Loma 14:1 - Loina Nuahuana

¹ Tupwadi tomota 'idi hemisa we'ana, sawasawahina tatagwala ma 'ida boda 'oina siluhuma ma tahe'iya'iyagu, ma hesi sahena mahetedao tahe'ohe'ohe.

Loma 14:1 ပူးပေါင်းရင်းမြစ်များ

Madiu 12:20

Digona lasalasana sahena 'ilologwahate. Ma wete wodam butabutana sahena 'iuleule, ta 'ana siga tauna 'oinega loina dumwaluna 'ihewaiwai,

Madiu 14:31

Ma Yesu 'ilomwayamwayauwa ma Pita 'i'abiyahiya, ta 'igwae, “Tohemisa 'i'iuu, to'aha weyahina 'uhenuwanaluwa?”

Madiu 18:10

“Gwagwama bewa gide sahena 'aigeda 'oidiyega walososomane.

Maki 7:19

weyahina geya 'ateda 'iluhu, ma hesi gamwadamo 'oina 'iluhuwa ma muliyetega 'ilatu mohomoho 'oina.” (Yesu 'ina he'ita bewa 'ana sanapu 'abehega geya 'eta wete 'e'ahai hehe'asisina, ma hesi mabwaiyana ta'ai.)

Luke 17:2

Ma 'eguma taiya to'abi hebe'uina, 'ilobwaineya ma da'ule madouna silosipwa 'ani'ona ma ni'u dubaduba siulasuluhe, ma 'oinega sahena gwagwama sihehe'au'aunaowe.

Yoni 13:20

Moisa tuwa, 'abwa yahewasaegomi tomota 'oidiya, ma 'eguma taiya 'itagwala 'oimiya, beno tauna 'itagwala pwaiya 'oiguwa, ma wete 'itagwala 'agu tohewasaina 'oina.”

Paihowa 28:2

Ma bwanabwanaedi sihelauwemaiya madouna, ta 'aiwe siholeya, ma mabwaiyama sibwauwemaiya ta 'amwaimwailu, weyahina 'i'wesu'wesu ma gogai wete.

Loma 11:15

Ma Yehoba meYudiya 'iguipailediya ma 'abehega 'omi tomiya ganamuli 'i'ahwa 'iya'iyaguwegomi, eeta tolahisa 'eguma meYudiyaedi si'auta hilama, beno 'ausala hedade, ma 'ana 'ita nata gide 'abwa taudi 'amasega sitoholo hila.

Loma 14:2

He'ohe'oheina gide 'eguma tupwami wagwae, “Ce'ahai mabwaiyadi sawasawahina ta'aidi.” Ma tupwami 'imi hemisa we'awe'ana wagwae, “Cuibai ta'etala he'asisiye, sahena ta'ai'ai.”

Loma 14:21

Coinega bewa tutaina 'ilobwainegita ma ginaulaedi 'iyadaowedi sihehe'asisiyanediya, beno 'uibai bo nuwana bwasi waiwaina, sahena ta'abi'abi tohodi, 'amuge 'iyadaowedi tagihegaladi.

Loma 14:3

Sahena taudi to'e'uibai sisinasinala to'etala he'asisiyedi 'oidiya, eema to'etala he'asisiyedi wete, sahena to'e'uibaiyedi si'ahwa'ahwa galagalaedi, weyahina Yehoba 'ihesinuwediya 'abehega tauna natunao,

Loma 15:1

Taiyawedi tauda 'ida hemisa waiwaina sawasawahina ma 'iyadao taudi 'idi hemisa we'awe'ana ta'abihetedi. Gesowana taboidamo weyahida tanuwanuwatuhu.

Loma 15:7

Coinega 'iyamiyao wabwauwedi 'imi he'iya'iyagu 'oidiya, gide Yesu Keliso tauda 'i'ahwa 'iya'iyaguwegita, ma 'ane Yehoba 'ana hepwatu 'ihemadou.

Loma 4:19

Ebalahamo 'i'iunamo ma 'ana bolime handeledi 'iloba, ta wahina mabwaiyana si'elowe'a, ta 'ihetautaubada seheya, ma mwanenaina Sela wetenuge wahine 'aga'agalina, ma Ebalahamo bewa geya weyahidi 'ida nuwatuhuwa, ma 'ina hemisa beno 'ina 'ebetuhila madouna.

1 Kolinita 9:22

Ma wete 'eguma taudi 'idi hemisa we'awe'ana ba'idagwao 'amiyamiya, yamumuga 'esa taudi gidemusa ma 'abehega ya'abihetedi. Coinega tomota mabwaiyadi ba'idagwao weyahidi yatoho waiwai ma yamanasamwedi, ma 'oinega tupwadi 'oidiyega 'abihetena siloba Keliso 'oinega.

Pilipai 2:29

Eeta 'eguma to tuta 'ilatuwa 'oimiya, Bada saninega wabwauwe ma'imi yaliyaya 'oina. Ta tupwadi Bada 'ina topaihowao, 'eguma sitauyawa 'oimiya, wahe'asisiyanedi gidemusa Epapiloditoina.

1 Tesalonaika 5:14

Ma 'iyamayao, sowasowana wete tolowahi'watao walohatotodi, wete to'ateyoho wa'abihe 'atepatuwedi, ma wete towe'a wa'abihetedi, bewa ginaulaedi 'alama'i'itega wapaipaihowadi.

Ibeliu 5:14

Ta 'eguma taiyawedi 'idi sanapu 'imatuwa, taudi gide 'e'ahai pa'alina 'ana to'aiyao, weyahina nuwadi 'isabwalena pwaiya, ta sawasawahidi sihesinuwa to'aha 'ausalana ma to'aha galana.

2 Yoni 1:10

Ceguma taiya 'oimiya 'inaowa ma 'ina he'ita hagana, geya'abwa wabwaubwauwe 'imi hada, ma geya'abwa waloloyauwedowe,