Loma 12:8 - Loina Nuahuana

⁸ Eema 'eguma taiya tuta baibaiwana 'iyanao 'i'abi'abi hewaiwaiyedi, ee 'ipaihowa gidemusa. Ma taiya wete tuta baibaiwana 'i'ehe'ehele, beno ma'ina 'atetagwala 'i'ehele. Ma 'eguma taiya 'ihetohanugeta, 'ida paihowa bwaibwaina. Ma 'eguma taiya ma'ina 'atemuyamuya, ee 'iyanao 'i'abi'abihetedi ma'ina yaliyaya.

Loma 12:8 ပူးပေါင်းရင်းမြစ်များ

Madiu 25:40

“Coinega yagwae 'oidiya, ma yagwae, ‘Moisa, 'eguma taiya 'owa 'iyagwao 'i'iudi 'aigeda 'oidiyega 'u'abihete, beno taugu wete 'u'abihetegau.’

Paihowa 11:23

Ta tutaina Banaba 'itauyama Anitioki 'oina, Yehoba 'ina helau tohekalesiyaowedi 'oidiya 'i'iteya ma 'iyaliyaya madouna, ta 'ilohatotodiya ma gesowana sihehenuwanaluwa, ma hesi sida toholo pa'ala ma'idi hemisa 'idi Bada 'oina.

Paihowa 13:12

Ta toloinaina Sagiu Paulosi 'i'iteya Paulo 'ina paihowaina, ma Bada tetelina weyahina nuwana 'ihenainaida, 'oinega 'ihemiseya.

Paihowa 13:15

Ma tohanugetao Mosese 'ina loina 'ana hasila, ma palopitao 'idi gwae 'ana hasila sihasilidiya, ta tohanugetaowedi 'aigeda loheya sihewasaeya Paulo ma Banaba 'oidiya ma 'abehega 'ihemataluwedi, 'igwaeya, “Ceguma guguya bo he'ita 'oimiya beno wahepwaila tomota 'oidiya.”

Paihowa 15:32

Ta Yudasa ma Sailasa taudi wete palopitao, ta 'idi guguya baibaiwana 'oidiyega tohekalesiyao si'abihe waiwaiyediya.

Paihowa 20:2

Ma Masidoniya tupwainao 'oidiya 'isakowasiya, 'iloguguya tohekalesiyao 'oidiya, 'i'abihe pa'alidiya, ta muliyetega tupwa Gilisi 'oina 'ihapwesa,

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

Paihowa 4:36

Towasawasa 'aigeda 'oidiyega, sanina Yosepa, ma sanina hauhauna tohepwailaowedi si'ebwaeya Banaba, beno 'ana sanapu “To'abihe 'atepatu,” tauna gwama Saipilosi, ma Libai 'ina susu 'aigeda,

Loma 12:13

Ma 'eguma tasimiyao 'eta to'aha mwau 'ilatu 'oidiya, beno 'imi tobwatobwega wa'abihetedi, ma wete wabwauwedi 'imi hada.

Loma 13:6

Sawasawahina wete 'ida takesi ta'ebwaedi, weyahina taudi Yehoba 'ihesinuwediya ta 'ina paihowa sipaipaihowa.

1 Kolinita 12:28

weyahina 'ida paihowao hekalesiya 'alona hagana ma hagana. Yehoba 'iheguyaiyediya 'oida, nugeta tauma Keliso 'ana tohepwailao, ta muliyetega palopitao taudi Yehoba 'ina nuwatuhuwao sihehepwaile nugete, muliyetega tohe'itao, ma ginaula 'ebe henainaida 'adi topaihowao, ma to'abi hebwebwe'ana, ma to'abihetenao, ma tohanugetao, ta taudi hali 'enana 'adi tohegwaegwaeyao.

1 Kolinita 14:3

Ta 'eguma tapalopisai tomota 'oidiya, eema 'ida gwaeyega sinuwa sabwalena, beno 'adi lema, ma 'ane 'atepatu ta yaliyaya siloba.

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

2 Kolinita 11:3

Ma hesi ya'ateyohowa weyahimi, 'amuge ma 'imi nuwatuhu si'wani ma 'imi 'atetagwala Keliso 'oina wa'ebesine, gide mwalo mwata Ibe 'i'aboweya 'ina gwae hotohoto 'oinega, ta Ibeina 'iwe'a.

2 Kolinita 8:12

Sahena wagwaegwae ma wagwae, “Geya 'eta ginaula 'oima ma 'oinega 'ahelau.” Hesi tuwa wahetapewa ma to'aha 'oimiya 'imiyamiya 'oidiyega wahelau, ma Yehoba wa'abihe yaliyaya.

2 Kolinita 9:11

ma 'imi wasawasa 'oinega sowasowahimi tobwatobwa madouna waheguyaiyedi, ma wete 'imi helauina tauma 'abwa 'a'ehele tohewewelohe 'oidiya, ta 'oinega taudi siloyauwedo madouna Yehoba 'oina.

2 Kolinita 9:13

Ma toweweloheyedi sida yaliyaya 'adi lema weyahina, ma hali boda wete 'adi lema 'ausaladi 'oimiyega weyahina, ma 'imi hematamatana Keliso wasana 'oina weyahina sida 'ahwa moisa, ma wete Yehoba sida hepwatuwe,

2 Kolinita 9:7

Coinega 'omi 'aigeda 'aigeda tauna 'ina nuwatuhu 'oinega 'i'ehele, geya 'abehega lohesuhesumanega nuwana he'i'imega, ma hesi 'atetagwalega, ta bewa Yehoba 'ina 'ebe yaliyaya.

Epeso 6:5

Comi topaihowao 'imi badao bale'uwa wahe'asisiyanedi, ma 'idi gwae wahematamatanedi, gidemusa Keliso 'ina gwae wahematamatane 'eseya, ma geya'abwa wete wahehenuwanaluwa.

Kolose 3:22

Comi topaihowao wete 'imi babadao bale'uwa 'idi gwae wahematamatanedi nuwatuhu mabwaiyadi weyahidi. Ma sahena sigwaegwae yahigomi 'abwa wapaihowa ma'imi hohobiga, ma 'oinega 'abehega wa'abi heyaliyayadi. Ma hesi sauga baibaiwana ma'imi tagwala Yehoba 'ana he'asisiyega.

1 Tesalonaika 2:3

sahena 'abowega, wete sahena gwae galana 'oinega, ma hesi gwae moisa 'oinega.

1 Tesalonaika 2:8

Ma nuwama wa'eweya, 'oinega ma'ima tagwala 'oimiya Yehoba tetelina 'ahepwaileya, ma wete taumamo 'atagwalemaiya, ma 'ahe'iya'iyagu bwaibwainigomiya.

1 Timoti 4:13

Ma wete tapwalolo 'alona Buki Tabu 'uhasili, ma 'uguguya, ma 'uhe'ita 'ana siga yatauyawa.

1 Timoti 5:17

Ma 'ami tohanugetaowedi 'eguma silema bwaibwainigomi, 'omi wa'ita'itayahi bwaibwainidi, beno 'idi guguya ma 'idi he'ita maisana bwebwe'ana wa'ebwaedi.

1 Timoti 6:18

Ma wete wasawasaedi 'uhemataluwedi ma paihowa bwebwe'adi ta helau ta 'ebwaya 'oidiyega sihewasawasa moisa.

Ibeliu 10:25

Tupwadi 'iyadao tapwalolo 'ana 'eto'autao sinuwanaideya, ta sahena gide 'omi, ma hesi tuta mabwaiyana wa'abihe pa'aligomi, ma 'eguma to tuta wasanapuya 'abehega Yesu 'ina tuta hilama 'ihahoho nata wahe'abi 'abihetena hilegomi moisa.

Ibeliu 13:17

Cimi tohanugetao 'oidiya wahematamatana ma watagwalegomi 'idi loinao 'oidiya, weyahina yaluyaluwami si'ita'ita yahidi, ma 'oinega tuta 'inaonaoma 'oina 'imi mumuga weyahina sihepwaila Yehoba 'oina. Coinega 'ilobwainegomiya watoho ma wasami weyahina ma'idi yaliyaya Yehoba 'oina sihepwailegomi, ma hesi sahena ma'idi mwadina, 'amuge ma loina mwauna waloba.

Ibeliu 13:22

Ciyagwao, 'imi leta bewa to'uto'upana tuwa, ma ya'ahwanoi 'oimiya ta ma'imi 'alama'i'ita 'igu lohatoto bewa wada hesagohe.

Ibeliu 13:24

Cima helau yahewaseyawa 'ami tohanugetao ma tohekalesiyao mabwaiyami 'oimiya. Ma meItali wete 'idi helau sihesumaneyawa 'oimiya.

Ibeliu 13:7

Cami tohanugetao wanuwatuhu yahidi, weyahina mwalo Yehoba 'ina gwae si'ebwaegomiya, ta wete wanuwatuhuyahi 'idi hemisa huwaina 'abehega bwebwe'ana silobeya, eeta wahe'au'aunawedi.