Loma 15:16 - Loina Nuahuana

¹⁶ ta 'abehega Yesu Keliso weyahina yahetohalewasa 'omi tomiya ganamuli 'oimiya. Cigu paihowa Yehoba 'oina gide pwaoli, ma 'oinega Yesu wasana wahesagohe, 'abwa muliyetega ya'ebwayaegomi Yehoba 'oina, weyahina Yaluyaluwa Tabuna 'ideuligomiya, ta weyahimi Yehoba 'iyaliyaya madouna.

Loma 15:16 ပူးပေါင်းရင်းမြစ်များ

Paihowa 13:2

Taudi sitapwatapwalolo ma'idi hudi Yehoba 'oina, ta Yaluyaluwa Tabuna 'ihegwaediya, 'igwae, “Nuwanuwagu Banaba ma Saulo 'igu paihowa 'aigeda weyahina, 'oinega 'omi watagwaledi paihowaina 'oina.”

Paihowa 20:24

“Ta geya hene yawasigu weyahina yanuwanuwatuhu ma yanuwahi. Beno tuwa 'igu 'eda nuwana 'igu paihowaina Bada Yesu 'i'ebwaegauwa weyahina yanuwanuwatuhu ta 'abehega yalosalohi, beno 'ada helau Yehoba 'oinega 'ana hepwaila.

Paihowa 20:32

“Wete yahenuwa lagugomi tuta sinaonaoma weyahidi, 'abehega Yehoba tauna 'i'ita yahigomi, ma wete tauna 'ina helau tetelina 'i'abihe pa'aligomi, ma 'oinega 'ina bodao, taudi 'i'abihe 'ehaudiya 'oidiya, 'omi wete waluhu.

Paihowa 22:21

“Ta Badaina 'ihegwaegauwa, 'Bewa 'oinega 'ulatu, ma nata yahewasaego ma 'utauya gogo bwaga 'asa ganamuli, taudi geya meYudiya 'oidiya.’”

Paihowa 9:15

Ma Badaina 'ihegwaeya, “Tuwa, ma 'utauya 'oina. Weyahina Sauloina yahesinuwa pwaiya ma teteligu 'ihepwaile tomiya ganamuli 'oidiya, ma toloinao madoudi matadiya ma meIsileli wete 'oidiya.

Loma 1:1

Taugu Paulo, Yesu Keliso weyahina yahetopaihowa. Yehoba 'ihesinuwegauwa 'abehega tetelina bwebwe'ana weyahina yahetohepwaila.

Loma 11:13

Cigu hegwaegwae bewa 'omi tomiya ganamuli weyahimi. Taugu Yesu Keliso 'ana tohepwaila mabwaiyami 'oimiya, eeta 'igu paihowaina weyahina yagwae hane,

Loma 15:18

Coinega taugu yaboigumo 'igu paihowa weyahidi tuta bewa yahehepwailedi 'oimiya, ta geya hali tomota 'idi paihowa weyahidi. Ma yahepwaila dumwalu 'oimiya, beno 'igu loguguya tomiya ganamuli sihesagohediya eeta sihematamatanaediya, weyahina Yesu Keliso 'ina waiwai 'oiguwa 'imiyamiya.

Loma 15:19

Ma wete 'igu paihowaedi waiwaidi ma 'ebenuwa henainaida si'itediya, weyahina Yehoba Yaluyaluwana 'ina waiwaiyega Keliso wasana yaloguguya sakowasiyeya Yelusalemega ta 'ana siga Ililikomi.

Loma 15:20

Nuwanuwagu tupwa 'ehaudimo 'oidiya yaloguguya nugeta, 'asaedi taudi geya Keliso wasana sihesagohe, weyahina geya nuwagu hali tologuguyao 'idi paihowa yaloheposeyane.

Loma 15:29

Ma yasanapuya 'abwa 'igu habo'enaina 'oimiya bwebwe'ana weyahina Keliso 'ina helau madouna 'oiguwa 'imiyamiya, eeta 'abwa tayaliyaya mahemahetena.

Loma 5:5

Nuwatuhuyahina bewa geya 'ida 'abihenuwa galegita, weyahina Yehoba Yaluyaluwana 'itagwaleya 'oida. Yaluyaluwanaina 'ina helau madou hedadena 'oinega 'ateda 'ilohemahediya.

1 Kolinita 3:5

Togidega taugu ma Apolosa weyahima wahehe'ohe'ohe? Tauma topaihowa tuwa, 'ida Bada weyahina. Cida Badaina 'ima paihowa 'i'ebwaemaiya hagadi ma hagadi 'apaipaihowadi, ma 'oinega 'omi Keliso wahemisaeya.

1 Kolinita 4:1

Sowasowana ma wasanapumai 'abehega tauma Keliso 'ina topaihowao, weyahina tetelaina Yehoba 'oinega mwalo dahwadahwaina ma bewa tuwa 'ahehepwaile 'oimiya.

1 Kolinita 6:19

Coinega wanuwatuhuyahi 'abehega wahida Yaluyaluwa Tabuna 'ina hada, weyahina Yaluyaluwa Tabuina Yehoba 'oinega 'itauyama ma 'aloda 'imiyamiya, ma geya'abwa taudamo taloiloinegita, ma hesi Yehoba 'ida loinegita.

2 Kolinita 11:23

Ceguma taudi Keliso 'ina hewahewaliyao bwebwe'adi, taugu 'ina hewali bwebwe'ana hedade. Cigu gwae bewa gide yauyauleigu. Cigu guibiga 'oinega yanugeta sinediya, 'igu luhu deliya baibaiwa hedade, 'agu sapiyao wete baibaiwana ta tuta mabwaiyana 'oidiyega 'abehega tuwa nata ya'amasa.

2 Kolinita 5:20

Tauma Keliso 'ana tohepwailao ta Yehoba 'oimega 'ilolohatoto 'oimiya, ma Keliso weyahina 'a'ahwanoiyegomi ma Yehoba 'oina wahe'iya'iyagu hila.

2 Kolinita 8:5

Tauma 'ima nuwatuhu ma sihelau, ma'iyamo 'idi 'ehele madou hedade, weyahina Bada 'oina sitagwala nugetediya, 'oinega wete sitagwalediya tauma 'oima, gide Yehoba 'ina nuwatuhu.

Galetiya 3:5

Caigeda wete hesilala: Yehoba tauna Yaluyaluwa Tabuna 'i'ebwa'ebwaya 'oimiya ta 'ina waiwaiyega 'imi paihowa waiwaidi wapaipaihowadi. Togidega 'ina 'ebwayaedi 'oimiya Mosese 'ina loinao 'adi paihowa 'oinega bo Keliso tetelina 'ana hemisa 'oinega?

Epeso 2:18

Eeta tauna 'oinega, 'omi ma tauma Yaluyaluwa 'aigeda 'oinega 'itoegita Tamada 'oina.

Epeso 2:22

ma wete 'omi geya meYudiya gide wahe yowayowana, ta 'oimiyega hadaina 'i'abi'abi, ma 'abehega hadaina 'oina Yehoba Yaluyaluwana 'ilo'asa.

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

Pilipai 2:17

Wete 'eguma 'agu 'alehao 'i'iunamo silohe'amasigau, gide sipwaoliyegau, tuwa yayaliyaya, ma 'omi wete wada yaliyaya. Mwalo tutaina Yesu wahemiseya 'ana 'ita gidemusa wapwaopwaoli Yehoba 'oina, ma 'eguma ya'amasa, 'igu 'amasaina 'omi 'imi pwaoliyedi 'iloheposeyanedi.

Pilipai 4:18

Ma 'imi 'eheleina Epapilodito 'itauyeyama, mabwaiyana yalobeya 'imaha tasitasiwa, gide 'ane 'imi pwaoli bwebwe'ana Yehoba 'oina, wagabu pwaiya eeta mahaina bwebwe'ana Yehoba 'inisoya, ta weyahina 'iyaliyaya.

1 Tesalonaika 2:2

Wanuwatuhuyahi wete mePilipai mwalo simumuga geyogeyoiyemaiya ta si'abihedeba mwadinemaiya, ma tuwa Yehoba tauna 'i'abihe'ate patuwemaiya ma tetelina bwebwe'ana 'ahepwaileya 'oimiya, bwagana tomota silolo'alehemai, ma 'alologuguya 'oimiya,

1 Tesalonaika 2:9

Ciyamayao, wanuwatuhuya mwalo 'ima paihowa 'oimiya, sabwelo ma nihuwana 'oidiya 'apaipaihowa sinabwana, ta 'oinega taumamo 'ahehe'aimai, ma wete Yehoba tetelina 'ahehepwaila 'oimiya, weyahina geya nuwama 'ami mwau 'alagu 'ama 'itayahina weyahina.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

1 Timoti 1:11

He'ita dumwalunaina Yehoba 'oinega, tauna 'iboi 'asilala ma yaliyaya huhuna, ma 'igu paihowa 'i'ebwaegauwa wasana yaguguyae tomota 'oidiya.

1 Timoti 2:7

Coinega 'igu paihowa 'i'ebwaegauwa ma wasaina bewa yahehepwaili ma yaguguguyae ma yahehe'ita taudi tomiya ganamuli 'oidiya, ma 'ane sanapu moisa Yehoba 'oina sihemisae. Bewa gwae moisa, geya 'abo.

2 Timoti 1:11

Ma Yehoba 'igu paihowa 'i'ebwaegauwa ma 'ane tetelina bwebwe'ana yahehepwaila ma yahehe'ita taudi 'asa ganamuli 'oidiya.

Ibeliu 13:16

Caigeda pwaoli wete Yehoba nuwanuwana madouna, beno helau tomota weyahidi ma'ida 'atemuyamuya.

1 Pita 1:12

Ma Yehoba palopitaowedi 'ihe'itediya 'abehega gwae hemisaedi sihepwaila nugetediya geya taudi siboi weyahidi ma 'omi hesi weyahimi, ma nuwatuhuwedi mwalo weyahidi sigwae pwaiya bewa wahesagohediya wasa bwebwe'ana 'ana tohepwailao 'oidiyega, beno Yaluyaluwa Tabuna galewega 'ina waiwaiyega. Ma nuwatuhuwedi sihegwaegomiya, aneloseyao galewa nuwanuwadi ma taudi wete sida sanapu, ma hesi geya si'ita.

1 Pita 2:5

Coinega 'omi wete gide yowayowana mayawasina, yaluyaluwami watagwaledi, ma 'oimiyega Yehoba 'ina Hada 'ida 'abi, ma nage 'oina wahetopwaoli 'ehaumi, ma Yesu Keliso 'ilemegomi ma yaluyaluwamiyega wahetopwaoli bwebwe'ana Yehoba 'oina.