Loma 15:5 - Loina Nuahuana

⁵ Coinega tanuwatuhuyahi 'abehega Yehoba 'iboi to'alama'i'ita ma to'abihepa'ala, 'oinega tauna sawasawahina 'i'abihe pa'aligita, ma 'ida nuwatuhu talo'aigede gide Yesu Keliso 'ina nuwatuhu.

Loma 15:5 ပူးပေါင်းရင်းမြစ်များ

Paihowa 4:32

Bodaedi Yesu sihemisaeya, ta 'idi nuwatuhu mabwaiyana mahemahetena, ma geya sida 'enuwaha, ma hesi 'idi tobwatobwa mabwaiyadi sitagwalediya boda mabwaiyadi 'idi paihowa weyahidi.

Loma 12:16

eema 'ane waboi wahelau hilegomi. Ma sahena wanuwanuwa hanehane, nuwana watohotoho ma wahetoloina, ma hesi taudi geya sanidimo wa'ahwa 'iya'iyaguwedi.

Loma 15:13

Ta Yehoba 'iboinamo ma'ana hemisa, weyahina 'iboi tuwa 'oinega lema bwebwe'adi talobaloba, 'oinega nuwanuwagu ma ma'imi yaliyaya wahemisa eema 'ane 'imi miyamiya sibwebwe'ana, ma wete Yehoba Yaluyaluwanega 'i'abihe waiwaiyegomi, ma 'imi hemisaina 'ihemadou bwaibwaina.

Loma 15:3

Weyahina Keliso wete gide geya 'iboinamo weyahina 'inuwatuhu, ma hesi 'ana mwauwedi Yehoba 'ina Buki 'oina 'ihepwailediya 'igwaeya, “Tomotaiyedi si'ahwa'ahwa galegalegowa, beno taugu 'oiguwa gwaeina si'ina'inana.”

1 Kolinita 1:10

Tasigwao, bewa 'igu lohatoto 'oimiya 'ida Bada Yesu Keliso saninega ma 'abehega wanuwatuhu hegogona ma wagwae hegogona, ma hesi sahena wahehe'ohe'ohe nuwana wawatawatahigomi.

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.

2 Kolinita 7:6

Ma Yehoba, tauna tonuwagala 'adi to'abiheyaliyaya, tauma 'i'abihe yaliyayemaiya ginaula 'eluwa 'oidiyega, beno Taito 'ina tauyama 'oinega,

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

Pilipai 1:27

Ta hesi wa'itayahigomi ma 'ane 'imi paihowao 'oidiyega tomota Keliso tetelina si'ahwa bwebwe'ane, eema 'eguma yahabo'enegomi, bo nuwana 'eguma yamiya hila, tuwa wasami bwebwe'ana yahesagohe 'abehega ma'imi 'atetagwala watoholo pa'ala, ta ma'imi nuwatuhu mahemahetena eema 'oinega wahetahetapewa wasa bwebwe'ana 'ana hemisa weyahina,

Pilipai 2:2

Ceguma gidemusa, 'ilobwainegomiya ma wanuwatuhu mahemahetena ma wahelau hilegomi 'omi, yaluyaluwami ma 'atemi 'idi he'aigeda 'oinega, ta 'imi helauina weyahina, 'ane yayaliyaya moisa.

Pilipai 3:16

Ma 'iyamo 'ilobwainegita ma ginaulaedi talobediya ta'abimomosidi.

Pilipai 4:2

Comi wahiwahine sanimi Yu'odiya ma Sinitiki ya'ahwa'ahwanoi 'oimiya ma wada 'ahwa 'iya'iyagu hila, 'ida Badaina nuwanuwana gidemusa.

1 Pita 3:20

Yaluyaluwaedi tomota yaluyaluwadi, taudi mwalohene Nowa 'ina tuta Yehoba weyahidi 'ihe'alama'i'itana ma 'abehega 'oina sihemisa, ta geya. Coinega mabwaiyadi yagewa 'oinega sidamana, ma tupwadimo bwasiyega 'i'abihetediya, beno nima 'aigeda ma 'etoi, 'i'abihetedi wagaina Nowa 'i'abiya 'oinega.

1 Pita 3:8

Bewa 'igu gwae 'ana 'ebelosaloha 'oimiya 'abehega 'imi nuwatuhuwega ma 'ami lotohonega wahe'aigeda ma wahelau hilegomi, ma ma'imi nuwadobi wa'atemuya muyaegomi.

2 Pita 3:15

Ma wanuwatuhuyahi 'abehega 'ida Bada 'ina he'alama'i'ita huhuna 'abehega nuwanuwana ma 'ada 'abihetena taloba. Paulo 'iyadaina moisa, ma nuwatuhu bewa weyahina Pauloina 'oimiya 'ilele pwaiya ma'ina sanapu Yehoba 'oinega 'ilobeya.

2 Pita 3:9

Tupwana tomota 'idi nuwatuhu 'abehega Yehoba geya'abwa 'ipaipaihowadi ginaulaedi mwalo 'igwae hemisaedi. Ma 'omi geya'abwa wanuwanuwatuhu 'eguma Yehoba 'ina paihowa 'oina gide 'iheheboi, ma hesi tauna ma'ina 'alama'i'ita 'iyamweyamwegomi ma mabwaiyami wanuwabui, ma genuwana 'aigeda taiya 'ihehe'waihi mahemahetena.