Loma 12:10 - Loina Nuahuana

¹⁰ Ciyamiyao wahelau bwaibwainidi, ma wete wahe'asisiyanedi,

Loma 12:10 ပူးပေါင်းရင်းမြစ်များ

Madiu 20:26

ma 'omi sahena wete gide taudi wapaihowa 'ese. Ma 'eguma taiya 'owa nuwanuwau ma 'oimiyega 'uhetoloina, 'ilobwainegowa ma 'iyamwao weyahidi 'uhetopaihowa.

Luke 14:10

Coinega 'eguma sibwauwego ma 'uluhuluhu 'oidiya, 'ebemiyaina papaliya 'uhesinuwane ma 'oina 'umiyatoi, ma 'oinega tutaina 'eguma guyai toniwagana 'inaoma ma 'i'itago, nata 'oiuwa 'igwae, ‘Ciyagu, 'umiyalaga gamwagamwana,’ ta 'oinega 'ulaga ma'ino yaliyaya ma wete 'a hepwatu loheloheya matadiya.

Yoni 15:17

Ma yalohatotogomi 'abehega wahelau hilegomi.”

Yoni 17:21

Ya'ahwa'ahwanoi 'oiuwa ma 'abehega mabwaiyadi sida heboda 'aigeda 'oida, gide 'owa ma taugu 'aigeda tuwa. Ma 'oinega mebale'u sihemisaegau 'abehega 'owa moisa 'uhesumanegauma.

Paihowa 4:32

Bodaedi Yesu sihemisaeya, ta 'idi nuwatuhu mabwaiyana mahemahetena, ma geya sida 'enuwaha, ma hesi 'idi tobwatobwa mabwaiyadi sitagwalediya boda mabwaiyadi 'idi paihowa weyahidi.

Loma 13:7

Coinega takesi 'adi tuta 'ewa 'oina ma'ida tagwala tatakesi, ma weteyage toloinao ma babada tahe'asisiyanedi ma weyahidi tayaliyaya.

Galetiya 5:13

Ciyagwao, Yehoba 'ihesinuwa pwaigomiya ta lihalihasimi. Lihalihasimi ma hesi geya'abwa mumuga bale'u wamulimuliyedi. Mumugami hesi helau 'ina loinega watauya, ma waboimo wahelemalema hilegomi.

Galetiya 5:22

Ma 'iyamo Yaluyaluwa Tabuna huwaina bwebwe'ana 'ateda bewa: helau, yaliyaya, miya daumwala, toholo pa'ala, lema, mumuga dumwaluna, hemisa,

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

Pilipai 2:3

Geya'abwa wanuwanuwa hane, nuwana wahehe'ipi'ipi, ma hesi wanuwasulu ma 'iyamiyao sanidiyao wagilagasidi.

Kolose 1:4

Weyahina wasami 'ahesagoheya, 'abehega Yesu Keliso wahemisaeya, ma tohekalesiyao mabwaiyadi wahelauwediya.

1 Tesalonaika 4:9

Ma 'iyadao 'adi helau weyahina nata geya 'alelediwa, weyahina Yehoba bo'i tauna 'ihe'itegomiya 'oinega waboi wahelau hilegomi.

2 Tesalonaika 1:3

Ciyamayao, 'ilobwainemaiya tuta mabwaiyana 'aloyauwedo Yehoba 'oina, 'imi hemisao ma 'imi helauwao waboi 'oimiya 'adi madou weyahina.

Ibeliu 13:1

Coinega wahelau hilegomi taumimo 'oimiya.

1 Pita 1:22

Coinega 'eda dumwadumwaluna wamuliya bwaibwainiya, beno 'oinega 'imi 'ehauhila walobeya, ma wete taudi 'iyamiyao wahelauwedi 'atemi mabwaiyana 'oinega, eeta sowasowana 'omi wete wahelau hilegomi 'aigeda 'aigeda, helau moisa 'oinega.

1 Pita 2:17

Coinega tomota mabwaiyadi wahe'asisiyanedi, ma taudi Yesu 'ana tohemisao wahelauwedi. Yehoba 'oina wahe'asisi madouna, ma wete toloinaina kini wahe'asisiyane.

1 Pita 5:5

Coinega wete 'omi tubu hanehaneyao sowasowana babadao wahe'asisiyanedi, ma mabwaiyami wanuwadobi ma 'aigeda 'aigeda 'oimiya wahelemalema hilegomi. Gidemusa tuwa Buki He'asisi 'ina gwae gide, 'igwaeya, “Yehoba tonuwahane 'i'ausidi, ma hesi tonuwadobi 'ihelauwedi.”

2 Pita 1:7

hesikisina 'ahwa'iya'iyana, ma 'ebelosaloha helau.

1 Yoni 4:11

Bewa 'oinega Yehoba 'ina helau 'imadou hedadeya. Ciyagwao, 'ilobwainegita ma tauda wete tada helau hilegita.

1 Yoni 4:20

Ceguma taiya 'igwae, “Yehoba yahelauweya,” ma 'eguma loheyaina tasina 'ilo'alehe, tauna to'abo, weyahina tasidai ta'ita'ita, ma 'eguma tasidai geya tahelauwe, geya sawasawahida ma Yehoba tahelauwe, tauna geya tada 'iteya.