Loma 14:18 - Loina Nuahuana

¹⁸ Ta 'eguma mumugaedi 'oidiyega Keliso 'ina paihowa tapaipaihowa nata Yehoba weyahida 'iyaliyaya, ma tomota weteyage si'ahwa bwebwe'anegita.

Loma 14:18 ပူးပေါင်းရင်းမြစ်များ

Maki 13:34

Cebe'ita wete Yesu 'i'ebwaediya 'igwae, “Ceguma 'aigeda bada 'abehega 'ina hada 'abwa 'ipilisine ma 'itautau hali tupwa, 'ina topaihowa 'aigeda 'aigeda 'idi paihowa 'iheguyaidi, ma 'iloinedi ma 'abehega 'ina hada si'itayahi, ma wete hada 'ana 'ahwa'eda 'ana to'itayahina 'ihegwae, 'igwae, ‘Geya'abwa 'u'eno'eno, ma hesi 'ulomatayahi bwaibwaini.’

Yoni 12:26

Coinega taiyawedi 'omi 'eguma nuwanuwami ma 'oiguwa wahetopaihowa, 'omi wamuliyegau. Ma to 'asa 'oina yamiyamiya, 'omi wete 'asainaina 'oina wamiyamiya. Ma taiya 'eguma wete weyahigu wahetopaihowa, nata 'omi Tamagu 'i'ahwa bwebwe'anegomi.”

Paihowa 10:35

ma hesi hali tupwa ma hali tupwa tomoteninao 'eguma sihe'asisiye ma simumuga dumwalu, 'iyaliyaya weyahidi.

Loma 12:11

ma Yehoba 'ina paihowa 'oina sahena walologuipaila, ma hesi ma'imi 'atetagwala wapaihowa.

Loma 14:4

ma wete tauna 'ina topaihowao, eeta tauna tuwa 'adi to'itayahina, ma 'owa geya. Coinega 'eguma 'i'ahwa bwebwe'anedi bo 'i'ahwa galagalaedi 'iboi 'ina 'ebeloina, weyahina tauna sawasawahina 'i'abihe waiwaiyedi ma geya sowana siwe'awe'a.

Loma 16:18

Ceguma taiyawedi 'idi paihowa bewa gidemusa taudi geya 'ida Bada Yesu Keliso weyahina sida paihowa, ma beno siboi tuwa 'idi nuwatuhu si'e'epaihowadi, weyahina 'idi gwaeyao hoto hedada, ma tomota we'awe'adi si'e'e'abo'abowedi ma silisilisi hiledi.

Loma 6:22

Eeta bewa tutaina pui 'ina loina 'oimiyega 'igumwala, ta 'omi bewa tutaina Yehoba 'ina topaihowao. Coinega maisa bwebwe'ana walobeya, beno mumuga bwebwe'ana ma muliyetega yawasimi miyamiya hatayana.

1 Kolinita 7:22

Moisa, topaihowa bale'uwa 'eguma Keliso 'oina sihemihemisa, Yehoba sawasawahina 'idi puiyao 'oidiyega 'ilihasidi, ta wete loheya madoudi 'eguma Keliso 'oina sihemisa, sihe'ali'e tauna weyahina.

2 Kolinita 4:2

Mumuga galadi ta 'abo'abowedi 'alogwahata pwaidiya, ma wete sahena Yehoba 'ina gwae 'abuibui 'abehega he'ita 'abo'abo 'oinega 'ahehe'ita, ma hesi he'ita moisa 'agwaegwae latuwe, ma 'omi mabwaiyami tauma 'ima mumuga 'ausalana Yehoba matana wa'ita.

2 Kolinita 5:11

Bewa weyahina tauna Badaina 'amatauteya ta tomota 'oidiya 'alohatotowa. Yehoba 'ima mumuga 'isanasanapu ma yanuwatuhu yahiya 'omi wete wasanasanapumai 'abehega bwebwe'ama.

2 Kolinita 5:9

Ma 'eguma wahida tamiyamiya bo nuwana 'eguma ta'amasa, 'ida 'ebemasi tuwa to'aha Badaina nuwanuwana.

2 Kolinita 6:4

ma hesi 'ima paihowao mabwaiyana bwebwe'ana 'ahe'itaeya 'abehega Yehoba 'ina topaihowao bwebwe'ama. Cima paihowa bewa: 'alama'i'ita madouna, muyamuya, miyamwau, hesilae,

2 Kolinita 8:21

Ma hesi nuwanuwama tuta baibaiwana 'oidiya 'ada paihowa dumwalu Yehoba matana, ma wete tomota matadiya.

Pilipai 4:18

Ma 'imi 'eheleina Epapilodito 'itauyeyama, mabwaiyana yalobeya 'imaha tasitasiwa, gide 'ane 'imi pwaoli bwebwe'ana Yehoba 'oina, wagabu pwaiya eeta mahaina bwebwe'ana Yehoba 'inisoya, ta weyahina 'iyaliyaya.

Pilipai 4:8

Ciyagwao, bewa 'aigeda wete loguguya 'abehega wada nuwatuhu ginaula moisadi ma'adi he'asisi weyahidi, ma ginaula dumwadumwaludi weyahidi, ma ginaula 'ehaudi weyahidi, ma ginaula 'adi 'ita 'ausaladi weyahidi, ma ginaula helahelauidi weyahidi, ta 'eguma to'aha bwebwe'ana 'oidiya bo nuwana 'ebe hepwatu 'oidiya.

Kolose 3:24

Ma muliyetega Badaina 'oinega 'ami maisa wa'ewa, weyahina 'ida Bada Keliso weyahina tapaipaihowa.

1 Timoti 2:3

Cada to'abihetenaina Yehoba nuwanuwana bewa gide ta'ahwanoi 'esa,

1 Timoti 5:4

Ma 'eguma natudiyao nana tubudiyao simiyamiya, beno taudi 'ilobwainediya ma si'itayahidi, ma 'ane mwalo masedesedediya 'adi 'itayahina sihemaise. Lemaedi bewa gide Yehoba 'ina 'ebe yaliyaya.

1 Pita 2:12

Ma wamumuga bwebwe'ana taudi geya meYudiya 'oidiya. Weyahina bewa tuwa 'abwa si'ahwa'ahwa galagalaegomi, ma tuta muliyetega 'imi paihowa bwebwe'ana si'ita, ma 'oinega tutaina Yehoba 'ilatuma Yehobaina sihepwatuwe.

1 Pita 2:20

Ma wanuwatuhuyahi 'abehega 'eguma 'ida paihowa galana 'oinega sigihemuyegita ma ta'alama'i'ita, beno geya ginaula madouna. Ma hesi 'eguma 'ida paihowa bwebwe'ana 'oinega sigihemuyegita, ma ta'alama'i'itana, Yehoba weyahida 'iyaliyaya.

1 Pita 2:5

Coinega 'omi wete gide yowayowana mayawasina, yaluyaluwami watagwaledi, ma 'oimiyega Yehoba 'ina Hada 'ida 'abi, ma nage 'oina wahetopwaoli 'ehaumi, ma Yesu Keliso 'ilemegomi ma yaluyaluwamiyega wahetopwaoli bwebwe'ana Yehoba 'oina.

1 Pita 3:16

Ma to'aha wanuwatuhuya bwebwe'ana, tuta mabwaiyana gidemusa wapaipaihowa 'esa, 'oinega 'eguma taiyawedi si'ahwa galaegomi weyahina 'abehega 'omi Keliso 'ana tomuliyao, 'abwa sideba mwadina, 'eguma 'imi mumuga bwebwe'ana wahe'itedi.