Kolose 4:6 - Loina Nuahuana

⁶ Catemuyemuyega sauga mabwaiyana wagwaegwae ma'imi sanapu moisa, eeta 'eguma 'iyamiyao sihesilalegomi, wahemaise gwae dumwaluwega.

Kolose 4:6 ပူးပေါင်းရင်းမြစ်များ

Madiu 5:13

Comi gide hola mebale'u weyahidi. Ma hesi 'eguma hola 'ina waiwai 'igumwala, geya sawasawahina ma 'ibwebwe'ana hila, 'oinega talogwahate ma tasiwa yahule 'eda 'oina.

Maki 9:50

Hola ginaula bwebwe'ana, ma 'eguma 'ana 'amna 'igumwala geya sawasawahina ma 'i'amna hila. Coinega 'ilobwainegomiya ma mumugami waboi walotoho, 'ana lotohona gidemusa wahehelau hilegomi.”

Luke 4:22

Ma taudi nuwadi 'ihenainaida moisa, 'oinega 'ina gwaeyedi bwebwe'adi weyahidi sihepwatuweya, sigwae, “Loheya bewa Yosepa natuna, 'awa? Ma togidega hede?”

Epeso 4:29

Sahena wete 'eta gwae galana wa'ina'inana, ma hesi gwae bwebwe'anamo tomota 'adi lema weyahina, to'aha tuta 'aigeda 'aigeda 'ana lobwaina weyahina wahegwaegwae, ma 'oinega taiyawedi taudi sihesagohegomi, 'imi gwaeyega nata lema siloba.

Kolose 3:16

Wete Kelisoina 'ina gwae bwebwe'adi 'atemiya sibwala moisa, ma 'aigeda 'aigeda 'oimiya wahehe'ita ma walolohatoto sanapu moisa 'oinega, ta wete 'ami wali ma Same walinao 'oidiyega, wete walibui 'oidiyega, Yaluyaluwa Tabuna 'oinega, ma'imi loyauwedo Yehoba 'oina 'atemiyega.

1 Pita 3:15

ma hesi 'atemiyega 'ida Bada Keliso wahe'asisiyane. Ma 'eguma taiya 'ihesilalegomi ma 'igwae, “To'aha weyahina 'uhemihemisa?” nata 'omi wagwaehila ma'imi hepwaila bwebwe'ana 'oidiya, ma ma'imi mumuga nuhana 'oinega wahegwaedi.