Kolose 3:1 - Loina Nuahuana

¹ Yehoba Keliso ba'idamiu 'ihetoholo hilegomiya, 'oinega galewa ginaulaedi wa'ebesedi, nobwa Kelisoina Yehoba 'ina 'ebeulega galewa 'imiyamiya.

Kolose 3:1 ပူးပေါင်းရင်းမြစ်များ

Madiu 22:44

‘Yehoba 'ina gwae 'igu bada 'oina, 'igwaeya: Cigu 'ebeulega 'umiyatoi ma 'ana siga 'a 'alehao yalagu dobihedi 'aheu gabulena.’

Madiu 26:64

Ma Yesu 'igwaeya, “Cino gwaeina gidemusa. Ma wete yahegwaegomi beno 'abwa taugu Loheyaiguina wa'itegau Tohewaiwaina 'ina 'ebeulega yamiyatoi sabi loina, ma wete 'igu hilama wa'ita galewa yaloha debadiya.”

Madiu 6:20

ma hesi 'imi wasawasa galewa weyahina wahehetapewa. Weyahina galewa geya wete sohusohu nuwana mwahulu ma 'ida tobwatobwa si'abihegaladi, ma wete geya toyagaha.

Madiu 6:33

Cilobwainegomiya ma nugeta Yehoba 'ina loina ta 'ina 'eda dumwaluna wa'ebese ma wamuliye, eeta 'ami 'e'ahai ma 'ami 'ale'o 'i'ebwaegomi wete.

Maki 12:36

Weyahina Debida mwalo Yaluyaluwa Tabuna 'ina waiwai 'oinega Kelisoina 'i'ahwa badaeya, 'igwae: Yehoba 'ina gwae 'igu Bada 'oina, 'igwaeya, ‘Cigu 'ebeulega 'umiyatoi ma 'ana siga 'a 'alehao yalagu suluhedi 'aheu gabulena.’

Maki 14:62

Ma Yesu 'igwaeya, “Cehe! Taugu! Ma wete 'abwa taugu Loheyaiguina wa'itegau Tohewaiwai moisa 'ina 'ebeulega yamiyamiya, ma wete galewa yaloha debadiyega yanaoma.”

Maki 16:19

Cida Bada Yesu 'ina hemataluwa 'ana tomuliyao 'oidiya 'ilosaloha pwaiya ma 'ihaneya galewa, ma Yehoba 'ina 'ebeulega 'imiyatoiya.

Luke 12:33

“Coinega 'imi tobwatobwao wahegimwaneyedi ma maneyedi waheguyaiyedi towewelohe 'oidiya, ma 'oinega galewa 'imi wasawasa 'imiya hataya. Wasawasaina galewa 'imiyamiya geya wete 'ina 'ebegumwalamo, weyahina geya 'aigeda wete toyagaha tupwaina 'oina, ma wete geya sohusohu.

Luke 20:42

weyahina buki wali Same 'oina Debida 'ina gwae 'igwaeya, ‘Yehoba 'igwaeya 'igu Bada 'oina 'igwaeya: Cigu 'ebeulega 'umiyatoi,

Luke 22:69

Ma wasanapu 'abehega tuta bewa 'oinega ma muliyetega taugu Loheyaiguina yamiyamiya Yehoba Tohewaiwai hedade 'ina 'ebeulega.”

Paihowa 2:34

Weyahina Debida geya tauna 'ina hane galewa weyahina 'igwae, ma Yesu hesi weyahina 'igwaeya, 'igwae, 'Yehoba 'igwae pwaiya 'igu Bada 'oina, “Cigu 'ebeulega 'umiyatoi,

Paihowa 7:55

Ma hesi Yaluyaluwa Tabuna Sitibeni 'ilohemaheya, ma galewa 'i'e'ebubuya ta 'i'iteya Yehoba ma'ina wasawasa maemaedanina, ma Yesu 'ina 'ebeulega 'itotoholo,

Loma 8:34

Geya wete nata 'eta taiya 'ina gwae pa'alina 'oida 'ilagulagu, weyahina Yesu Keliso tauna weyahida 'i'amasa pwaiya ta wete 'itoholohila, 'oinega bewa tuta Yehoba 'ina 'ebeulega 'imiyamiya ma weyahida 'i'ahwa'ahwanoi.

2 Kolinita 4:18

Weyahina 'ida 'ebemasi ginaulaedi geya ta'ita'itadi 'oidiya. Moisa, ginauledi ta'ita'itadi sawasawalidi tuwa, ma hesi ginaulaedi geya tada 'itediya taudi ginaula miyamiya hatayadi.

Epeso 4:10

Ma tauna tosuluina 'ihaneya wete ta galewa 'ihanesineya, ma 'oinega tauna tupwa mabwaiyadi 'oidiya 'imiyamiya.

Epeso 5:22

Comi wahiwahine haihainimi mwanemiyao 'idi gwae wahematamatanedi, gidemusa 'imi hematamatana Keliso 'oina,

Kolose 2:20

Mwalo wa'amasa Keliso ba'idamiu, 'oinega mumuga gogo gabulena 'ana loina 'oimiya 'ilolaguwa, ma to'aha weyahina 'abwa wapaipaihowa gide gogo gabulena mumugana.

Kolose 3:2

Wete 'imi nuwatuhuwao walagudi galewa ginaulaedi 'oidiya ma sahena gabula ginaulaedi 'oidiya.

Ibeliu 1:13

Ma hesi, Yehoba geya 'aigeda wete anelose 'oina 'ida gwae, “Cigu 'ebeulega 'umiyatoi ma 'ana siga 'a 'alehao yalagu dobihedi 'aeu gabulena.” Ma bewa gwaeina natunamo 'oina 'igwaeneya.

Ibeliu 1:3

Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

Ibeliu 10:12

Ta Keliso hesi ma'aigeda 'ipwaoliya mumuga galana weyahina, ta 'ina pwaoliina tuta mabwaiyana sawasawahina, ta 'ina pwaoliina mulina Yehoba 'ebeulanega 'imiyatoiya,

Ibeliu 12:2

Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.

Ibeliu 8:1

Cigu gwae mabwaiyana huhuna bewa 'abehega 'ida Topwaoli Madouna, bewa tuwa 'imiyamiya galewa Tolohaneina 'ina wagahata wasawasa 'ebeulanega.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.