Loma 1:30 - Loina Nuahuana

³⁰ ma taudi 'iyadiyao sigwaegwae galagalaedi, ma taudi Yehoba silolo'alehe, ma todebapa'ala ma tonuwa hanehane ma togagasa ma taudi mumuga galana 'ana to'abi hemadouwao, ta weteyage taudi sinadiyao ta tamadiyao geya sida he'asisiyanediya.

Loma 1:30 ပူးပေါင်းရင်းမြစ်များ

Madiu 15:4

Yehoba 'ina loina 'eluwa bewa, 'aigeda 'igwae, ‘Tamau ma sinau 'uhe'asisiyedi.’ Heluwena wete 'igwae, ‘Ceguma taiya tamana bo sinana 'i'ahwa galegaledi, sawasawahina walohe'amasi.’

Madiu 16:21

Tuta nage 'oina Yesu 'ihegaina ma 'ana tomuliyao 'ihe'itediya, 'igwae, “Cilobwaineya ma yatauya Yelusalema, ma nobwa muyamuya baibaiwadi yalobadi, babadao ta topwaoli madoudi ma loina 'ana tohe'itao 'oidiyega, ma nage 'oina silohe'amasigau, ma sabwelo hetoina 'oina Yehoba 'i'abihetoholo hilegau.”

Luke 21:16

“Tutaina 'oina wete tamamiyao ta sinamiyao ta tasimiyao ta 'imi susuwao ta wete 'iyamiyao sitebaegomi, ta tupwadi 'oimiyega silohe'amasidi,

Yoni 7:7

Weyahina 'omi nata geya'abwa mebale'u silolo'alehegomi, ma taugu hesi silo'alehegauwa, weyahina mumugadi galanaina yahepwailediya 'oidiya.

Paihowa 5:36

Wanuwatuhuyahi tuta mwalo Tudasi 'ihapwesa 'abehega tauna hali tohanugeta 'aigeda, ma loheloheya 'adi baibaiwa gide powa handeledi siluhu 'ina boda 'oina, ma hesi gabemani Tudasiina silohe'amasiya, ma 'ana tomuliyao sisawaleya, ta 'idi boda 'isawala.

Loma 2:17

Ma 'omi togidega? Waboi wa'abi'abi lagasihilegomi ma wagwaeya, “Tauma meYudiya, Yehoba 'ina loina 'i'ebwaemaiya Mosese 'oinega.”

Loma 2:23

Comi moisa wagagasa hedadeya ta wagwaeya, “Mosese 'ina loina 'oima”, ma hesi loinaina geya wada muliyeya, 'oinega tupwadi tomota Yehoba si'ahwa 'abo'aboweya.

Loma 3:27

Ma togidega, sowasowahida bewa ginaulina weyahina tagwae hanehane? Geya! Weyahina 'ida hemisa tuwa 'oinega 'i'ahwa'ahwa dumwaluwegita, ma geya loina 'ana hematamatana 'oinega.

2 Kolinita 10:15

Geya 'abehega hali tomota 'idi paihowa 'oimiya weyahina yagwae hane, taugu tuwa 'igu paihowa weyahina, ma yanuwatuhu yahiya 'abehega 'eguma 'imi hemisa 'imadou, nata 'igu paihowa 'oimiya wete 'imadou hedade,

2 Kolinita 12:20

Moisa, ya'ateyohowa, ta geya nuwagu yatauyawa ma 'imi mumuga ya'ita lobeya 'abehega geya bwebwe'ana, ma 'igu tauyawa weyahina wanuwagala, 'eguma taumimo wahe'ohe'ohena ma wahe'ipi'ipi ma wagamwasowala, nuwana walotobwatobwa hedade, ma 'iyamiyao wa'ahwa galagalaedi, ma wanuwahane, nuwana wapaihowa bwagabwaga.

2 Tesalonaika 2:4

Yehoba 'ana 'aleha ma wete 'ebehemisa mabwaiyadi 'adi 'aleha, 'oinega tauna 'i'abihanehe ma Yehoba 'ina Hada He'asisi 'oina 'imiyatoi, ma 'ihetoloina gide Yehoba.

2 Timoti 3:2

Weyahina tutaedi 'oidiya nata tomota taudimo weyahidi sinuwanuwatuhu, ma wasawasa 'ana hamwa nata 'imadou 'oidiya, ta sinuwa hanehane ta sigagasa ma wete siheliya. Ma sinadiyao ma tamadiyao 'enadi nata geya sihematamatana, ta tomota 'idi paihowa bwebwe'adi weyahidi nata geya siloyauwedo.

Taito 3:3

Moisa tauda mwalo yauyauleida ta tologwahata hedada, 'oinega henuhenuwa ma yaliyaya besobeso nuwada si'ewa'ewa ma 'eda bwebwe'ana ta'ebesineya. Ma wete nuwanuwada lo'aleha ma he'ipi'ipi, 'oinega tomota tupwadi silo'alehegita, ma wete tauda talo'alehediya.

Yemesa 3:5

Gidemusa tuwa 'ahwada ginaula muhemuhena, ma sawasawahina ginaula maudoidi 'iloinaedi. Bewa wete 'aigeda 'ebe'ita 'abehega 'eguma 'aiwe 'ala'alasina muhemuhena nedu 'oina tatui, sawasawahina ma 'aiweinaina 'oinega nedu 'i'ala hegumwali.

Yemesa 4:16

Nata bewa wagagasa ma wagwaehane, ma hesi gwae haneina galana.

2 Pita 2:18

Tohe'itaowedi 'idi mumuga galadi ma'idi gwae gagasa sihe'ote'oteli, ma wete nuwa'ubuna galadi 'oidiyega tonuwabui hauhau silisidi ma sihila 'idi mumuga nugenugetana 'oina.

Yude 1:16

Tomotaedi tolomugi ma tosinala, ma taudi 'adi lotohona 'oinega sitautauya. Wete togwaehanehane, ma 'eguma 'iyadiyao 'oidiya sigwae helau, beno tobwatobwa weyahina.