Loma 11:20 - Loina Nuahuana

²⁰ Beno moisa. Ma hesiyage wanuwatuhuyahi beno lagalagaedi 'ilasediya weyahina geya sida hemisa, ma 'omi 'imi hemisega yawasimi bwebwe'ana walobeya. Eeta 'ami lobwaina Yehoba wamataute ma sahena wanuwanuwa hanehane.

Loma 11:20 ပူးပေါင်းရင်းမြစ်များ

Luke 18:14

Ta Yesu wete 'oidiya 'igwaeya, “Moisa, loheyaina bewa 'ina 'ahwanoiina weyahina 'ana 'ahwabwebwe'ana 'ilobeya Yehoba 'oinega, ma hesi Palisiina geya. Weyahina 'eguma taiya tauna 'i'abilagasi nata silagusuluhe, ma 'eguma taiya tauna 'ilagusuluhe si'abilagasi.”

Paihowa 18:6

Taudi hesi sihe'ohe'oheya, ta si'ahwa 'abo'aboweya, ta 'oinega Paulo 'ana 'ale'o 'ilohutuhutuiya matadiya, beno 'idi logwahata 'ana 'ebe'ita 'ipaihoweya, ma 'ihegwaediya, “Comi 'abwa wahesilae 'imi logwahata bewa weyahina, ta beno waboi 'imi loinega, ta geya taugu 'igu loinega. Coinega ya'ebesinegomi ma tetela yatauye tomiya ganamuli 'oidiya.”

Loma 11:18

Ma hesiyage 'ina helauina sahena weyahina wagwaegwae hanehane, weyahina laha geya sowasowahina lamu 'iloinae, ma lamu hesiyage sawasawahina laha 'iloinaedi.

Loma 11:21

Nata gide lahalahaedi 'ane Yehoba 'ina 'aiwe moisa 'oinega 'ilasalasa yahulediya, 'i'ewahiladi ma 'ihemiyalaenegomi, ma 'omi 'i'ewa yahulegomi.

Loma 12:16

eema 'ane waboi wahelau hilegomi. Ma sahena wanuwanuwa hanehane, nuwana watohotoho ma wahetoloina, ma hesi taudi geya sanidimo wa'ahwa 'iya'iyaguwedi.

Loma 12:3

Camo'isamo tuwa Yehoba 'oinega 'atemuyamuya yalobeya, ma sawasawahigu wete yaloguguya 'oimiya eema sahena wanuwanuwa hane, ma hesi ma'imi sanapu wanuwatuhu bwaibwaina, weyahina Yehoba 'ina heguheguyai 'oida 'ida hemisa talobediya,

Loma 3:3

Ma togidega, 'eguma tupwadi Yehoba siguipaileya, wanuwatuhuya 'abehega Yehoba wete nata 'iguipailegita, bo geya?

1 Kolinita 10:12

Ceguma taiya 'owa 'unuwatuhuya 'abehega ma'ino waiwai 'utotoholo, 'u'itayahigo ma sahena 'uwe'awe'a.

1 Kolinita 15:1

Ciyagwao, tetelaina yahepwaila pwaiyeya 'oimiya, wanuwatuhuyahi 'abehega mwalo 'atemi watagwaleya tetelaina 'oina, ma 'i'abihe pa'aligomiya ta 'oinega 'ami 'abihetena walobeya, 'eguma tetelina wa'abiyahiya. Ta 'eguma geya wa'abiyahi pa'alina, 'imi hemisaowedi gide ginaula bwagabwaga.

1 Kolinita 16:13

Ciyagwao wa'itayahigomi, ma ma'imi hemisa moisa watoholo pa'ala ma wahewaiwai,

2 Kolinita 1:24

Geya 'abehega 'ahetoloina pa'alina 'oimiya 'imi hemisa ta 'imi tapwalolo weyahidi, weyahina 'imi hemisega watoholo pa'ala pwaiya, ma hesi sabi lemegomi 'imi yaliyaya weyahina.

2 Kolinita 10:5

Cida tobwatobwaedi 'oidiyega sowasowahida tahewaiwaisine mumuga galana, he'ohe'ohe, ma gwae hane, beno ginaulaedi Yehoba 'ana hemisa si'etobodeya, ma hesi tomota 'idi nuwatuhuwao tagibuidi ma Keliso 'ina gwae sida hematamatanedi.

Pilipai 2:12

Ciyagwao 'omi hematamatana lamuna. Mwalo mataguwa wahematamatana, ta bewa tuwa 'oimiyega yamiya bwaga, ma tuwa 'abwa wahematamatana moisa. Coinega 'ilobwainegomiya ma Yehoba wamataute ta wete watoho waiwai ma 'ina 'abihetena waloba,

Kolose 2:7

Weyahina Kelisoina 'imi hemisa huhuna, ta 'ana 'abihemadou, ta 'ana 'abihepa'ala, gide 'ahe'itegomiya, ma weyahina waloyauwedo madouna.

2 Tesalonaika 2:4

Yehoba 'ana 'aleha ma wete 'ebehemisa mabwaiyadi 'adi 'aleha, 'oinega tauna 'i'abihanehe ma Yehoba 'ina Hada He'asisi 'oina 'imiyatoi, ma 'ihetoloina gide Yehoba.

1 Timoti 6:17

Ma bale'u 'ana wasawasao 'uhemataluwedi, ma sahena sinuwanuwahane 'idi wasawasa weyahidi, ma wete sahena sihehemisa 'abehega nata 'abwa 'ebe 'abihetena siloba 'idi wasawasaedi 'oidiyega, weyahina wasawasaedi gumwagumwalidi. Ma hesi tuwa Yehoba 'iboi 'oina sihemisa, weyahina Yehoba 'iboi to'ebwaya bwebwe'ana, ta 'ida 'ebe yaliyaya mabwaiyana tauna 'oinega silatulatuma.

Ibeliu 3:12

Ciyagwao, wa'itayahigomi ma sahena wadebadeba pa'ala nuwana walolopui, 'amuge ta Yehoba mayawasina wamiyasine.

Ibeliu 3:19

Coinega tasanasanapu 'abehega taudi geya sida luhuwa, weyahina geya sihemisa.

Ibeliu 4:11

Ma 'ilobwainegita ma tatoho waiwai 'abehega 'ebe 'aiyawasiina taloba, ma sahena 'aigeda taiya 'ilologwahata, 'amuge ta 'ibe'u, taudi gide mwalo sibe'u 'esa.

Ibeliu 4:6

Moisa, 'ebe 'aiyawasiina 'imiyamiya, ta tupwadimo 'abehega siloba, ma hesi taudi wasa sihesagohe nugeteya, ta loina sisinaliya, 'oinega sahena silobaloba.

Yemesa 2:19

Cowa 'uhemisa 'abehega Yehoba 'iboi 'aigeda. Beno bwebwe'ana. Ta 'unuwatuhuyahi 'abehega Tomudulele ma 'iyanao taudi 'idi hemisa gidemusa, ta wete ma'idi matauta.

Yemesa 4:6

Ma hesi Yehoba 'ina lema 'oida 'imadou hedade, weyahina Buki He'asisi 'oina 'ihepwaila 'igwaeya, “Yehoba togagasa 'i'ausidi, ma hesi tonuwasulu 'oidiya 'itagwala ma 'ilemedi.”

1 Pita 1:17

Cabwa Yehoba 'ina loina 'aigeda dumwadumwaluna 'oinega tomota mabwaiyadi 'iloinaedi, gide 'ida paihowa, bwebwe'ana, bo nuwana galana. Tauna Yehobaina wahesaniyeya Tamamiu 'imi 'ahwanoi 'oidiya, sowasowana wahe'asisiyane tuta mabwaiyana bale'u bewa 'oina wamiyamiya.

1 Pita 5:12

Cimi leta 'i'iuna bewa Sailasa 'ilemegauwa eeta yaleleya weyahimi. Tauna Sailasaina tahesaniyeya 'abehega tauna 'aigeda tasidai ma'ina hemisa. Coinega 'imi leta bewa 'oina nuwanuwagu ma Yehoba 'ina helau moisa yahepwaile 'oimiya, ma 'oina watoholo pa'ala.

1 Pita 5:9

Ma geya'abwa wamatamatauta, ma hesi 'imi hemisa 'oina watoholo pa'ala, weyahina wasanapuya 'abehega 'iyadao taudi Yesu 'ana tohemisao mwauwedi silobalobadi tupwa mabwaiyana 'oidiya.

Heꞌitaꞌita 18:7

Ta wete 'ina gwae gagasa ma 'ina hemataganawala 'adi maisa 'u'ebwae, muyamuya ma dou, weyahina 'iboinamo 'oina 'igwaeya, ‘Taugu Kuini, geya wete hiwape 'ina tupwa 'oina yada miya, ma wete geya'abwa dou yalobaloba.’

Heꞌitaꞌita 3:17

“Ma 'omi wagwae, ‘Taugu tohewasawasa ta ginaula mabwaiyadi sawasawahigu,’ ma geya wasanapu 'abehega 'omi tuwa towewelohe, ma hesi nuwagalagalaimi, ma wete matagibugibuimi ma bugebugewami.