1:20

Weyahina Yehoba 'ina gwae hemisa mabwaiyadi talobaloba Yesu 'iboimo 'oinega. Coinega Yesuina saninega tatagwalegita, ma Yehoba tahepwatuwe.

Epeso 2:12

Wanuwatuhuyahi 'abehega tutaina mwalo Keliso 'oinega wamiya wasiya, ma Isileli 'ina 'ebeloina 'oinega wamiya ganamuliya, ma ginaula bwebwe'adi Yehoba 'igwae hemisaeya Buki He'asisi 'alona geya 'eta to'aha 'omi weyahimi 'i'inana, 'oinega geya'abwa 'eta to'aha bwebwe'ana 'abwa walobaloba ma 'abehega tauna weyahina wada hemisa, geya wete 'imi Yehobamo tutaina bale'uwa wamiyamiya.