Loma 1:3 - Loina Nuahuana

³ Tetelaina beno Yehoba natuna Yesu Keliso he'ote'otetelina. Tauna 'iheloheya masiha Debida 'ina susu 'alonega,

Loma 1:3 ပူးပေါင်းရင်းမြစ်များ

Madiu 1:1

Lele bewa To'abihetena Yesu tubunao nugenugetadi weyahidi. Yesu tubuna hauhauna Debida, ma tubuna nugenugetana Ebalahamo.

Madiu 1:16

Yakobo natuna Yosepa, tauna Meli mwanena, ma Meliina natuna Yesu. Yesu tauna sihesaniyeya To'abihetena.

Madiu 1:6

Yese natuna Debida tauna kini, ma Debidaina Ulaiya mwanena 'ihematabaleya ma 'ihaiya ta natudiu Solomoni.

Madiu 12:23

Coinega tomota mabwaiyadi nuwadi 'ihenainaida ma sigwae, “Bewa To'abihetenaina, Debida 'ina susuwega, 'awa?”

Madiu 15:22

Ma tupwaina 'oinega Kenani wahineina 'aigeda 'ilatuwa, ma Yesu 'ihegwaeya, 'igwae, “Bada, 'owa Debida 'ina susu, 'u'atemuyemuyegau, weyahina natugu mewahinena hi'ahi'a 'i'abihebuweya.”

Madiu 26:63

Ma Yesu tuwa 'ihehenonomo. Ma topwaoli madouna 'ihesilala, 'igwaeya, “Yehoba miyamiya hatayana matana 'uhe'isa moisa, togidega 'owa Keliso, Yehoba Natuna, bo geya.”

Madiu 27:43

Tauna 'abehega Yehoba 'ana tohemisa ma 'igwaeya, ‘Taugu Yehoba Natuna.’ Ceguma Yehoba nuwanuwana tauna, 'ida 'etolihasi, 'awa?”

Madiu 3:17

Ma hesi 'aigeda 'enana galewega 'igwaema 'igwae, “Beno natugu moisa. Tauna weyahina yayaliyaya madouna.”

Madiu 9:27

Tupwa nage 'oinega Yesu 'itautauyama, tomata gibugibu 'eluwa simuliyeya, ma sibwaubwau 'enadi madouna 'oinega, sigwae, “Debida tubuna ee, 'u'atemuyemuyemai!”

Luke 1:35

Ta anelose 'igwaeya, “Yaluyaluwa Tabuna nata 'isuluma 'oiuwa, ma Yehoba 'i'abi hewaiwaiyego, ma natuu bwebwe'ana hedadena ma he'asisina 'uhenatune. Tauna nata sibwauwe Yehoba Natuna.

Luke 1:69

Coinega 'ina hewali Debida 'ina susuwega 'ada To'abihetenaina 'i'abi latuheya 'oida.

Yoni 1:14

Ma Gwae huhuna 'iheloheya, ma bewa tuwa mahetedai tamiyamiya. Ma 'ina wasawasa madou hedadena 'i'abi hemaedaneya 'oima ta 'a'iteya, 'oinega 'asanapuya 'abehega tauna tuwa Yehoba natuna moisa, ma wete tauna tohelau moisa, wete mumugana mabwaiyana bwebwe'ana.

Yoni 1:34

Coinega Yoni boda 'ihegwaediya 'igwae, “Loheyainaina moisa mataguwega ya'iteya, ma bewa tuwa weyahina 'oimiya yahehewasa tauna moisa Yehoba natuna.”

Yoni 1:49

Coinega Nataniyela Yesu 'ihegwaeya 'igwae, “Cinapwana, 'owa moisa Yehoba natuna. Ma wete 'owa meIsileli 'ima kini.”

Yoni 10:30

Taugu ma Tamagu 'aigeda tuwa.”

Yoni 10:36

Coinega to'aha weyahina 'igu gwae wanuwatuhuya 'abehega gwae hohopa'ala tutaina yagwaeya 'abehega taugu Yehoba natuna? Ma hesi wa'ita, taugu 'ihesinuwanegauwa ma 'ihesumanegauma ma yatauyama bale'uwa ma 'ina paihowa yapaipaihowadi.

Yoni 20:28

Coinega Tomasi 'igwae hila, ma 'igwaeya, “Cowa moisa 'igu Badaina ma wete 'igu Yehobaina.”

Yoni 20:31

Ma hesiyage hisadimo tuwa bewa yalelediya ma 'oinega wahasilidi ma Yesu wasanapu ma wahemisae 'abehega tauna moisa To'abihetena Yehoba natuna. Ma 'oinega Yesu saninega yawasimi miyamiya hatayana waloba.

Yoni 5:25

“Ma wete yahegwae bwaibwainigomi 'abehega tuta bewa tuwa 'ilatulatuma, bo tagwae tuta 'ilatu pwaima ma to'amasa Yehoba natuna 'enana sihesagohe, beno taugu tuwa 'enagu. Ma 'eguma taiyawedi 'omi 'enagu wahesagohe, nata yawasi hauhauna waloba.

Yoni 7:42

Weyahina Buki He'asisi 'oina 'ihepwaila pwaiya 'abehega To'abihetenaina nata tubudai Debida 'ina susu 'oinega 'itauyama. Ma wete Debidaina 'ina 'asa Bedeliyema 'oina, nata To'abihetenaina 'oina 'ili'u.”

Paihowa 2:30

Ma Debidaina palopita 'aigeda, ma Yehoba 'ina gwae hemisa waiwaina 'oina 'inuwatuhu yahiya 'abehega 'abwa Debida tubuna 'aigeda Debidaina 'ina 'ebeloina 'i'ewa Yehoba 'oinega.

Paihowa 3:13

ma hesi Yehoba 'ina waiwaiyega, tauna Ebalahamo ma Aisake ma Yakobo 'idi Yehoba, ta tubudao 'idi Yehoba. Yehobaina 'ina hewali Yesu sanina 'i'abihaneheya, tauna mwalo Pailato nuwanuwana ma 'ilihasi, ma 'omi wamwehihiyeya, ta wa'ahwa galagalaeya Pailato matana.

Paihowa 8:36

Ta 'edaina sitautau ta we'aha si'ita lobeya, ma loheyaina 'igwaeya, “Nage we'aha! Togidega, sowasowahina ma 'u'abihe babitaisogau, 'awa?”

Paihowa 9:20

Ma meYudiya 'idi hada tapwalolo 'oidiya Sauloina 'ihegaina 'iloguguya 'abehega Yesu tauna Yehoba natuna moisa.

Loma 1:9

Yehoba 'isanapugauwa, tuta mabwaiyana yanuwanuwa tuhugomi 'igu 'ahwanoi 'oidiya. Yehobaina 'ina paihowa 'oina yaguibiga hedada, Natuna tetelina 'ana hepwaila weyahina.

Loma 4:1

Coinega to'aha nata tagwaene Ebalahamo weyahina, 'iboi tuwa tubudaina mabwaiyada 'oinega tamasalehama?

Loma 9:3

Ma weyahidi yanuwanuwatuhu madouna 'eguma togidega ma Yehoba 'ina helauina 'i'ebwaegauwa, beno Yesu Keliso, 'oiguwega 'i'ewa ma 'i'ebwaedi 'igu bodaedi, ma taugu 'ana mwau yaloba, taudi weyahidi.

1 Kolinita 1:9

Yehobaina ma'ana hemisa madouna eeta 'ibwauwegomiya ma natunaina tauna 'ida Bada Yesu Keliso ba'idamiu wahe'iya'iyagu.

1 Kolinita 10:18

Gidemusa tuwa meIsileli baibaiwadi 'idi pwaoliyao sihunudi Yehoba weyahina ma si'aidi, 'oinega Yehoba ba'idadiu siheboda 'aigeda.

Galetiya 4:4

ma muliyetega Yehoba natuna 'ina tuta bwebwe'ana 'ilobeya, eeta natuna 'ihewaseyama, ta sinana 'ihenatuneya ta 'iheloheya masiha 'oima, beno tauma Mosese 'ina loinao sipaipaimai, ma 'oidiyega 'ilihasimai, ma 'omi wete 'ilihasigomi, ma Yehoba mabwaiyada 'i'ahwa natunegita.

1 Tesalonaika 1:10

ma Natuna wayamwayamwa ma to tuta 'oina ma galewega 'isuluma, tauna tuwa Yesuina Yehoba 'amasega 'i'abihetoholo hileya ma 'i'abihetegita, ma 'ane sahena 'ebe yatala 'oina talatulatu.

1 Timoti 2:5

Yehoba 'aigeda tuwamo, ma wete 'aigeda tuwa loheya sowasowana 'i'ewegita Yehoba 'oina, tauna Yesu Keliso.

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

2 Timoti 2:8

Ma Yesu Keliso 'unuwatuhuyahi, tauna Debida 'ina susu, ta 'amasa 'oinega 'itoholo hila, gide tuwa yahepwaileya 'igu guguya 'oina.

1 Yoni 1:3

Tauna 'a'iteya ma 'ahesagoheya ma 'oimiya 'ahepwaila, 'oinega 'omi mahetemao tahe'iya'iyagu mahemahetena, ta wete Tamada ma Natuna Yesu Keliso mahetedao ta'ahwa 'iya'iyagu mahemahetena.

1 Yoni 3:23

Ma 'ina loina 'eluwaedi 'abehega Natuna Yesu Keliso tahemise, ma 'iyadao tahelauwedi, gidemusa Kelisoina 'ada loina 'i'ebwaegita.

1 Yoni 3:8

Ta topui beno taudi Tomudulele 'ina bodao, weyahina tuta mwalo 'oinega ta nige, Tomudulele tauna topui. Coinega Yehoba Natuna 'ihenatuneya bale'uwa, 'itauyama Tomudulele 'ina paihowao sabi 'ahusepaledi.

1 Yoni 4:15

Ceguma taiya 'owa 'u'ahwa moisa 'abehega Yesu tauna Yehoba Natuna, Yehoba 'oiuwa 'imiyamiya ma 'owa tauna 'oina 'umiyamiya.

1 Yoni 5:1

Ceguma mabwaiyada Yesu tahemise 'abehega tauna To'abihetena, tauda Yehoba natunao. Ma wete 'eguma Tamana tahehelauwe, natuna gidemusa tahelauwe.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

1 Yoni 5:5

Weyahina 'eguma Yesu Keliso tahemisae 'abehega Yehoba Natuna, bewa 'oinega mumuga bale'u tahewaiwai sinedi.

2 Yoni 1:7

Ma to'abowao baibaiwadi sihapwesa pwaiya bale'uwa ma siuhauhala sigwae, “Yesu Keliso geya 'iheloheya.” Ceguma taiya gide 'i'abo 'esa, tauna Keliso 'ana 'aleha.

Heꞌitaꞌita 2:18

Aneloseina totapwalolowedi Tayataila 'oina 'i'ita'itayahidi 'ina leta 'ulele meTayataila weyahidi, ma 'ugwae: Tetela bewa 'itauyama Yehoba Natuna 'oinega, tauna matana 'adi 'ita gide tuwa 'aiwe 'ininininima, ma wete 'ahena namanamalidi gide pwawati hauhauna sigabuya.