Kolose 4:12 - Loina Nuahuana

¹² Epapila wete 'ina loyauwedo 'oimiya, tauna 'aigeda 'imi boda 'oimiyega. Ta 'ipaipaihowa To'abihetena Yesu weyahina, ma wete 'ina 'ahwanoi 'oidiya 'i'ahwa'ahwanoi waiwai ma 'ane watoholo pa'ala, ma'imi mumuga mabwaiyana bwebwe'ana, gide Yehoba nuwanuwana.

Kolose 4:12 ပူးပေါင်းရင်းမြစ်များ

Madiu 5:48

Ma 'omi 'ilobwainegomiya ma mumugami 'ausalana mabwaiyana, gide Tamamiu galewa.

Luke 1:1

Cae, Bada Tiyopilo. Tomota tupwana baibaiwana Yesu he'ote'otetelina silele pwaidiya to'aha gide 'ina paihowa 'oida weyahina.

Luke 22:44

ma nuwana 'imwau hedadeya, 'oinega 'i'ahwanoi waiwaiya, ta 'ana 'amweyahi 'ipesupesu bale'uwa, gide tuwa bweyaha 'idaudau.

Yoni 12:26

Coinega taiyawedi 'omi 'eguma nuwanuwami ma 'oiguwa wahetopaihowa, 'omi wamuliyegau. Ma to 'asa 'oina yamiyamiya, 'omi wete 'asainaina 'oina wamiyamiya. Ma taiya 'eguma wete weyahigu wahetopaihowa, nata 'omi Tamagu 'i'ahwa bwebwe'anegomi.”

Loma 15:14

Ciyagwao, yasanapu bwaibwainigomiya 'omi tomota bwebwe'ami ma sanasanapumi, sawasawahimi wete 'iyamiyao 'oidiya 'eda'eda bwebwe'ana wahe'ita.

Loma 15:30

Ciyagwao, 'ida Bada Yesu Keliso saninega ma Yehoba Yaluyaluwana 'ina helauwega ya'ahwanoi 'oimiya, ma 'omi mahetegwao Yehoba 'oina ta'ahwanoi waiwai,

1 Kolinita 14:20

Ciyagwao, sahena 'imi nuwatuhu gwagwama gidemusa, ma hesi wanuwanuwa loheya madouna gide. Ta sahena mumuga galana weyahina wanuwanuwatuhu ma 'abehega wasanapudi.

1 Kolinita 2:6

Sanapu moisa Yehoba 'oinega yahehepwaile tohemisa pa'alidi 'oidiya, ma hesi geya gogo gabulena bewa 'ana sanapu bo toloinao bewa tuwa 'idi sanapu, taudi simiyamiya tuta to'uto'upana tuwa.

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.

Galetiya 1:10

Togidega, tomota 'adi hepwatu weyahina yanuwanuwatuhu, bo Yehoba 'ana hepwatu? Ta 'eguma tomota 'idi nuwatuhu yapaipaihowa, geya sawasawahigu ma Keliso weyahina yahetopaihowa.

Galetiya 4:19

Natugwao, tuta mabwaiyana 'imi 'italohihila weyahidi 'ategu 'imuyamuya, eema 'ana siga Keliso 'oimiya 'ilatu hila, ma 'atemiya 'ida miya, ma 'oinega 'agu lotohona 'ida bwebwe'ana hila.

Kolose 1:22

Ta Yesu wahina 'ina 'amasa 'oinega 'i'ewegomiya ma 'oinega Yehoba ba'idamiu wahe'iya'iyagu hila, ma'imi mumuga bwebwe'ana ma dumwaluna matana.

Kolose 1:28

Tauna Kelisoina 'ahehepwaile, ma'ima sanapu moisa 'aloguguya ta 'ahehe'ita tomota mabwaiyami 'oimiya, ma 'abehega Keliso 'ana tohemisao 'omi ma 'a'abilatuhegomi mamumugami mabwaiyana bwebwe'ana ta matuwana.

Kolose 1:29

Bewa weyahina yahehetapewa, ta yahewaiwai, tauna 'ina waiwai nuwaguwa 'i'ebwaegauwa 'oinega.

Kolose 1:7

Moisa, 'iyada Epapilaina loheya bwebwe'ana, 'oinega wasaina 'ihe'ita nugetegomiya. Weyahina tauma 'ihemiyalaemaiya ta 'ihehetapewa Keliso weyahina 'oimiya.

Kolose 1:9

Saugaina wasami 'ahesagoha nugeteya 'ana siga bewa, 'ima 'ahwanoi weyahimi geya 'ada lolaguwa. Ma hesi Yehoba 'oina 'a'ahwa'ahwanoi ma 'oinega Yaluyaluwa Tabuna 'i'abihenuwa sabwalenigomi, ta 'ane wasanapu bwaibwaini to'aha 'ina nuwatuhu weyahimi.

Kolose 4:9

Ma tasidai Onesimo Tikiko ba'idana sitautauyawa, ta Onesimoina tauna tuwa 'imi 'asa loheyaina, ta loheya bwebwe'ana, ma'ana hemisa. Ma taudi to'aha 'ebwa silatulatuwa sihegwaegwae 'oimiya.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

Pilimoni 1:23

Epapila ba'idagu Yesu Keliso 'ina paihowa weyahina ta deliya silagumaiya, ma Epapilaina 'ina helau 'oiuwa.

Ibeliu 5:14

Ta 'eguma taiyawedi 'idi sanapu 'imatuwa, taudi gide 'e'ahai pa'alina 'ana to'aiyao, weyahina nuwadi 'isabwalena pwaiya, ta sawasawahidi sihesinuwa to'aha 'ausalana ma to'aha galana.

Ibeliu 5:7

Mwalo Yesu bale'uwa 'imiyamiya ma'ina dou 'i'ahwa 'ahwanoiya Tamana 'oina, ta nuwanuwana 'amasega 'i'abihete, 'oinega 'i'abiheteya weyahina Yesu Tamana 'ihe'asisiyeya.

Yemesa 1:1

Yauwedo 'omi Yehoba 'ina tomotaiyao susu tuwelo 'oidiyega wamiya lelewana 'asa baibaiwadi 'oidiya. Bewa 'imi leta yaleleyawa, taugu Yehoba ma Bada Yesu Keliso 'idi topaihowa, sanigu Yemesa.

Yemesa 1:4

Coinega wa'ita yahigomi ma watoholo pa'ala moisa eema 'oinega 'imi mumuga mabwaiyana 'ibwebwe'ana.

Yemesa 5:16

Coinega 'aigeda 'aigeda 'oimiya 'imi galaowedi wahepwailedi, ma weyahina wa'ahwanoi, ma 'oinega 'imi bwebwe'ana waloba. Moisa, tobwebwe'adi 'idi 'ahwanoi waiwai hedade.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.

Yude 1:24

Yehobaina sawasawahina 'ilomata yahigomi ma geya'abwa wabe'ube'u ee 'ana siga tutaina tauna matana 'inaolegomi 'ina 'asa 'asi'asilalaina 'oina, ma'imi mumuga bwebwe'ana, ma wete ma'imi yaliyaya madouna.