Loma 14:19 - Loina Nuahuana

¹⁹ Eeta tatoho ma tamiya daumwala eema 'ane tahe'abi 'abihetena mahetedao.

Loma 14:19 ပူးပေါင်းရင်းမြစ်များ

Madiu 5:9

Comi to'abi henuwadaumwala wayaliyaya, weyahina Yehoba 'i'ahwa natunegomi.

Maki 9:50

Hola ginaula bwebwe'ana, ma 'eguma 'ana 'amna 'igumwala geya sawasawahina ma 'i'amna hila. Coinega 'ilobwainegomiya ma mumugami waboi walotoho, 'ana lotohona gidemusa wahehelau hilegomi.”

Loma 12:18

Eema wete watoho waiwai ma mumuga bwebwe'ana 'oinega tomota mabwaiyadi mahetemiyao wamiya daumwala.

Loma 15:2

Eeta 'aigeda 'aigeda sawasawahina 'iyadao ta'abihetedi ma 'ane 'idi hemisa 'ihewaiwai.

1 Kolinita 10:23

Ginaula mabwaiyadi sawasawahida ma tapaihowadi, ma tupwana ginaula nata geya si'abi 'abihetegita.

1 Kolinita 10:33

Gidemusa taugu yatohotoho ma 'abehega sahena taugu 'igu nuwatuhuwega yapaipaihowa, ma hesi to'aha tomota 'idi nuwatuhu gide tuwa yapaihowa 'esa, ma siyaliyaya, ta 'oinega 'adi lema siloba Yehoba 'oinega.

1 Kolinita 14:26

Ciyagwao, 'eguma tapwalolo weyahina waluhuluhu, 'aigeda tomota wali 'i'ahala lagasi, 'aigeda 'ihe'ita, 'aigeda lotohona hauhauna 'ihepwaila hapwese; ma 'aigeda hali 'enana 'oinega 'igwae, ma 'aigeda gwaeina 'igibui, eeta paihowaedi 'oidiyega boda silemedi.

1 Kolinita 14:3

Ta 'eguma tapalopisai tomota 'oidiya, eema 'ida gwaeyega sinuwa sabwalena, beno 'adi lema, ma 'ane 'atepatu ta yaliyaya siloba.

1 Kolinita 14:4

Ta 'eguma taiya hali 'enana 'oinega 'ihegwaegwae, beno 'iboinamo tuwa 'i'abi'abihete hila, ma hesi 'eguma palopitaedi sigwae hekalesiyao 'enadiyega beno mabwaiyadi 'adi lema.

1 Kolinita 14:5

Taugu nuwanuwagu ma mabwaiyami hali 'enana 'oidiyega wagwaegwae. Ta wete nuwanuwagu madouna ma wapalopisai Yehoba 'ina nuwatuhu, weyahina palopitao 'idi paihowa ginaula madouna. Ta gwae hali 'enanao 'oidiyega geya ginaula madouna, ma hesi 'eguma 'aigeda tobui 'imiyamiya, ma gwaeyedi tauna 'igibuidi, beno ginaula bwebwe'ana tohekalesiyao 'adi lema weyahina.

1 Kolinita 7:15

Ta 'eguma taiya 'owa mwaneu geya Yehoba 'oina 'ihemisa ma nuwanuwana ma 'isa'ilego, 'u'abisine ta sahena 'unuwanuwahi. Weyahina Yehoba nuwanuwana wamiya daumwala, ta genuwana he'ohe'ohe.

1 Kolinita 8:1

Caigeda wete hesilala 'igu leta 'oina wahepwaila pwaiya, beno pwaoliyedi nuwana 'e'ahaiyedi tomota si'ebwa'ebwaya 'idi 'ebe hemisa da'ule bo 'aiwe 'oidiya. Ginaulaedi 'idi 'abo wasanasanapu, ma hesi sahena wanuwanuwahane 'imi sanapuina 'oina, ma 'ilobwainegomiya ma 'iyadao mabwaiyadi 'atemiyega wahelauwedi, weyahina helau ginaula madouna, ma sanapu hesi geya ginaula madouna.

2 Kolinita 12:19

Ciyagwao, sahena wanuwanuwatuhu 'abehega 'igu gwae bewa 'oidiyega ya'ahwa bwebwe'anegau matamiya. Geya, ma hesi mabwaiyana Yehoba matana Keliso 'ina gwae yagwaegwaeneyawa sabi 'abihe waiwaiyegomi.

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.

Epeso 4:12

Ma mabwaiyada 'ida paihowa 'aigeda 'aigeda beno tohekalesiyao 'adi lema ma sihewaiwai, beno Keliso wahina 'ina sinasinabwa weyahina,

Epeso 4:29

Sahena wete 'eta gwae galana wa'ina'inana, ma hesi gwae bwebwe'anamo tomota 'adi lema weyahina, to'aha tuta 'aigeda 'aigeda 'ana lobwaina weyahina wahegwaegwae, ma 'oinega taiyawedi taudi sihesagohegomi, 'imi gwaeyega nata lema siloba.

1 Timoti 1:4

Ma wete sahena sigwaegwae ma mwalo babadaedi sanidi si'ina'inanadi.” Nata gide he'ahwa panapanawa 'ilatu 'oimiya weyahina he'ote'otetela balaina, sahena tomota si'abihetedi, ma gesowana 'idi hemisa Yehoba 'oina si'abi'abi.

2 Timoti 2:22

Coinega hewahewali 'idi henuhenuwa 'ulogwahatedi ma mumuga dumwaluna ta hemisa ta helau ta miya daumwala 'umuliyedi, taudi Yesu si'ahwa badaeya ma'ate 'ehaudi ba'idamwao.

Ibeliu 12:14

Watoho waiwai ma wamiya daumwala tomota ba'idamiyao, ta wete watoho ma 'imi mumuga 'ibwebwe'ana mabwaiyana, weyahina 'eguma taiya geya 'ina mumuga bwebwe'ana geya'abwa Bada 'i'ita'ita.

1 Pita 3:11

Wete paihowa galadi 'ilogwahatedi ma 'ipaihowa bwebwe'ana hali tomota 'oidiya, ma wete 'ihetapewa waiwai nuwadaumwala weyahina.