Loma 10:12 - Loina Nuahuana

¹² Ta geya 'eta wataha 'omi tomiya ganamuli ma tauma meYudiya gamwagamwanida, weyahina mabwaiyada tauna 'ida Bada, 'oinega 'eguma ta'ahwanoi 'oina, nata 'ihelau bwaibwainigita.

Loma 10:12 ပူးပေါင်းရင်းမြစ်များ

Paihowa 7:59

Eema Sitibeni siloloda'uleyeya, ma hesi 'ibwau haneya 'igwae, “Bada Yesu, yaluyaluwagu 'u'eweyawa.”

Paihowa 9:14

ma wete topwaoli madoudi sitagwaleya ma sauga bewa 'itauyama ma 'a bodao mabwaiyama sabi paimai, 'eguma saniuwega 'a'ahwa'ahwanoiwa.”

Loma 14:9

Bewa weyahina Keliso 'i'amasa ma 'itoholohila, ta 'abehega to'amasaedi ma tauda mayawasida mabwaiyada 'oida 'ihetoloina.

Loma 15:12

Wete gide Aiseya 'ina Buki 'oina 'igwaeya, “Ci'iunamo Desi 'ina bodao 'oinega loheya 'aigeda 'itauyama, ma gogo mabwaiyana 'iloinaedi, ma taudi tomiya ganamuliyedi nata sihemisa 'abehega tauna 'adi To'abihetena.”

Loma 2:4

Ma geya sowana Yehoba 'ina helau wasinasinali, weyahina 'i'atemuya muyaegomiya ta 'i'alama'i'itana ma 'abehega 'imi pui 'oidiyega 'i'abi lohihilegomi.

Loma 3:22

'abehega Yehoba mabwaiyada 'i'ahwa dumwaluwegita Yesu Keliso 'ana hemisa 'oinega, ma geya sowana 'eta taiya wete wataha 'i'abi'abihelatu tauda meYudiya ma tomiya ganamuli gamwagamwanida.

1 Kolinita 15:47

Weyahina loheya nugenugetana Yehoba 'ipaihoweya bale'u 'oinega, ta loheya heluwena galewega 'isuluma.

2 Kolinita 8:9

Comi 'ida Bada Yesu Keliso 'ina helau wasanapuya, tauna 'ina wasawasa madouna 'i'ebesineya ma 'iheweweloheya sabi 'abihetegomi, ta 'abehega 'ina hewewelohe 'oinega 'omi wahewasawasa.

Galetiya 3:28

Weyahina mabwaiyada Keliso mahetedai, ma geya 'eta wete wataha solada 'imiyamiya. Coinega meYudiya ma hali bodao mahemahetena, ma babadao ma 'idi topaihowao mahemahetena, ma wete meloheyadi ma mewahinedi mahemahetena, weyahina mabwaiyada Yesu Keliso 'oina taheboda 'aigeda,

Epeso 1:7

Eeta Natuna bweyahinega 'ilihasigita 'ida puiyao 'oidiyega ta Yehoba 'inuwasamudiya, beno tauna 'ina helau madou hedada 'i'ebwaegita. Ta 'ana madou geya 'ana lihemo.

Epeso 2:4

Eema 'oinega 'ida puiyao silohe'amasigita, ma hesi Yehoba 'ina 'atemuyamuya tomadou hedada, ta 'ina helau 'oida madouna wete, ma 'oinega 'igihetoholo hilegita, Keliso mahetedai. Yehoba tauna 'ina 'eheleina 'oinega 'i'abihetegita,

Epeso 2:7

Bewa 'ipaihoweya ma 'abehega tuta sinaonaoma 'oidiya 'ina 'ehele madou hedadena 'ihe'itae, beno 'ina 'atemuyamuya ma 'ina 'abihetena Yesu Keliso 'oinega.

Epeso 3:16

ta ya'ahwa'ahwanoi 'oina ma 'abehega 'ina wasawasa ma 'ina waiwai 'itagwala 'oimiya, ma 'ane Yaluyaluwana 'atemi 'igihewaiwaiyedi,

Epeso 3:6

'abehega 'omi geya meYudiya sawasawahina ma Yehoba 'ina 'abihetena waloba, tauma meYudiya gidemusa. Cina 'abihetenaina mwalo 'igwae hemisaeya, eeta Yesu Keliso tetelina 'oinega talobeya, ta taheboda 'aigeda.

Epeso 3:8

Ma taugu gide wewelohe tohekalesiyao 'alodiya, ma tuwa 'ina helauwega paihowa bewa 'i'ebwaegauwa, 'omi tomiya ganamuli 'oimiya Keliso tetelina yaloguguyae, ma 'oinega 'ina wasawasa madou hedade wada 'italoba,

Pilipai 2:11

ma ta'ahwa moisae 'abehega Yesu Keliso tauna Badaina, ta wete Tamada Yehoba tahepwatuwe.

Pilipai 4:19

Coinega 'igu Yehobaina 'imi nuwatuhuwao mabwaiyadi nata 'i'ebwaegomi, beno tauna 'ina wasawasa baibaiwa hedada Yesu Keliso 'ina paihowao 'oidiyega.

Kolose 1:27

Weyahina Yehoba nuwanuwana ma sanapu bewa mwalo dahwadahwaina ma bwebwe'ana hedade, 'abehega 'ilagulatuhe 'omi ganamuli 'oimiya, beno Keliso nuwamiya 'imiyamiya, ma tauna 'oinega wanuwatuhuyahi 'abehega tupwa wasawasa 'oina waluhu.

Kolose 3:11

Coinega geya 'eta wataha 'imiyamiya ma 'abehega wagwae “Yudiya boda hagadi ma tauma boda hagama,” bo wagwae, “Taudi meYudiya 'adi 'ila'ilala si'upweya 'wapidiya boda hagana, ma taudi geya si'upwa boda hagadi,” nuwana taumanao bo tomiya pwatula boda hagadi, nuwana wete topaihowao ma babadao hali bodao. Ma tuwa Keliso 'ina boda mabwaiyada. Ma 'ateda Keliso 'iboi 'ilohegogonegita.

1 Timoti 2:5

Yehoba 'aigeda tuwamo, ma wete 'aigeda tuwa loheya sowasowana 'i'ewegita Yehoba 'oina, tauna Yesu Keliso.

Heꞌitaꞌita 17:14

Ma 'abwa Lami 'oina silo'aleha, ma Lamiina 'ihewaiwai sinedi, weyahina tauna babadaowedi 'idi Bada, ma kiniyao 'idi Kini, ma wete taudi 'ina hesinuwega 'ibwauwedima, taudi 'ana tomuliyao moisa ba'idanao.”

Heꞌitaꞌita 19:16

Ta 'ana 'ale'o 'oina ma wete 'ahena sanina silelediya, sigwae, “Loheya bewa toloinao 'idi Toloina, ma wete babadao 'idi Bada.”