Loma 10:17 - Loina Nuahuana

¹⁷ Eeta 'eguma Keliso weyahina taloguguya, nata hisahisadimo sihesagoha ma sihemisa.

Loma 10:17 ပူးပေါင်းရင်းမြစ်များ

Maki 4:24

Ma wete 'ihegwaediya, “Wanuwatuhuyahi ma gwae wahesagohe bwaibwaini, weyahina to'aha 'omi 'imi 'ebwaya, wete gide maisa wa'ewa, ma hesi ma 'ana loheposeyana.

Luke 11:28

Ma Yesu wete 'igwaeya, “Taudi hesi 'eguma Yehoba 'ina gwae sihesagohe ma 'ina gwae sihematamatane, taudi toyaliyaya moisa.”

Luke 8:11

Ma gwae hegehegedi 'ana lihasa bewa gide: Patuina beno Yehoba 'ina gwae.

Luke 8:21

Coinega Yesu 'ihegwaediya, 'igwae, “Geya siboimo, ma hesi 'eguma taiyewedi Yehoba 'ina gwae sihehesagohe ma simulimuliye, beno taudi sinagwao ma tasigwao.”

Yoni 1:37

Eema siteluwaedi Yoni 'ina gwae sihesagoheya, 'oinega Yesu simuliyeya.

Loma 1:16

Tetelaina 'ana loguguya weyahina geya yada debamwadina, weyahina Yehoba 'ina waiwai 'oina 'imiyamiya, eeta 'eguma taiyawedi sihemisa 'i'abihetedi, beno tauma meYudiya 'oima ma muliyetega 'omi tomiya ganamuli 'oimiya.

Loma 10:14

Moisa, tomota geya sowasowahina ma 'etolihasa weyahina si'ahwanoi 'oina, 'eguma geya sihemisae. Geya sihemisae weyahina geya Badaina sanina sihesagohe. Ma geya sihesagohe weyahina geya 'idi tologuguyamo.

2 Kolinita 2:17

Ma tauma geya gide tolohatoto 'abo'abowao, taudi 'idi wasawasa tuwa weyahina silolohatoto, ma hesi tauma ma'ama hemisa, gide Yehoba 'iloinemaiya, 'oinega tauna matana Keliso tetelina 'agwaegwaene moisa.

Galetiya 3:2

Coinega 'aigeda hesilala yahesilalegomi, “To 'eda 'oinega Yaluyaluwa Tabuna wa'eweya? Mosese 'ina loina 'ana paihowao 'oinega? bo Keliso tetelina wahesagoheya ta wahemisaeya?”

Galetiya 3:5

Caigeda wete hesilala: Yehoba tauna Yaluyaluwa Tabuna 'i'ebwa'ebwaya 'oimiya ta 'ina waiwaiyega 'imi paihowa waiwaidi wapaipaihowadi. Togidega 'ina 'ebwayaedi 'oimiya Mosese 'ina loinao 'adi paihowa 'oinega bo Keliso tetelina 'ana hemisa 'oinega?

Kolose 3:16

Wete Kelisoina 'ina gwae bwebwe'adi 'atemiya sibwala moisa, ma 'aigeda 'aigeda 'oimiya wahehe'ita ma walolohatoto sanapu moisa 'oinega, ta wete 'ami wali ma Same walinao 'oidiyega, wete walibui 'oidiyega, Yaluyaluwa Tabuna 'oinega, ma'imi loyauwedo Yehoba 'oina 'atemiyega.

1 Tesalonaika 2:13

Ciyamayao tuta mabwaiyana 'aloloyauwedo Yehoba 'oina, weyahina Yehoba 'ina gwae bo'i 'a'ebwaegomiya ta 'oina watagwalegomi, geya 'abehega tomota 'idi gwae, ma hesi Yehoba 'oinega. Moisa, gwaeina Yehoba 'oinega, ma wahemiseya, ma 'ana waiwai walotoho pwaiya.

Ibeliu 4:2

Moisa, wasaina 'i'ebwaegita, taudi wete mwalohene 'i'ebwaediya, ta wasaina geya 'ilemedi, weyahina sihesagoheya ta geya sihemise.

1 Pita 1:23

Comi bo'i wali'u hila pwaiya, geya tamamiyao 'ama'amasidi 'oidiyega, ma hesi Tamamiu mayawasina ma miyamiya hatayana 'ina gwae 'oinega.

Heꞌitaꞌita 1:9

Taugu tasimiu Yoni. Taheboda 'aigeda pwaiya Yesu ba'idada, ta 'ina 'ebeloina 'alona 'omi ma taugu tahe'alama'i'itanegita, muyamuya ma mwau 'oidiya. Taugu mwalo sipaigauwa ma silagugauwa bwanabwana Patimo 'oina, weyahina yaguguya Yehoba 'ina gwae ma Yesu 'ina tetela.