Loma 1:21 - Loina Nuahuana

²¹ Ma sisanapuya tauna tuwa Yehoba, ma geya sida he'asisineya bo sida loyauwedowa 'oina, ma nuwatuhu besobeso 'oina sihewaiwai, 'oinega 'eda'eda guguyou 'atedi 'ilohemaheya.

Loma 1:21 ပူးပေါင်းရင်းမြစ်များ

Yoni 3:19

Loinaedi mwaudiyedi huhuna bewa gidemusa: Maedanaina 'isulu pwaima bale'uwa, ma hesi tomiya bale'u nuwanuwadi guguyou. Coinega maedanaina silogwahateya, weyahina mumugadiyedi galadi.

Paihowa 26:18

Weyahina taudi tomiya ganamuli 'oidiya 'abwa yahewasaego, ma matadi 'u'abi he'asilaladi, ma guguyou 'oinega si'ita hila 'asilala 'oina, ta wete Tomudulele 'ina 'ebeloina waiwaina 'oinega sihapwesama, ma Yehoba 'idi puiyao 'inuwasamudi, ma siluhu taudi 'agu tohemisao 'oidiya, beno taudi 'oiguwega si'ehauwa.’

Loma 1:19

Ma Yehoba 'ana nuwatuhu 'i'abi hemasaleheya 'oidiya ta sisanapu pwaiya.

Loma 1:28

Bewa 'oinega Yehoba 'ana nuwatuhu geya nuwadi, eeta Yehoba 'itagwalediya ma nuwatuhu galadi 'ilohemahadi, ma ginaulaedi geya 'adi lobwaina tuwa sipaihowadi.

Loma 11:10

Ta 'ilobwainediya tuwa simata gibugibu, ma 'ane geya sowana to'aha si'ita'ita, ma wete tuta mabwaiyana 'adi 'aha'ahala mwauna 'oidiyega tuluhadi silotayohu hataya.”

Loma 15:9

ma wete 'abehega taudi geya meYudiya gogo mabwaiyana 'oidiya simiyamiya, Yehoba sihepwatuwe 'ina 'atemuyamuya 'oidiya weyahina. Weyahina Yehoba 'ina Buki 'oina 'aigeda lele 'imiyamiya, 'igwaeya, “Bewa lamuna 'oinega tomiya ganamuli mahetegwao nata 'ahepwatuwego, ma wete Saniu weyahina ma'ima hepwatu 'awaliwali 'oiuwa.”

2 Timoti 3:2

Weyahina tutaedi 'oidiya nata tomota taudimo weyahidi sinuwanuwatuhu, ma wasawasa 'ana hamwa nata 'imadou 'oidiya, ta sinuwa hanehane ta sigagasa ma wete siheliya. Ma sinadiyao ma tamadiyao 'enadi nata geya sihematamatana, ta tomota 'idi paihowa bwebwe'adi weyahidi nata geya siloyauwedo.

1 Pita 1:18

Mwalo 'imi mumuga tubumiyao 'oidiyega geya bwebwe'ana, 'oinega Yehoba 'ami he'isa 'ipaihoweya sabi 'abihetegomi. Ma he'isaina wasanapuya 'abehega geya ginaula gumwagumwalidi gidemusa siliba bo goula,

1 Pita 2:9

Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.

Heꞌitaꞌita 14:7

Ta aneloseina 'enana madounega 'igwaeya, “Yehoba 'oina wahe'asisi, wahepwatu, weyahina 'ina tuta yatala 'ilatu pwaima, 'oinega tauna galewa ma bale'u ma hola ma wete we'aha daudaudi 'adi tohemasalahaina matana wa'etuluha.”

Heꞌitaꞌita 15:4

“Bada yo, tomota mabwaiyadi 'abwa sihe'asisiyego ma si'ahwa wasawasaego, weyahina 'uboimo 'asi'asilalau, 'oinega mebale'u mabwaiyadi sinaoma ma matauwa si'etuluha, weyahina tomota mabwaiyadi 'ino loinao dumwaludi si'ita pwaidiya.”