Loma 14:13 - Loina Nuahuana

¹³ Coinega sahena 'iyadao ta'ahwa'ahwa galagalaedi, ma hesiyage taboi mumugada ma 'ida paihowa ta'itayahi, ma 'ane gesowana 'iyadai 'aigeda ta'abi'abi hewe'a 'ina 'etala he'asisi weyahina.

Loma 14:13 ပူးပေါင်းရင်းမြစ်များ

Madiu 16:23

Ma Yesu 'itehinowa, ta Pita 'oina 'igwae, “Cowa Seitani, bewa tuwa 'u'ebesinegau! Sahena 'u'au'ausigau! Cino nuwatuhu tomota 'idi nuwatuhu, ma geya Yehoba 'ina nuwatuhu gide.”

Madiu 18:7

“Comi mebale'u 'atemuyamuyaimi 'iya, weyahina 'ebe be'u baibaiwadi simiyamiya. Moisa tuwa, 'ilobwaineya ma 'ebe be'uwao bale'uwa simiyamiya, ma hesi 'eguma loheya 'itoho ma 'iyanao 'i'abihebe'udi, 'abwa loheyaina 'ihesilae moisa.

Madiu 7:1

Sahena tomota wa'ahwa'ahwa galagaladi 'amuge wete Yehoba 'i'ahwa galagalaegomi.

Luke 12:57

“Ma to'aha lamuna ta geya wahesinuwa bwaibwaina ma 'eda dumwalunega watauya?

Luke 17:2

Ma 'eguma taiya to'abi hebe'uina, 'ilobwaineya ma da'ule madouna silosipwa 'ani'ona ma ni'u dubaduba siulasuluhe, ma 'oinega sahena gwagwama sihehe'au'aunaowe.

Loma 11:9

Ma Debida wete gide 'ina hepwaila 'igwaeya, “Sawasawahina 'idi guyai 'oidiyega 'adi loina siloba, ma gide si'wa 'oidiyega sisi'wediya, ma wete gide sa'e 'oidiya sibe'uwa.

Loma 14:10

Coinega wanuwatuhuyahi ma sahena wagwaegwae hesinuwa bo tasimiyao walolomugiyedi, weyahina tuta 'inaonaoma 'abwa mabwaiyada Yehoba matana tatoholo ma 'iloinaegita,

Loma 14:3

Sahena taudi to'e'uibai sisinasinala to'etala he'asisiyedi 'oidiya, eema to'etala he'asisiyedi wete, sahena to'e'uibaiyedi si'ahwa'ahwa galagalaedi, weyahina Yehoba 'ihesinuwediya 'abehega tauna natunao,

Loma 14:4

ma wete tauna 'ina topaihowao, eeta tauna tuwa 'adi to'itayahina, ma 'owa geya. Coinega 'eguma 'i'ahwa bwebwe'anedi bo 'i'ahwa galagalaedi 'iboi 'ina 'ebeloina, weyahina tauna sawasawahina 'i'abihe waiwaiyedi ma geya sowana siwe'awe'a.

Loma 16:17

Tasigwao bewa 'igu 'ahwanoi madouna 'oimiya, beno wa'itayahigomi towatahao 'oidiyega, weyahina he'itaedi wa'ewediya taudi 'adi wahi'wata, 'oinega ta si'ahwa'ahwa galegale ma weteyage tomota 'idi hemisa si'abi'abi hewe'adi.

1 Kolinita 10:32

Sahena hali tomota wa'abi'abi henuwagaladi, nuwana meYudiya, bo tomiya ganamuli, bo nuwana Yehoba 'ina tohekalesiyao.

1 Kolinita 11:13

Wanuwatuhuyahi, 'eguma wahine debadaisinamo 'i'ahwa'ahwanoi Yehoba 'oina, togidega 'ana 'ita bwebwe'ana bo galana? Galana 'awa?

2 Kolinita 5:14

Keliso 'ina helauwega 'agwaegwae, weyahina tauna tuwa 'ama toloina. Moisa tuwa, tauna mabwaiyada weyahida 'i'amasa, 'oinega mabwaiyada gide to'amasao.

2 Kolinita 6:3

Cabihetena bewa tomota mabwaiyadi weyahidi, genuwama ma 'aigeda taiya 'ilolomugiyemai 'ima paihowao weyahidi. Geya 'aigeda wete 'ebe'etoboda 'alagulagu,

Pilipai 1:10

ee 'oinega nuwatuhu bwebwe'adi wahesinuwanedi, ma 'ane Keliso 'ina sabwelo 'abwa 'oina mumugami bwebwe'ana ma 'ehauna,

1 Timoti 5:14

Coinega yanuwatuhuya hiwahiwapeyedi taudi geya sihe'ai'aihale moisa sawasawahina ma sihai hila, ma sihenatuna ma si'ita'ita yahidi natudiyao ma wete 'idi hadao, ma 'ane sahena 'ada sahiyao si'ahwa'ahwa galagalaegita hiwahiwapeyedi mumugadi weyahina.

Yemesa 2:4

ta 'eguma 'imi hesinuwa bewa gidemusa, 'ana 'ita geya bwebwe'ana, weyahina nuwatuhuina geya dumwaluna.

Yemesa 4:11

Tasigwao, sahena tasimiyao wa'ahwa galaedi, weyahina 'eguma taiya tauna tasina 'i'ahwagalae, nuwana 'iloinae, tauna geya Yehoba 'ina loina 'imuliye, ta hesi loinaina 'i'ahwa galaeya.

1 Yoni 2:10

Ma wete 'eguma taiya 'owa 'iyamwao 'uhehelauwedi, 'owa 'asilala 'oina 'umiyamiya, 'oinega geya'abwa 'ube'ube'u.

Heꞌitaꞌita 2:14

“Eema mumugami tupwana weyahina geya yayaliyaya, weyahina tupwami Balami 'ina he'itao wamulimuliyedi. Ta 'ina he'itaowedi mwalo Balaki 'imuliyediya, ta meIsileli mumuga galana 'ihe'itediya, beno dimwa sihemisaeya, ta 'ana si'ebwaeya, ta to'eheleyedi 'e'ahaiina si'aiya, ta wete silogwaliya.