Loma 12:16 - Loina Nuahuana

¹⁶ eema 'ane waboi wahelau hilegomi. Ma sahena wanuwanuwa hanehane, nuwana watohotoho ma wahetoloina, ma hesi taudi geya sanidimo wa'ahwa 'iya'iyaguwedi.

Loma 12:16 ပူးပေါင်းရင်းမြစ်များ

Madiu 11:5

tomata gibugibu matadi 'itayahala pwaiya, tohe'au'au sibwebwe'ana pwaiya ta sitautauya, tolepelo wahidi sibwebwe'ana hila, totenatuitui gwae sihehesagohe, to'amasa sitoholo hila, ma wete tohewewelohe tetela bwebwe'ana sihesagohe pwaiya.

Madiu 26:11

Toheweweloheyedi wagwaegwaenedi tuta mabwaiyana simiyamiya deimiya, ma hesi taugu geya tuta dudulena ba'idamiu tamiyamiya.

Luke 14:13

Ma hesi 'eguma 'e'ahaiina 'upaihowa, taudi wewelohedi ta peupeudi ta tohe'au'au ta wete tomatagibugibu 'ubwauwedi,

Luke 6:20

Coinega Yesu 'ana tomuliyaowedi 'i'ebubudiya ta 'ihegwaediya, 'igwae: Ceguma 'omi wewelohemi, wayaliyaya weyahina Yehoba nimana wamiyamiya.

Paihowa 4:32

Bodaedi Yesu sihemisaeya, ta 'idi nuwatuhu mabwaiyana mahemahetena, ma geya sida 'enuwaha, ma hesi 'idi tobwatobwa mabwaiyadi sitagwalediya boda mabwaiyadi 'idi paihowa weyahidi.

Loma 11:20

Beno moisa. Ma hesiyage wanuwatuhuyahi beno lagalagaedi 'ilasediya weyahina geya sida hemisa, ma 'omi 'imi hemisega yawasimi bwebwe'ana walobeya. Eeta 'ami lobwaina Yehoba wamataute ma sahena wanuwanuwa hanehane.

Loma 11:25

Ciyagwao, nuwanuwagu ginaula 'aigeda dahwadahwaina meIsileli weyahidi yahepwaile 'oimiya ma 'ane sahena wanuwanuwa hanehane, ma ginaula bewa wasanapu 'abehega nata meIsileliyedi sidebapa'ala 'ana siga 'omi tomiya ganamuli hesihesinuwami mabwaiyami 'abihetena wa'ewa.

Loma 12:3

Camo'isamo tuwa Yehoba 'oinega 'atemuyamuya yalobeya, ma sawasawahigu wete yaloguguya 'oimiya eema sahena wanuwanuwa hane, ma hesi ma'imi sanapu wanuwatuhu bwaibwaina, weyahina Yehoba 'ina heguheguyai 'oida 'ida hemisa talobediya,

Loma 15:5

Coinega tanuwatuhuyahi 'abehega Yehoba 'iboi to'alama'i'ita ma to'abihepa'ala, 'oinega tauna sawasawahina 'i'abihe pa'aligita, ma 'ida nuwatuhu talo'aigede gide Yesu Keliso 'ina nuwatuhu.

Loma 6:2

Caa nata geya! Weyahina mumuga galana 'oidega 'igumwala pwaiya, ta geya nata wete 'oida 'imiyamiya.

1 Kolinita 1:10

Tasigwao, bewa 'igu lohatoto 'oimiya 'ida Bada Yesu Keliso saninega ma 'abehega wanuwatuhu hegogona ma wagwae hegogona, ma hesi sahena wahehe'ohe'ohe nuwana wawatawatahigomi.

1 Kolinita 3:18

Gesowana taiya 'owa 'uboi 'u'abowego 'abehega 'owa 'aigeda tosanapu, weyahina 'eguma bale'u bewa 'ana sanapumo 'usanapuya, 'ilobwainegowa ma sanapuina 'ulogwahate ma 'oinega sanapu moisa Yehoba 'oinega 'uloba.

1 Kolinita 4:10

Ta 'ama 'ita gidemusa yauyauleima Keliso weyahina, ma hesi 'ami 'ita gidemusa taudi Keliso 'ana tosanapuwao, weyahina tauma we'awe'aima ma 'omi waiwaimi, ta ma'ami he'asisi, ma tauma hesi ma'ima debamwadina.

1 Kolinita 6:5

Beno ginaula 'ebedeba mwadina. Ma hesi 'eguma taiya 'oimiyega nuwanuwana ma 'iyana mahetena siyatala, 'ilobwainediya ma 'aigeda tosanapu boda hekalesiya 'oinega si'ebesa ma tauna yatalaina 'iloina.

1 Kolinita 8:2

Ceguma tanuwatuhu 'abehega tauda tosanapu, beno geya tasanapu bwaibwaini,

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.

Pilipai 1:27

Ta hesi wa'itayahigomi ma 'ane 'imi paihowao 'oidiyega tomota Keliso tetelina si'ahwa bwebwe'ane, eema 'eguma yahabo'enegomi, bo nuwana 'eguma yamiya hila, tuwa wasami bwebwe'ana yahesagohe 'abehega ma'imi 'atetagwala watoholo pa'ala, ta ma'imi nuwatuhu mahemahetena eema 'oinega wahetahetapewa wasa bwebwe'ana 'ana hemisa weyahina,

Pilipai 3:16

Ma 'iyamo 'ilobwainegita ma ginaulaedi talobediya ta'abimomosidi.

Pilipai 4:2

Comi wahiwahine sanimi Yu'odiya ma Sinitiki ya'ahwa'ahwanoi 'oimiya ma wada 'ahwa 'iya'iyagu hila, 'ida Badaina nuwanuwana gidemusa.

Ibeliu 13:5

Sahena wasawasa bale'uwa nuwami 'i'ewa'ewa, ta hesi wayaliyaya to'aha waloba pwaidiya weyahidi, ma sahena hali ginaula ma hali ginaula weyahidi wahehetapewa, weyahina Yehoba 'igwaeya, “Geya'abwa yanuwanuwa naidego. Geya'abwa ya'ebe'ebesinego. Geya!”

1 Pita 3:8

Bewa 'igu gwae 'ana 'ebelosaloha 'oimiya 'abehega 'imi nuwatuhuwega ma 'ami lotohonega wahe'aigeda ma wahelau hilegomi, ma ma'imi nuwadobi wa'atemuya muyaegomi.

1 Pita 5:3

Ma geya'abwa watoho ma wahetoloina 'oidiya, ma hesi mumuga bwebwe'ana wahe'itae 'oidiya, ma simuliyegomi.

3 Yoni 1:9

Cami hemataluwa ya'etoladi pwaiyawa, 'omi tohekalesiyao, ma loheyaina sanina Diotilipi nuwanuwana ma taunamo 'ida loina, 'oinega taugu 'igu loina 'i'ausiya,