Loma 12:17 - Loina Nuahuana

¹⁷ Ma 'eguma taiyawedi silo'alehegomi, sahena mumuga galana 'oinega wahehemaisedi, ma hesi wahemaisedi mumugaedi gide tomotai mabwaiyadi si'ahwa'ahwa bwebwe'ane 'oidiyega.

Loma 12:17 ပူးပေါင်းရင်းမြစ်များ

Madiu 5:24

'ilobwainegowa ma 'ino pwaoli 'ulagu 'ebe pwaoli deina, ma 'uhila tasiu 'oina ma 'utoho ma ba'idau walabina hila, ma muliyetega 'uhilama ma Yehoba 'oina 'upwaoli.

Madiu 5:39

Ma taugu yahegwaegomi 'abehega sahena wahenimahila, ma hesi 'eguma taiya 'ase'aseu 'ebeulanega 'isapi, sahena 'uhehenima hile, ma hesi 'ase'ase 'adigeyageyau wete 'utagwale ma 'isapi.

Loma 12:19

Ma sahena wahehetoloina togala 'oidiya ma 'abehega 'idi pui wahemaisedi, weyahina bewa ginaulaedi Yehoba tauna 'ana toloinaina, ta Yehoba 'ina buki 'oina gide 'ihepwaila 'esa, 'igwaeya, “‘Tomotai 'idi pui weyahina yaboigumo 'abwa yaloinae.’ Yehoba 'ina gwae gide.”

Loma 14:16

Ta 'owa 'oiuwa 'e'ahainaina bwebwe'ana, ma hali tomota 'oidiya galana, eeta 'eguma si'itago 'u'ai'ai nata si'ahwa yaliyego.

Kolose 4:5

Wete taudi geya Keliso 'ana tohemisao 'oidiya wapaihowa dumwalu, ma sahena 'imi sauga wamudamudali.

1 Tesalonaika 4:12

Bewa 'oinega taudi geya Keliso 'ana tohemisao sihe'asisiyegomi, ma hesi 'omi 'ami lema weyahina sahena tomota hagadi 'oidiya wahehemisa.

1 Tesalonaika 5:15

Wa'itayahigomi, sahena 'eta 'oimiyega galana 'ihehemaise galana 'oinega, ma hesi tuta mabwaiyana wahelau hilegomi ma wa'abihetena ma wete tomota hagadi wa'abihetedi.

1 Tesalonaika 5:22

ma 'eguma galana beno mabwaiyana walogwahate.

1 Timoti 5:14

Coinega yanuwatuhuya hiwahiwapeyedi taudi geya sihe'ai'aihale moisa sawasawahina ma sihai hila, ma sihenatuna ma si'ita'ita yahidi natudiyao ma wete 'idi hadao, ma 'ane sahena 'ada sahiyao si'ahwa'ahwa galagalaegita hiwahiwapeyedi mumugadi weyahina.

1 Pita 2:12

Ma wamumuga bwebwe'ana taudi geya meYudiya 'oidiya. Weyahina bewa tuwa 'abwa si'ahwa'ahwa galagalaegomi, ma tuta muliyetega 'imi paihowa bwebwe'ana si'ita, ma 'oinega tutaina Yehoba 'ilatuma Yehobaina sihepwatuwe.

1 Pita 3:16

Ma to'aha wanuwatuhuya bwebwe'ana, tuta mabwaiyana gidemusa wapaipaihowa 'esa, 'oinega 'eguma taiyawedi si'ahwa galaegomi weyahina 'abehega 'omi Keliso 'ana tomuliyao, 'abwa sideba mwadina, 'eguma 'imi mumuga bwebwe'ana wahe'itedi.

1 Pita 3:9

Ma 'eguma tupwadi 'oimiya sipaihowa galana, geya'abwa 'oidiya wahehemaisa, ma 'eguma wete siheliyegomi geya'abwa waheheliyedi. Ma hesi wahemaisedi gwae bwebwe'ana 'oidiyega, weyahina Yehoba 'igwae hemisa pwaiya 'abehega 'ihelauwegomi, 'eguma 'omi gwae bwebwe'anega 'oidiya wahemaisa.