Loma 15:19 - Loina Nuahuana

¹⁹ Ma wete 'igu paihowaedi waiwaidi ma 'ebenuwa henainaida si'itediya, weyahina Yehoba Yaluyaluwana 'ina waiwaiyega Keliso wasana yaloguguya sakowasiyeya Yelusalemega ta 'ana siga Ililikomi.

Loma 15:19 ပူးပေါင်းရင်းမြစ်များ

Madiu 12:28

“Ma taugu hesi Yehoba Yaluyaluwana 'ina waiwaiyega hi'ahi'a yaula latuwediya, 'oinega wasanapu 'abehega Yehoba 'ina loina 'ilatu pwaima 'oimiya.

Yoni 4:48

Coinega Yesu toloinaina 'ihegwae hileya, “Geya 'eta taiya 'ida hemisaegauwa, beno tuwa 'eguma 'igu paihowa waiwaidi ya'abi latuhedi wa'itadi ee 'abwa wahemisaegau.”

Paihowa 1:8

Ma 'omi hesi 'abwa Yaluyaluwa Tabuna 'inaowa 'oimiya ma 'i'abihe waiwaiyegomi, ma taugu weyahigu wahetohepwaila Yelusalema 'oina, ma Yudiya ma Sameliya gogonao mabwaiyadi 'oidiya, ta wete gogo gabulena mabwaiyana 'oidiya.”

Paihowa 13:14

Ma hesi Paulo ma'ina bodao Peliga si'ebesineya ma hali Anitioki 'oina silatuwa, beno tupwa Pisidiya 'alona. Eema sabwelo Sabati 'oina siluhuwa meYudiya 'idi hada tapwalolo 'oina, simiyatoiya.

Paihowa 13:51

Ma 'i'iuna ma 'asaina si'ebesine, 'ahedi nenegwalina silohutuhutu yahuleya 'idi tupwa, beno 'ebe'ita toni 'asaedi 'oidiya, ta muliyetega sitauya Ikoniyami.

Paihowa 14:10

Coinega Paulo 'enana madouna 'oinega 'ibwau naowa 'oina 'igwaeya, “Cutoholo.” Ma tolopegoiina 'itoholo mwayamwayauwa ma 'iyawala.

Paihowa 14:20

Ta muliyetega Yesu 'ana tomuliyao sitauyama, ma Paulo sitoholo sakowasiyeya, ma Pauloina 'itoholo ta 'iluhuhila 'asai. Ta gona 'i'adaleya, ma Banaba ba'idana sitauya Dabi.

Paihowa 14:25

ta 'asa Peliya 'oina siloguguya, 'oinega sidobiya Atalaya,

Paihowa 14:6

Ma hesiyage wasana sihesagoheya, ma sidena sitauya Lakeoni gogonao 'oidiya, beno Lisitila ma Dabi 'oidiya.

Paihowa 15:12

Ta mabwaiyadi simiya henonowa, ma Banaba ma Paulo sihe'ote'otetela hedehededeyao ma 'ebe henainaidao Yehoba 'ipaihowediya tupwa ganamuli 'oidiya siteluwaedi 'idi paihowega, beno taudi geya meYudiya 'oidiya.

Paihowa 16:18

Gumalaulauina bewa gidemusa 'iwuiwui sabwelo baibaiwana 'oidiya, 'oinega Paulo wahina 'ilo'wata'wata, ma 'i'itehinowa, ma yaluyaluwaina 'ihegwaeya, 'igwae, “Yesu Keliso saninega yaloinego ma gumalaulau beno 'oinega 'ulatu.” Ma nage 'oina 'ihapwesa.

Paihowa 17:10

Ma hinuwana tohekalesiyao Paulo ma Sailasa sihewasaedi ma sida tauya Beliya, 'oinega sitauya, ma tutaina silatuwa Beliya siluhuwa meYudiya 'idi hada tapwalolo 'oina, ta Yesu wasana sihe'ita.

Paihowa 17:15

Ta tupwana tohekalesiyao Paulo si'wayabuya ta sitauya Ateni, ma 'oinega Paulo loina 'i'ebwaedi ta 'abehega Sailasa ma Timoti silomwamwayauma Ateni 'oina, ta to'wayabuwedi sihila Beliya.

Paihowa 18:1

Muliyetega Paulo Ateni 'i'ebesineya ta 'inaowa Kolinita 'oina,

Paihowa 18:19

Cidi 'adauina 'oina nugeta siluhuwa Epeso, ma Akuila mamwanena sisuluwa simiyamiya, ta Paulo wete 'isuluwa, 'iluhuwa meYudiya 'idi hada tapwalolo 'oina, ma 'itohotoho ma 'abehega 'ilisidima ma Keliso 'oina sihemisa, ta mahetenao sihegwaegwae.

Paihowa 19:1

Apolosa 'abwama Kolinita 'oina 'imiyamiya, ma Paulo 'isakowasiya tupwa pwatula 'oidiya, ma Epeso gadowa 'oina 'ilatuma. Epeso nage 'oina, Yesu 'ana tomuliyao tupwadi 'ilobediya,

Paihowa 20:20

ta hesi geya 'aigeda to'aha 'ida Bada tetelina bwebwe'ana 'ana hepwaila yanuwahi, ma hesi mabwaiyami yahe'itegomiya 'imi tapwalolo 'oidiya, ta wete 'imi hada 'aigeda 'aigeda 'oidiya,

Paihowa 20:6

Ta tauma Pilipai 'oina 'amiyamiya 'ana siga pwalawa daisinamo 'ana guyai 'apaihowa. Cigumwala ta tauma wete 'ageluwa, ma sabwelo nima 'ai'aigeda 'a'ada'adau, ma 'asohota Tilowasi, ma 'iyamayaowedi 'alobediya, ta sabwelo sebeni wete 'amiyamiya.

Loma 15:13

Ta Yehoba 'iboinamo ma'ana hemisa, weyahina 'iboi tuwa 'oinega lema bwebwe'adi talobaloba, 'oinega nuwanuwagu ma ma'imi yaliyaya wahemisa eema 'ane 'imi miyamiya sibwebwe'ana, ma wete Yehoba Yaluyaluwanega 'i'abihe waiwaiyegomi, ma 'imi hemisaina 'ihemadou bwaibwaina.

Loma 15:16

ta 'abehega Yesu Keliso weyahina yahetohalewasa 'omi tomiya ganamuli 'oimiya. Cigu paihowa Yehoba 'oina gide pwaoli, ma 'oinega Yesu wasana wahesagohe, 'abwa muliyetega ya'ebwayaegomi Yehoba 'oina, weyahina Yaluyaluwa Tabuna 'ideuligomiya, ta weyahimi Yehoba 'iyaliyaya madouna.

Loma 15:24

ee 'oinega bewa tutaina nuwana yabo'ene nugetegomi ma tupwana tayaliyaya toyawa, ee 'abwa wahegelugau ma yatauya Sipeini.

1 Kolinita 2:4

Ma wete 'igu guguya 'oimiya geya gwae waiwaidi nuwana sanapu 'oidiyega, ta hesi Yaluyaluwa Tabuna 'ina waiwaiyega.

2 Kolinita 12:12

Cila'ilalaedi matamiya ma'igu he'alama'i'ita yapaihowediya, beno ginaula 'ebehenainaida ma paihowa waiwaidi, ma 'oidiyega wada sanapugau 'abehega taugu Keliso 'ana tohepwaila moisa.

Galetiya 3:5

Caigeda wete hesilala: Yehoba tauna Yaluyaluwa Tabuna 'i'ebwa'ebwaya 'oimiya ta 'ina waiwaiyega 'imi paihowa waiwaidi wapaipaihowadi. Togidega 'ina 'ebwayaedi 'oimiya Mosese 'ina loinao 'adi paihowa 'oinega bo Keliso tetelina 'ana hemisa 'oinega?

Kolose 1:25

Eeta tohekalesiyao 'omi weyahimi taugu wete Yehoba 'ina loinega yahetopaihowa, ma 'oinega Yehoba 'ina gwae yahehepwaila latuhe.

1 Tesalonaika 1:5

Coinega tutaina tetela bwebwe'ana ya'ebwaegomiya, geya 'abehega gwae namo, ma hesi Yaluyaluwa Tabuna gwaeina 'i'abihe pa'aliya 'oimiya, ma 'ane gwaeina wa'ahwa moisae, ta tauma wete 'ima paihowa weyahimi wa'iteya, beno paihowa dumwaluna.

2 Timoti 4:17

Ta 'igu yatalaina 'oina Yehoba 'i'abihetegauwa ta waiwai 'i'ebwaegauwa, ma tetelina mabwaiyana yahepwaileya tomiya ganamuli baibaiwadi 'oidiya, ma Yehoba 'ina 'abihetena 'oinega geya laiyoni 'oidiya siulegau.

Ibeliu 2:4

Ma Yehoba wete 'ihe'ita 'abehega gwaeina gwae moisa, beno 'ila'ilala ma hedehedede ma paihowa waiwaidi 'oidiyega, ta wete Yaluyaluwa Tabuna 'ina heguyai 'oida 'oinega. Ma 'ina 'eheleyedi Yehoba 'ina nuwatuhu gide, ta Yaluyaluwa Tabuna ginaulaedi 'oida 'iheguyaiyediya.

1 Pita 1:12

Ma Yehoba palopitaowedi 'ihe'itediya 'abehega gwae hemisaedi sihepwaila nugetediya geya taudi siboi weyahidi ma 'omi hesi weyahimi, ma nuwatuhuwedi mwalo weyahidi sigwae pwaiya bewa wahesagohediya wasa bwebwe'ana 'ana tohepwailao 'oidiyega, beno Yaluyaluwa Tabuna galewega 'ina waiwaiyega. Ma nuwatuhuwedi sihegwaegomiya, aneloseyao galewa nuwanuwadi ma taudi wete sida sanapu, ma hesi geya si'ita.