Loma 12:6 - Loina Nuahuana

⁶ Tauda 'aigeda 'aigeda sanapu ma waiwai Yehoba 'iheguyaigita, eeta tupwadi 'adi heguheguyai hagana 'iyadiyao 'oidiyega. Weyahina 'eguma taiya ma'ina hemisa, ma Yehoba 'ina nuwatuhu 'igwaehapwese, beno tuwa 'ana lobwaina ma gidemusa 'ipaihowa 'ese.

Loma 12:6 ပူးပေါင်းရင်းမြစ်များ

Madiu 23:34

Coinega palopitao ma tosanapuwao ma loina 'ana tohe'itao yahesumanediwa ma nata tupwadi walohe'amasidi, nuwana kelose 'oina watutu hepa'inedi, ma tupwadi 'imi hada tapwalolo 'oidiya balaeyega wahunudi, ma 'asa 'aigeda 'aigeda 'oidiyega wapa'idi.

Madiu 25:22

“Muliyetega loheya heluwena ma'ina tu handeledi kina 'ilatuma, ta 'ana loheposeyana tu handeledi kina wete 'i'ewedima, ma 'igwaeya, ‘Bada, tu handeledi kina 'u'ebwaegauwa ta 'ana loheposeyana tu handeledi kina wete yalobeya, ta bewa.’

Luke 11:49

Ginaulaedi weyahidi Yehoba 'ina sanapu 'ilaguya, 'igwae, ‘Cabwa tupwadi palopitao ma 'igu tohepwailao yahesumanediwa, ma tupwadi walohe'amasidi ma tupwadi nata wapa'idi.’

Paihowa 13:1

Casa Anitioki 'oina, tohekalesiyao 'idi palopitao ma tohe'itao bewa: Banaba ma Saimoni (tauna sibwauweya Dubaduba) ma Lusiyasi (tauna gwama Sailini) ma Manaeni (tauna kini Helodi 'ana yaso 'aigeda) ta wete Saulo.

Paihowa 15:32

Ta Yudasa ma Sailasa taudi wete palopitao, ta 'idi guguya baibaiwana 'oidiyega tohekalesiyao si'abihe waiwaiyediya.

Paihowa 2:17

'Yehoba 'ina hepwaila bewa gidemusa 'igwae: Cabwa sauga 'ana 'ebelosaloha 'oina, Yaluyaluwagu yalosiwa tomota mabwaiyadi 'oidiya, ma natumiyao loheyadi nuwana natumiyao wahinedi siloguguya, ta 'imi hewahewaliyao si'eno mata'ita'ita, ta 'imi babadao sinihi.

Paihowa 21:9

Ma Pilipi natunao site hata mewahinedi, ta geya sihai, ma 'idi paihowa gide palopita ma Yehoba 'ina nuwatuhu sihepwaila nugeta tomota 'oidiya.

Loma 1:11

Weyahina nuwanuwagu ya'itegomi ma ya'abihetegomi eema Yaluyaluwa Tabuna 'ina 'ebwaya 'oinega wahewaiwai.

Loma 12:3

Camo'isamo tuwa Yehoba 'oinega 'atemuyamuya yalobeya, ma sawasawahigu wete yaloguguya 'oimiya eema sahena wanuwanuwa hane, ma hesi ma'imi sanapu wanuwatuhu bwaibwaina, weyahina Yehoba 'ina heguheguyai 'oida 'ida hemisa talobediya,

1 Kolinita 12:18

ta Yehoba bewa gide 'inuwatuhuya ta yahu baibaiwadi 'idi paihowa 'i'ebwaediya.

1 Kolinita 13:2

Ta wete 'eguma taugu Yehoba 'ina palopita, ta ma'igu sanapu ma sawasawahigu yahepwaila ginaula dahwadahwanidi, ma 'eguma yahemisa moisa Yehoba 'oina ma 'oinega yagwae 'oya 'oidiya, sawasawahina sitau hali tupwa, ta 'eguma geya helau 'ateguwa, taugu tuwa loheya bwagabwaga.

1 Kolinita 14:1

Coinega 'ilobwainegita ma tatoho waiwai ma tahelau moisa, ma wete tatoho waiwai ma Yehoba Yaluyaluwana 'ina heguyai 'oida talobadi, ma hesi heguheguyai 'aigeda bwebwe'ana hedada, beno palopisai Yehoba 'ina nuwatuhu sowasowana tahepwaila nugete.

1 Kolinita 14:24

Ta 'eguma mabwaiyada Yehoba 'ina nuwatuhu tapalopisai ma tupwadi taudi geya Yesu 'ana tohemisao siluhuma, ma taudi 'enadiyega sihesagoha, nata sinuwabui ma si'ahwa moisa.

1 Kolinita 14:29

Ta wete palopitao 'eluwa nuwana 'etoi sida gwae ma 'oinega mabwaiyami 'idi gwaeyedi wada hesagohedi ta weyahidi wanuwatuhu ma wahesinuwa.

1 Kolinita 3:5

Togidega taugu ma Apolosa weyahima wahehe'ohe'ohe? Tauma topaihowa tuwa, 'ida Bada weyahina. Cida Badaina 'ima paihowa 'i'ebwaemaiya hagadi ma hagadi 'apaipaihowadi, ma 'oinega 'omi Keliso wahemisaeya.

1 Kolinita 7:7

weyahina nuwanuwagu 'abehega geya'abwa wahaihai, gidemusa taugu geya yahai, ma hesi mabwaiyada 'ada loina hagana ma hagana Yehoba 'i'ebwae pwaigita, ma tupwama 'amiyamiya wewelohe ma'ima yaliyaya, ta tupwami wahaiya.

2 Kolinita 8:12

Sahena wagwaegwae ma wagwae, “Geya 'eta ginaula 'oima ma 'oinega 'ahelau.” Hesi tuwa wahetapewa ma to'aha 'oimiya 'imiyamiya 'oidiyega wahelau, ma Yehoba wa'abihe yaliyaya.

Epeso 3:5

Ma sanapuina tomota nugenugetadi geya sisanapu, eeta bewa tuwa Yaluyaluwa Tabuna 'igihelatuheya 'ina tohepwailao hesihesinuwadi ma palopitao 'oidiya,

Epeso 4:11

Ta 'ina heguheguyai bewa gidemusa, 'abehega tomota tupwadi sihetohepwaila, ma tupwadi sihepalopita, ta tupwadi sihetologuguya, ma tupwadi sihetohanugeta, ma tupwadi sihetohe'ita.

Pilipai 3:15

Coinega mabwaiyada bewa gidemusa tada nuwanuwatuhu mahemahetena, 'eguma 'ida nuwatuhu simatuha pwaiya. Ta wete 'eguma to'aha weyahina 'imi nuwatuhu hagana, ginaulaina lamuna Yehoba wete 'abwa 'ihe'ita 'oimiya.

1 Tesalonaika 5:20

Coinega 'eguma toguguya 'eta 'ipalopisai, sahena 'ina gwae nugeta walologwahate,

2 Pita 1:20

Ma ginaula bewa wanuwasabwaleni 'abehega palopitao 'idi gwae Buki He'asisi 'alona geya sawasawahina taboimo 'adi gibui tasanapu,